الوارث"ضل لاسود"

part 11🪞

دجله :-وين راح نروح
غيث :نعقد لج
دجله :وهوه ديحجي اني جنت كاعده علارض من كال نعقد اني كمت مفزوهه شنو شنو انت شتكول شدا تخربط انت صاحي لوتخبلت شنو تعقد الي وانت منو حتى تعقد لي ويه منو اصلا
غيث :اول شيء صوتج لا يعلى وثاني شيء انا راح اتزوجج ولا تفكرين انه اني ميت عليج ابالي شغله اسويها وبعدين اطلكج
دجله لك نجب وكل تبن انت شلون تحجي وياي هيج باي حق تحجي وياي هيج لك شايف نفسك انت تماديت وتجاوزت حدودك مستحيل اكيد ما راح اقبل
غيث :ليش هو منو منتظر منكج تقبلين لا يا حلوه رحت الحين وياي وانت راضيه وانت الممنونه
دجله :ظلت اباوع علي واني مصدومه ودموع تجري ما ترضى توكف ركضت للغرفه اللي يم الغرفه اللي جنا بيها قفلت الباب واخذت الجهاز راسا انتصلت على عباس:- الو عباس الله يخليك تعال خذني منا لا تخليني وحدي الله يخليك راح يدمر حياتي الله يخليك تعال خذني من هنا رجعني لاهلي الله يخليك
عباس :احجي اخوي شصاير شبيج ليش تبجين
دجله :حياخذني غصبا علي يريد يتزوجني غصبا عني والله اذا سواها اقتل نفسي الله عليك تعال خذني منه
عباس :ان شاء الله خير لا تخافين مسافه الطريق واني يمج
دجله :بقيت منتضرته تقريبا اقل ربع ساعة وجه ندك لباب اكثر من مره تاعدت غيث مموجود لان لو موجود يفتح الباب رحت ركض فتحتله لباب
عباس :شبيج
دجله :طلعني منا قبل ليجي الله يخليك
عباس :يلا بسرعه تاعلي خلي اخذج لاتخافين
دجله :رحت لفيت شالي شلون مجان من لسرعه ماطولت رجعتله صعدنه بسياره ومشينه طول لوقت واني افرك بايديه من لخوف ودموعي ماوكفن مشين يمكن ساعه اقل
دجله :وين حتوديني
عباس :راح اطلعج من بغداد
دجله : تكدر ترجعني لاهلي
عباس : بعيني انتي تندليهم
دجله :اي اي ذي قار ناصرية شارع****
عباس :هاهيه نشاء الله خير لا تخافين
دجله :مشينه هواي واني دنيه مواسعتني من لفرح واخيرا راح اخلص مشينا بطريق مابي احد حته بيوت مابيها من سالته ليش اجينه منا كال كلها السيطرات تعرف غيث وتعرفني قربنه نطلع لكينه دوريتين سادات طريق وسيارة غيث واكفه مقابيلهم تقربقه صرنه يمهم نزل عباس راح لغيث غيث منتجي علسيارته ومخلي ايد بجيبه وثانيه لازم بيها جكاره
عباس :غيث اخذ جماعتك وروح منا بلا مشاكل
دجله : ماحس صرت برجليه وكلبي يركع من لخوف ماحس اله هجم على عباس وضربه ضرب يصفن ماتوقعت هيج ياذي رغم هوه اعز اصدقائه واحد يضرب اقوه من لثاني
غيث : شلووووون تتقرب ليه ليوم اكسر
راسككك شكد حذرتككك
عباس :كافي تخبلت انتهلو علكص ركبتي لبنيه ارجعها لاهله
غيث :لوتموت ماترجع لوتموت ماتاخذونها مني
عباس :شنو مناخذها منك انته بكيفك
دجله : ضربه اكثر بحيث دممه كال للي ويا يلزمونه لزموا اكثر من ثنين اجه غيث بنتجاه سياره الي اني بيها حسيت بنهايتي قربت نزلت من السياره ركضت بكل ماعندي قوه
وهوه وراي رغم اني سريعه بس هوه اسرع مني لزمني جراني من ايدي احس ايدي دتتكطع يمشي بيه بتجاه سيارته فتح لباب ورماني بلسياره ركع راسي بصفحه ثانيه صحت متارمه صعد شغل لسياره موشه
دجله :غيث فدوه نزلني ماريد اروح وياك عوفني بس خلي ناخذ عباس المستشفى حاله مو زينه طول ماحجي وهوه ساكت اخر شي عاط عليه
غيث :سكككتييي صوتج مااسمعه تشردين مني مو اني اعلمج اصبري خلي نوصل بنت لكلللب
دجله :لك انجبب انته منو تغلط عله بابا شون
تجيب طاريه عله لسانك لوصخ ياحقير لك نزلني نزلني والله افتح لباب وشمر نفسي نزلني
حاولت هواي افتح لباب بس مقفله من يمه ماجنت افكر بشي غير انو اشرد قبل لانوصل لبيته لان اعرف شنو مصيري
بس للأسف وصلنه واني ماكدرت اهرب حته قبل جان اعندي امل اخلص منه هسه لا
بعدنه بحديقة لبيت مداخلين ليجوه لزمني جنزني جنازه بمعنا لكلمه خشمي ضل يصب دم حسه دخل بحلكي من ضرب وكع حجابي وهوه مستمر يضرب كل ضربه اقوه من لقبلها
غيث :لج ليوم اموتج بيدي بنت لكلللب بنت لنعاااال شكم مره نبهتج وحذرتج
دجله :ماحس ضليت من كد ضرب غرس اصابعه بشعري وكفني وهوه لازم شعري ضربني راشدي من بعده ماحسيت بشيي كعدت لكيت نفسي بنفس لغرفه المهجورة واديه مربطه ولحبل ضاب على اديه وريحت دم لي بجسمي ولي بوجهي ريحته تكتل شمازت نفسي من شكلي زحفت لزوية لغرفه واني ابجي وجسمي متكسر بقيت تقريبن خمس ساعات على حالتي حسيت دنيا سودت بوجهي دخل غيث ستند على لحايط وهوه واكف ولازم جكارته بايده اني منزله راسي وابجي وشهكاتي كاليه وهوه موجه انضاره عليه خلص جكاره وجكارتين وتلاث واني عله حالي اخر جكاره اجه عليه لم شعري ورفعه ليفوك :-ليدك وخرها عني يازباله ياحقير الله ياخذكككك
مشه باصبعه سبابه على وجهي ويحجي
غيث :صوتج اكرها لاتسمعيني صوتج
دجله :وهوه يحجي ماحسيت اله طفه جكاره برگبتي بلعضم الي يبرز يم رگبه احس كلبي حترك لوجع الب حسيت بي ماكدر اوصفه حته من ضربني مو نفس لالم
وهوه عكسي مرتاح على شوغاتي :-لك ليش هيج تسوي بيه ليش شسويتلك
غيث :ابد مايلعب وياي اني ونتي لعبتي بنار من ردتي تروحين الي راح يصير بيج لومي نفسج عليه
دجله :والله ياغيث والله الله اندمك على كل وجع حسيت بي اذا ماابجيك دم واخليك تجي تترجاني اسامحك
باوع علي وضحك لبستصغار
غيث :المشكله انا جاي استخطيج لان انت ما تعرفين شيء عني ولا راح اسوي بيج
يلا ياحلوه خلي اخذج تنضفين نفسج من هاي لقذاره وتروحين وياي مثل لحبابه نتزوج دجله :-حبابه بعينك شنو هي بكيفك تحلم اقبل بيك
غيث :تروحين وياي مثل الحبابه لو اخليك تمشين بطريقتي
دجله :ما اروح وياك لو تموت لو تقتلني ما اروح وياك
غيث :متاكده خلي يشوف بالله
دجله :انتظرت اريد اشوف شنو يسوي طلع تلفونه واتصل على ما اعرف منو كاميرا خلي الجهاز كدام عيوني
غيث :تعرفين هذا المكان وين شوفه عدل دجله :هاي هاي مدرسه يمان شدا يسوون يمها دخيلك لا لا يؤذونها
غيث :والله كلت خطيه انت هسه ضجتي بوحدك فخلني اجيب اختج تتسلى وياج
دجله :انت شقد حقير تعرف اختي ما تتحمل اي شيء يصير وياها لك البنيه صغيره بعدها شلون هيج تكدرون تسوون وياها
غيث :تؤ تؤ صدوك من يمته مريضه تصدكين ولا ادري
دجله :لك انت شلون تكدر تصير هيج حقير
دجله باوع علي بنظرات حقيره ورجع حجه ويا الولد اللي يم مدرسه اختي يمان
غيث :يلا سباع بشاره مني ما اريد الها اي اثر
دجله :لا لا العباس عليك اختي عدها تضخم بالقلب اقل شيء تموت والله العظيم لا تسوين هيج وياها اخذوني اني بمكانها
غيث :انتظروا مني اشاره ابقىوا بمكانكم لا تغيب عن عينكم
دجله :هوايه جانوا يم المدرسه واكفين مالت اختي ومنظرهم مرعب خفت لا يسون بيها شي اضحي بحياتي بس يكون ما يصير شي لاهلي قبل لا يسد الخط حجه ولد ويا غيث :-سيدي بس اخوها منتظرها بالباب شنسوي
غيث :سحكوا اي شخص يوكف بطريقكم انتم إرجال غيث
دجله :دير بالك تتقرب لاخواني دير بالك يا غيث والله اموتك بايدي
غيث :هسه شكلتي يا حلوه موافقه
دجله :موافقه بس بشرط محد يتقرب الاهلي ولا باي شكل من الاشكال فهمت
غيث :تامرين امر انتي يلا عالسريع تكومين تنظفين القذاره هاي اللي عليج وما اريد اي غلط الشباب راح يبقون بباب مدرسه اختج اي غلط يشوفون شغلهم
دجله :لك ليش ليش هيج دتسوي ليش
غيث :اللي اريده اني يصير فهمتي
دجله :اقسملك بروح اخويه وابويه ورهف اله اندمك على كلشي وهاذه وعد مني
باوعلي بخزره ضل كلبي يرجف من لخوف بس مبينتله فتح اديه اثر لحبل مجرح ايديه اريد اعين نفسي حته اوكف ماكو ماعندي اي طاقه بالف ياعلي وكفت خطيت اول خدوه وحس دنيا فترت بيه وكعت علارض تجمعت دموع بعيني حاولت اسيطر عليهن بس ماكو خليت ايديه علوجهي وعتلت شهكاتي
غيث :سندي نفسج عله لحايط ومشي ماعندي وقت
دجله :انته بس اطلع عوفني وحدي
مشه باتجاهي حنه ضهره عليه
غيث :لاشلون اعوفج وحدج نسيتي بعد كم ساعه تصيرين مرتي
دجله : دفعته من صدره بقوه رجع لوره :-والله هلمره لويت ايدي باهلي بس دنيا دواره
غيث : بلافلسفة وكومي يلا منتضر جوه اني