الوارث"ضل لاسود"

part 9🪞

دجله :انته منو
غيث :غيث ضابط مكافحت لارهاب
دجله :لا اكيد تشاقه
غيث :والله شبيج مو بعينيج
دجله :انت شجاي تحجي اكيد تخبلت شلون ضابط وانت خاطفني هاي بدل ما تحميني انت الخاطفني شوف والحسين اذا ما هسه نطلع من هذا المكان وتطلع بيا كبل الاهلي ثق بالحسين هنا اشهرك وخليك ماتعرف راسك من رجليك
غيث :احجي بالله وخلينا نشوف يا اللي يصدكج
دجله :شوف هاي الشرطه اللي هناني والله بصوت واحد اخليهم يذبونك بالسجن
غيث : هههههههه لج هذولا كلهم يمشون بكلمه واحده من عندي انت شجاي تحجي
دجله يا اخي بس اريد افتهم انت ليش هيك حقير منين الله جابك وذبك علي شلون بلوه ابتليت بيك
غيث :والله مو انت اللي ابتليتي بيا انا اللي ابتليت بيج ساعه السوده اللي خطفتج بيها طيحتي حظي وحظ اهلي
دجله :اوف يمه يمه حموت جرحت مشاعري اصلا اني اتمنى اليوم قبل باجر اخلص منك يا قذر يا وسخ
غيث :خايبه هي بس حذاء انظف من حياتج شو ما تسكتين
هاي عليمن والله مو صوجك صوجي اني الواكفه وياك تحجي اصلا انا ليش مضيعه وقتي وجاي احجي وياك شوف نفسك هسه انت منو يكدر يوكف يمك
غيث :شحده اللي يوصل ويوكف يمي تاج على رؤوسهم ابقى اني
دجله :اصلا واضح لا كلش مبين اصلا مبين عليك خاب شو كل تبن
غيث :انا اعلمج يصير خير اشوفج على منو تغلطين بعد
ما بقينا هواي شويه وبدا العرس يعني فعاليات العرس ونزلوا ياسر وايلاف يركصون واني صافنه عليهم واتخيل نفسي اني لمزوجه ورايحه ويا غير العالم الولد اصدقاء ياسر وغيث لعبوا ولعب بالعرس والرقص يعني بقيت صافنه عليهم وعلى جمال رقص واني بنيه وما اعرف ارقص هيج خاصه غيث ودف العرس على رجل واحده بالرقص مالته والبنات يباع ومتخبلات ما اعرف شعاجبهن بيه
استغليت انشغاله بالرقص ويا جماعته حاولت اطلع اتوجهت للباب الخلفي بس المشكله ان موكفين عليه حراس حاولت اقنعهم وانو اطلع بس ما قبلوا مشكله اللي وياي جاي يطلعون بس اني ما دا يخلوني اطلع عرفت انه غيث موصيهم علي انو ما اطلع دلت لهم انو اخوي منتظرني برا حاولت اكذب عليهم باي طريقه حتهه يخلوني اطلع بس ما خلوني نهاري احس خنكتني العبره رجعت وانا عيوني حمر من البجي بحيث بس تندسني انفجر
اجى علي غيث بسرعه من بعد ما دخلت للقاعه من ايست ما يخلوني اطلع
غيث :شبيج عيونج حمر
دجله :مالك علاقه
غيث :احجي منو مضوجچ
دجله :غيث كلت لك مالك علاقه لا تتدخل بيه خليني بحالي
غيث : غير افتهم شبيج تبجين صاير وياج شي
انت موصي حراس البرا انه ما اطلع لك ليش هيك انت حقير بس فهمني ليش
غيث :هاي يعني اريد تطلعين
دجله :غيث عليك الله حباب كافي رجعني لهلي والله اشتاقيت لهم ما اكدر بعد تعبت اطلب مني اي شيء بس كون ارجع لاهلي
غيث :يلا هسه خلي ندخل ويصير خير
دجله :احسب للعرس يكضي دقيقه دقيقه بس كون اطلع من هذا المكان لانه احس نفسي اختنكت ومن جهه اني واكفه وحدي يعني ابد ما حد وكفت وياي غير غير افنان وهي هسه ما اعرف وين راحت فبقيت واكفه وحدي وغيث واكف على راسي حتى ما يخليني اتحرك
دجله : غيث هاي شبيك مو جاي احجي وياك اريد ارجع للبيت دزني ويا سايق او شيء وانت ابقى هنا
غيث :هسه فد نص ساعه ونروح كنا
دجله :لا ما اريده اريد هسه اروح دزني واي شخص يرجعني البيت وانت ابقى هنا ما يهمني بيك
غيث :انچبي كلتلج هسه نروح سوا
دجله :هاي انت ليش هيج حقير اكولك اختنكت ما اكدر ابقى اكثر
غيث :يلا امشي اصعدي بالسياره
دجله :منو راح ياخذني
غيث اني اخذج
دجله :هاي شبيك ترى ما راح اشرد
غيث :بلا لغوه زايده امشي الصعد واذا تريدين تبقين بعد احسن
جله : لا ما اريد ابقى اريد اروح
رحت صعدت بالسياره وتوجهنا للبيت مشينا هواي بس ما مشى بطريق البيت سالته وين رايحين ما جاوبني مشينا وهو الساكت وانا بقيت ساكته لان وصلنا الحديقه عامه المكان الصراحه عجبني حلو واني محتاجه انه شويه اغير من نفسيتي نزلوا ودار على صفحتي ي
فتح الباب
غيث :نزلي
دجله :ماريد
غيث :نزلي بلا حجي زايد
دجله :كلت لك ما اريد انزل
غيث :طبج مرض اكعدي هنا
عافني وراح اكو هيط مثل المصطبات راح كعد عليهن بقيت بالسياره هواي وهو داعد يدخن جكاير فضجت من كعدتي بالسياره واخيرا نزلت من السياره رحت دعدت هم على مصطبات بس بعيد عني هو باوع لي ابتسم
قعدت واخذت لي صفنه واني اتذكر اهلي وشلون جنا نكعد ونضحك واكلنا سوا شلون جنه نتجمع الاكل تذكرت اخوي وابوي احس دموعي تنزل تحرك خدي حطيت ايدي على وجهي اضميته وابجي ويا كل نفس اخذه اشهك احس النفس ضاع علي من كد العبر اللي خانكتني شكو وجع بكلبي طلعته بهذا اليوم بجيت بجي من صدك ارتاحت بعده
اجى علي غيث وبوجهه تساؤل شبيه ليش هيج فجاه كمت ابجي
غيث :شبيج بابا شصار احجيلي
دجله : ما جاوبته ومستمره ابجي وهو حاول بكل الطرق انو يخليني احجي
غيث :هسه غير تفهمني شبيها
دجله :اريد اهلي حباب رجعني لاهلي
احس وجهي تغير من قلت له رجعني لاهلي عافني ووكف وما اهتم
غيث :يلا خلي نروح
دجله : نرجع لاهلي
غيث :لا البيتي
دجله :ليش حباب رجعني لاهلي
غيث :تكدرين ترجعين لي اختي
دجله :لا ما اكدر مستحيل
غيث اذا انا ما اقدر ارجعش لاهلك والاحسن الط انو تنسينهم لان بحياتج ما راح ترجعين ولا تكدرين ترجعين ما حد راح يكدر يخلصج مني غير الموت
دجله :لك حقير حيوان هذول اهلي شلون انساهم وانت منو حتى تمنعني من اهلي لك والله اقتل نفسي هسه وذنبي برقبتك لا تخليني هسه اصيح والم عليك العالم واكول لهم خاطفني هسه ترجعني لاهلي فهمت لو لا باي حق باقيه يمك باي حق جاي اتعاقب على الاشياء ما مسويتها ماخذني رهينه عندك حتى تنتقم من شخص ميت على شيء هو ما سواه اذا اختك انتحرت فمو اخوي السبب ما كال لها روحي انتحري سمعت لو لا كافي ترى تعبت منك لشوكت ابقه اني هيط خربت حياتي هسه من ارجع لاهلي شنو اكول لهم وين جنت ومنو راح يصدك بيا انو اني جنت مخطوفه
غيث :ما راح تكدرين ترجعين لان ما حد راح يستقبلج
دجله :باي حق ما يستقبلوني هم هسه اكيد خايفين علي ويتمنون رجعتي انت شجاي تحجي
غيث :هم هسه متحلفين بيج لان كل ظنهم انو انت شارده ويا ولد لانه اكو ناس هناك شافتج طلعت بسياره غريبه ووصلت هذا الكلام لاهلج
اني ردت ارجعج لاهلج من اول شهر ا خطفتج بيه بس خفت عليج يئذونج
دجله هو يحجي واني فاصله عن العالم
بس صوتي بالبدايه من كال اهلج متحلفين بيج لانه عبالهم شارده ويا ولد ظلي يرن باذني وكعت على ارض منهاره احس الدموع شلال تنزل من عندي حاول يهديني بس ماكو اني تهسترت يعني اصعب شيء هذا من اهلك يكونون مصدر رعب الج وانت تريدين تلتجئين لهم
دجله :كله بسببك انت السبب كله بسببكم انت وابرار انتوا دمرتوا حياتي لك هسه اهلي والناس تفكر بيه انه انا الصدك شارده ويا ولد منو هسه يعرف بالصدك انو اني مخطوفه كله بسببك الله لا يوفقك عمري وحياتي ما راح اسامحك اتمنى يجي اللي انتقم منك يا حقير الله ياخذك والله لو اشرب من دمك ما ارتاح كله بسببكم انت وابرار اللي وثقت بيها وجانت اعز صديقات غدرتني على مودك
لك ليش ليش ما كلت لي من البدايه انه هذا الصاير ليش بقيتني هيج يمك ماعرف باللي دا يصير
اني راح اروح واتمنى تعوفني بحالي كافي عاد خسرت اهلي بسببك شنو تريد مني بعد
غيث: وين رايحه بهالليل
دجله : رايحه لجهنم مالك علاقه بيه بعد
اعتبرني رجعت لهلي وخلص دورك عفته وتوجهت للطريق واني امشي مشيت هواي وطرق ضلمه ماكو احد بس صوت لكلاب امشي واني مرعوبه م مشيت تقريبا ثلاث ساعات الى ان تعبت وارتاحت شويه كعدت وشفت سياره متوجهه الي ما اعرفها اول مره اشوفها بس يعني من هذين الفخمات السود العاليات احس كلبي وكف من الخوف امشي بطريق ما اعرفه بس كون اضيع هاي السياره بس المشكله السياره هي تمشي وراي كلبي ظلي يرعد رعد من الخوف ما كدرت اسيطر على دقات كلبي حاولت امشي بس ما كدرت اغمى علي بعدها ما اتذكر شنو صار
كعدت لكيت نفسي ببيت واني نايمه على سرير بغرفه دورت حولي ما لكيت احد فزيت مرعوبه اريد اطلع طلعت من الغرفه توجهت للباب للخارج البيت حاولت افتحه بس لكيته مقفول كعدت يم الباب ابجي منو معقوله جايبني هنا
بوكتها خفت واتمنيت لو ما رايحه عن غيث يمكن لو باقي اغادي احسن لي ما اعرف شنو المضموم لو شنو ينتظرني هنا بقيت كاعده لحد ماغفيت بمكاني وانا ما اعرف بنفسي
ما اعرف ايش قد نمت بس كعدت على الصوت فتحه باب التفتت اريد اشوفها منو وانصدمت من شفته غيث
دجله :هاي انت هاي شلون جبتني لهنا مو كلت لك بعد مالك علاقه بيا مو كافي اللي سويته بيه شو تريد مني بعد خليني اروح بحالي
ضل يصيح عليه ويحجي بعصبيه
غيث :لك تخبلتي وين ترحين ما حد يعرفج هنا ولا تعرفين احد انت ما تعرفين الناس بره لج وحوش هاي الناس البره وانت بنيه وحدج ما خفتي على نفسج
دجله :كله بسببك انت سبب كل شيء جاي يصير وياي افضل انو ابقى بالشارع ولا ابقى يمك بعد
كمت اريد اطلع من الباب سحبني من ايدي ودفعني قوي على الحائط واجه تقرب يمي صار قريب علي هواي
غيث :كافي دجله كافي تعبتيني انا بقيتج يمي طول هاي الايام على مودج انت على مود لا تروحي لهم ويؤذونج واكيد ما راح يصدكوج لمن تكوليلهم انو انتي جنت مخطوفه تريديني اعوفج تروحين وين ترحين منو راح يساعدك هنا كل واحد يدور مصلحته الناس الباره راح تاذيج اكثر مني
ابقي هنا على ما انا احل الموضوع وانا بايدي ارجعج لاهلج
دجله :وعد
غيث :وعد من عيوني
دجله : اني وين هسه
غيث :انتي بامان هنا هاذه بيتي ولا تخافين محد يدخله واني بكل وقت اجيلج خاف تحتاجين شي
دجله :اريد ملابس
غيث :نشاء الله روحي هسه رتاحي واني احل لموضوع لايضل بالج
دجله:تمام
راحوا سد الباب وانا بقيت كاعده على نفس مكاني وافكر هسه اهلي شنو يفكرون بيه يكرهوني حاقدين علي زين وبسام شنو موقف اتجاهي لانه هو قبل لا انخطف تقدم لي من اهلي اهلي كالوا من تخلص السادس وبيك خير وتدلل يعني موافقين عليه يا ترى من ارجع راح يبقى على قراره ويكمل حياته وياي لو راح يكرهني لانه جنت لو تفكيره هم مثلهم عباله اني شارده ويه ولد احس راسي يريد ينفجر من تفكير للمغرب اذن ورحت صلي ت واني ادعي من كل كلبي انه الله يدليني على الطريق الصح ويفرجها علي بعد ما كملت وكعدت نص ساعه ودخل غيث بايدي علاكه
غيث :هذني ملابس الج واي شيء تحتاجينه كولي لي اني راح اروح خذي راحتج
دجله :وين
غيث :لبيتنا حتى تكدرين تاخذين راحتج لا تتقيدين بيه
دجله بس
غيث :بس شنو
دجله :اني اخاف ابقى وحدي
غيث :تريديني ابقى وياك
دجله :لاتمام روح
غيث :بلا اني ليوم بليل طالع بمهمه ديرباج تفتحين لباب لاحد وكلشي تحتاجينه يمج خوش يابه
دجله :نشالله واهلي
غيث :اذا رجعت اني بنفسي اروح اشوف لموضوع
دجله:تمام نشاء الله خير
غيث :يلا رايح دير بالج على نفسج ومثل ما وصيتج لا تفتحين باب الاحد
دجله :ماشي ان شاء الله
بعد ما راح متى تجوع رحت للمطبخ شفت اكو اكل اكلت وغسل المواعين رحت الغرفه خلصتها صلاه على ما صار الليل واني هلكانه تعب راسا نمت
قعدت الصبح تقريبا الساعه 10:00 نزلت رحت شفت عبالي غيث جاي بس شفته ما موجود رحت عدلت السرير مالتي وقعدت بالصاله لان ما عندي شيء ما طولت شويه واجه
غيث :شلون صرتي
دجله :تمام الحمد لله هسه رجعت
غيث :هي من رجعت جيت قبل عليك
دجله :بقيت كاعده ومدنكه راسي لانه ما عندي شيء احجي
غيث :دجله بلا زحمه تكدرين تسوي لي جاي
دجله :ان شاء الله
رحت سويته ورجعت نطيته اله
غيث :عاشت يدج
بتسمت اله مجامله لان بس اريده يوصلني لهلي
غيث :نشاء الله ليوم لعصر اروح اشوف اهلج
دجله :صدك والله
غيث : والله
دجله :بس من تروح شتكللهم انته منو يعني بصفتك منو تروح تسال عليه
غيث :عادي سهله اروح واستلم قضيت خطفج بمحافضتج
دجله :يعني تكدر
غيث :ماكو شي يصعب عليه
جان ديحجي ونتصل تلفونه
غيث :ها قاسم حضرت شباب .......حلو ماريد اي غلط......تتبعتو لموقع........بس انطي لاشاره هجمو...... اي .......اني مسافت طريق واني يمكم يلا سباع
دجله :راح تروح
غيث :اي مستعجل يلا ديري بالج عله نفسج
اذا رجعت اروح كبل عله اهلج لاتنتضريني مارجع لهنا
دجله :تمام
طلع مستعجل واني بلكوه طايقته وهارهته لدرجه تلعب نفسي من شوفته بقيت كلبي نار منتضرته يرجعلي خبر من اهلي بس بقيت انتضر هواي الى ان صار ثاني يوم وهوه ماكو للعصر ندك لباب رحت افتحه
دجله :منو
عباس :اني اختي فتحي لباب
فتحت لباب واني مأمنه لان هوه صديق غيث
دجله :هاخويه تفضل
عباس دزاني عليج غيث اشوفج خاف محتاجه شي كليلي
دجله :چا هوه وين ليش مااجه
عباس :تصوب وهوه هسه بلمستشفى
دجله :احس رجليه بادت من لخوف ماعرف عليه لو خفت من انو اخسره وبقه وحدي......

للحكايا بقايا،❤️🫀