الوارث"ضل لاسود"

part 10🪞

عباس :يلا خويا هاذه اكل وهاذه تلفون خلي يمج خاف تحتاجين شي نتصلي عليه
دجله :بس اني عندي تلفون يم غيث تكدر تجيبه الي
عباس :والله ياخويه هوه كلي انطيج هاذه
دجله :تمام بس طمني علي عفيه
عباس :نشالله خير
دجله :بعد ماراح حرت بتفكير ماعرف نفسي خايفه عليه لو فرحانه بس حاليا إني حس حساس بفرح لان اريده يحس ولو شويه من الي عيشنياه بس بنفس لوقت دعيت من كل كلبي مايصيرله شي لان بس هوه الي يكدر يرجعني لهلي و بنفس الوقت كرهته وما اطيق اشوفه او اسمع صوته تصارعت افكاري الى ان كمت صليت ودعيت الله يفرجها علي كملت رحت انام اول ما خليت راسي على المخده هم اجتني افكار هواي قاطع تفكيري رساله اجتني من رقم غريب فتحتها لقيت مكتوب بيها
:(اذا تخافين تبقين وحدج هسه انتصل عله عباس يوديج يم امي )
عرفته غيث فدزيتله :-لا شكرا مااخاف بوحدي عادي .
وره ثواني رد :-(يلا حضري نفسج راح يجي عباس ياخذج اجه بطريق )
ستغربت هاذه شبي دزيتله:-انته شارب شي تره جاي اكلك لا.
صدك وره نص ساعه اجه عباس ندك لباب رحت افتحه
عباس :هلا خويه شلونج
دجله :تمام لحمد الله
عباس :دزاني عليج غيث كلي اوديج لبيته
دجله :روح كله مقبلت تكول اريد ابقه وحدي
ماريد نصير سوه بنفس لبيت رجاء
عباس :خويه تره غيث يرادله فد سبوع علمود يطلع من لمستشفى هسه بلبيت بس عمتي ام غيث وهيه باقيه وحدها وهم خايف عليها
دجله :تمام نتضرني دقايق
عباس :علراحتج
دجله :دخلت لفيت شالي عدل واخذت وياي هم ملابس لان كال سبوع ويرجع فكرت انو عادي ابقه يم ام غيث بس منيطلع من لمستشفى ارجع مطولت طلعت لكيت عباس منتضرني صعدت شغل سياره ومشينه وصلنه لبيت غيث نزلنه صايره هوسه عدهم واني ولااعرف احد بيهم بس ايلاف وافنان
طبعا دخلت وما حد يعرفني ولا اني اعرف احد والكل استغرب وجود هنانه ودخل وياي عباس وصلني لام غيث وصاها علي وصى افنان هم وراح لكيتهم فد مخبوصين علي وصايرين هوسه وهواي ناس بحيث حتى الحديقه البره متروسه ناس رحت اني ويا فنان اساعدها بالتنظيف البيت لانه هوسه صايره عندهم فما طولنا كملنا وكاعدنا نسولف ما طولنا نص ساعه وجان يدخل علينا غيث لافين متنه بشاش ابيض وحالته حاله بقيت مصدومه عباس مو كال بعد اسبوع ويجي شون بهاي لسرعه طلعو لتفت عليه شافني واكفه يم افنان ابتسم بتعب مبين متاذي حيل سويت نفسي مانتبهت اله اخذو لولد دخلو لغرفت ضيوف مجهزيله سريره وكلشي يعني يعرفون راح يطلع ليوم يعني جذب عليه من كال ماطلع ليوم دخلت وياهم امه وبنيه يصير عمره بلعشرينات بس هيه ايه من لجمال وشعرها اسود مخصل ابيض وياها طفله عمرها اربع سنوات تجنن ودي بس اعض خدودها من كد ماحلوه جنت واكفه يم افنان باوعتله كلبت
دجله :شبيج
افنان:والله شكد غثه
دجله :منيه اني
افنان :لج لا هاي ريام
دجله :هاي الي دخلت ويه غيث
افنان :اي هيه منو غيرها
دجله :ليش مبينه حبابه ماعرف اني حبيتها
افنان : ولج هاي الشيطان الرجيم
دجله :ليش شنو سوت
افنان :ولج مسويه بلاوي هاي انتي تعرفينها هاي منو
دجله :لا وين اعرفها
افنان :ولج هاي طليقت غيث وهاي اللي وياها بنته
دجله :مانصدمت هواي لانو اني ماعرف عن حياته ولاهوه يعرف عن حياتي بس ستغربت ليش ولامره حجه عن بنته او طليقته
دجله :من يمته متزوج
افنان :قبل خمس سنوات وصارله تلاثه سنوات تطلكو
دجله :ليش طلكه لهدرجه مو زينه
افنان :هيه اصلا زواجهم اجباري لاهوه ولاهيه قابلين
دجله :شلون غصب وهو كلها تخاف منه
افنان :صح محد يكدر علي هسه بس قبل جانت كلمت ابو هيه لماشيه
دجله :شنوهاي لعقليه لعدهم
افنان :لج همج عقلهم محجر
دجله :ههههههه الله يعينج عليهم
افنان :صدكيني تعبت من اهلي ودي اموت وخلص
دجله :لاوج ستغفر الله مايصير تدعين عله نفسج
افنان :والله مخنوكه ودي اطلع لحي الي بداخلي بس محد راح يسمعني
دجله :لج عيب عليج واني وين رحت عتبريني مثل اختج
افنان :عادي تكليل لغيث يقنع بابا ابق يمج ليوم حبابه
دجله :تمام من عيوني
افنان تمام اني راح اروح احجي ويا ماما
دجله اوكي بقيت افكر بيني وبين نفسي والصراحه صعبت الموضوع شلون اروح احجي ويا رحت على ام غيث اسالها اذا احد موجود يمه فكالت لا بوحده رحت دكيت الباب مالت غرفه الضيوف اللي هو بيه
غيث :تفضل
دجله : فتحت الباب ودخلت وشفت ريام يمه وبنت هم بحضنه بس ريام يعني كاعده بعيده عنه وجهها احمر ومعصب ما اعرف شجان يحجي وياها حتى معصبه
دجله :اسفه اجي غير وقت
غيث :لا تعالي دخلي اصلا ما عندنا شيء نحجي
ريام :دجله عادي تعوفين بوحدنا لانه اريد احجي ويا موضوع
دجله :اي عادي ردت اطلع وصحاني غيث التفتت عليه
غيث اوكفي كلت
دجله : موضوع مو مهم عادي اجيي غير وقت غيث :اريام طلع بره
ريام :هاي شبيك غيث مو جاي احجي وياك غيث :البنت تبقى هنا اليوم
اريام :بنتي ما اخليها واكو ناس موجوده هنا غرب
دجله :تباوع علي وگالبه وجها ما عاجبها يعني تقصدني اني بالموضوع
غيث :كلت لج البنت تبقى هنانه ولا تشوفين ساكت لج وساكت لاهلج عبالج خايف منكم هسه اكو سالفه ببالي بس اخلص اتفرغ لكم وادوس شكو كبير وصغير يوگف بوجهي سمعتي لو لا تالي وكت انت تفرضين رايج عليه
ريام :والله انا اللي عندي كلته وبنتي ما تبقى هنانه اني امها واولى بيها والي الحق اخذ قرارات عنها
غيث :لج انت شلون تحجين هيج والله هذا لسانج الطولان اله كصلك وندمج على ساعه اللي صرتي بيها وكولي غيث ما كال
دجله روم الالم اللي دا يحس بيه بس وكف على حيله اني كلت السالفه شكلها راح تحمى عفتهم بوحتهم وردت اطلع بالنهايه شعليه بيهم هم يتفاهموا
توني دا اطلع وصاح بصوت رج البيت رج
غيث :دجله كلت لج لا تطلعين شنو هالعناد هذا ابقي مكانج كلت
من الخوف بقيت صافنه رمش ما ارمش وعلى اثر صوته اتجمعوا كل اللي بالبيت يمنا بالغرفه يريدون يعرفون شنو اللي صار
ام غيث : ها يمه ايش صاير ايش بيكم غير هاي حقيره منو اسمح لها تدخل هنا
ام غيث :والله يا يمه قلت لها غيث ما يقبل بجيتك هنا وهي عاندت وجت ما قدرتها اسوي لها شيء
غيث يلا فوتي طلعي ما اريد اشوف وجهج مره ثانيه
اريام :اطلع بس بنتي اخذها وياي
غيث :كلت لج البنت تبقى هنانه وكلمته ما ثنيها
ريام :تريدني ابقيها هنا وهاي الغريبه هنا ما اعرفهم منين ما منين وشنو راح تسوي لبنتي من تبقى وحدها الله يعلم منين جايبها اللي تدخل بيت رجال وتبقا اشهر وحدها واهلها مو وياها هاي اكيد بنت ليل وما مربايه
دجله :احس غيث اشتعل نار من العصبيه ما حسينا الا صفكهه راشدي من قوته كممت حلكي وبقيت مصدومه على قوته
غيث :هاي الي تحجين عله اخلاقها تسوه راسج وروس عشيرتج علقل ماتعوف بنتها
وتطلع بنصاص ليالي الله اعلم وين تروح
ريام :تشكك باخلاقي علمود فد قوندره مثل هاي
دجله ما كدرت اسيطر على نفسي دموعي تجمعت بعيوني ما ردت ابجي كدامهم وعفتهم وركضت لبره صاح وراي غيث بس ما وكفت قررت ما ابقى بهذا البيت بعد ولا ابقى يم غيث حتى لو هو كان هو الوحيد اللي يكدر يرجعني لاهلي طلعت امشي وانا ما اعرف وين رايحه شفت سياره عباس صديق غيث ما اهتميت كملت امشي اجت السياره وراي وكفت يمي
عباس :ها اخوي وين رايحه شنو هذا حالج صاير شي فهميني
دجله :ارجوك عوفني بحالي مالكم علاقه بيه انتم كلكم دمرتوا حياتي خليتو ياهو ليجي يشكك باخلاقي كله بسبب غيث كل اللي اريده ارجع لاهلي ما اريد اي شيء ثاني منكم عوفوني بحالي واني ادبر نفسي
عباس :شنو هذا الحجي اخويه انا مثل اخوج تعالي صعدي وياي واني ارجعك للبيت واخذ حقك منهم
دجله :ما اريد ارجع للبيت ولا اريد اشوف غيث
عباس :ماشي اخوي تعال صعد وياي واني اوديج البيتي هناك موجوده زوجتي وابقي وياها على ما اكدر ارجعج لاهلج تروحين لبيتي معززه ومكرمه مثل اختي
دجله :لاشكرا اني احير بنفسي ماريد اثقل على احد
عباس :ماقبلها منج يلاتعالي صعدي واصلا زوجتي وحدها تغير جو وياج
دجله :اول مره ترددت اروح بس لجو قرب يصير ليل وخفت ابقه وحدي وافق اروح صعدت بسياره واني مدنكه راسي ودموعي ماوكفت كل ماتذكر كلامها يحترك كلبي يحترك
وصلنه لبتهم ديكور الجان من برا يجن نزلنا دك الباب عباس وطلعت بنيه حلوه بمعنى الكلمه وجهها بشوش استقبلتني ذاك الاستقباله جنها تعرفني من زمان
خلصان من البكي حاولت تتلاطف وياي سالتني عن اسمي وعمري حسيته حبابه من اول ماشفتها سالتني عن قصتي وحكيت لها كل شيء وانقهرت علي هواي دجله اعرف راح اثقل عليكم بس والله مو بايدي ما عندي مكان اروح له
اريج :لج شنو هذا الحجي والله العظيم اذا حجيتي مره ثانيه ازعل منج اصلا تشوفيني اني بوحده بالبيت اني وابني وزوجي يطلع ايام هوايه يلا يرجع بحسب شغله فابقى وحدي بالعكس مثقلين علي اصلا فرحت بجيتج هواي
قلت لها بدون رد اخذتني الغرفه من الغرف وخلتني ارتاح بها بقيت وحدي وراحت عافتني ارتاح بقيت طول الوقت ابجي وافكر من راح ارجع لاهلي شنو رده فعلهم ياترى الصدك راح ياذوني مثل ما كال غيث
بقيت لليل وطلعت وياها حضرنا العشاء انا وياها ونسولف عن حياتها وحياتي وشلون تعرفت على زوجها عباس كانت تعرفهم على بعض مو عن طريق حب كان عن طريق اهلهم حب بعدين حبوا بعض بصراحه علاقتهم تجنن والتفاهم اللي بيناتهم حلو بقيت يمهم يومين كنت قاعده بالغرفه ودخلت علي اريج كالت لي انه زوجها يريد يحجي وياي
رحت للصاله لقيت عباس وغيث همه موجود بس وجهه حيل تعبان مو نفس عفتهم طلعت من البيت
غيث :عباس من رخصتك ممكن تعوفنا وحدنا دجله :بس اني ما عندي حجي وياك
غيث :اذا ممكن تعوفنا
عباس :ان شاء الله على راحتكم
دجله :عافنه عباس وطلع بقيت اعصر بايدي من لخوف وكف عله طوله واجه ناحيتي
لزمني من فكي وضغط علي حيل لزمت ايده ردت اوخرها عني بس ولاهمه يضغط اكثر بحيث اصابعه نطبعن على وجهي
دجله :حباب عوفني دتاذيني
غيث :اني اريدج تتاذين
دجله :رجعني لوره وضربني راشدي فر وجهي
شهكت مصدومه
غيث :شلووووون تطلعين وحدج شلووون ليوم اربيج من جديد
دجله :لك حقير منو انته وتضربني باي حق تمد ايدك عليه انته مريض نفسي وابو فاضل مو صاحي الله ياخذك انته شتريد مني
غيث :لج انتي منو وتعاندين كلامي منو شايفه نفسج ها
دجله : بعدني دا ريد ارد عليه وضربني راشدي اقوى على صياحه اجه عباس واريج خايفين ركضتاحتمي بضهر اريج حضنتني تهدي بيه واني ابجي وشهگ
عباس :ولك انته شلون تمد ايدك عليه وهيه بيتي باي حق تضربه شنو محسوبه عليك حته تحاسبها
غيث :عباس ماعليك انته لو صاير اله محامي
عباس :اي اصير اله محامي وكسر راسه ليوصل الها
غيث :ابتعد عني بلكوه لازم اعصابي لاتخبلني
دجله :صارت مشاده كلاميه بيناتهم واني احس بلگوه واكفه على طولي اريج لازمه ايديه وتهديني
غيث :يلاامشي كدامي بلاصوت
دجله :هزيت راسي بتعب ودوخه بمعني لا
تخبل ضل يعيط ماعرف شصارله عكس من اول ماجه احس عنده نفصام
من بعد صياح ومشكله بين عباس وغيث وابن اريج اي فرفح بجي خاف من لصياح رحت ويا لان خفت يتاذون بسببي ماريد اجيب الهم لاذى
صعدت وره بسياره وغيث يسوق بسرعه بحيث ردنه نسوي حادث
وهوه معصب اباوع لايده شون لشراين تريد طك من كد مامبينات من لعصبيه يفشر ويتوعدلي واني اديه ترعش رعش من لخوف وصلنه للبيت موالي بي ام غيث لا ثاني الي جنت بي وكفت لسياره واجه عليه تلني من ايدي ونزلني فتح باب مخزن او ملحق اضلم بي ضوه قليل كلش وكفت واني اريد افلت ايدي من ايده
دجله :لالافدوه اخاف من لضلمه والله اسفه ماطلع بعد عاط بوجهي
غيث :صوتج ماريد اسمعه
دجله :دفعني حيل وگعني بلكاع بجيت متالمه
قفل لباب ركضت للباب ادك واتوسل يطلعني بس ماكو حته صوته نقطع ضليت اصيح تهستر جانت اكو جامه اوكزاز ماعرف شنو جان عاكس علي لضوه الي داخل من لشباك ضربته تكسرت وتجرحت ايدي ضلت تنزف دم هوايه رجعت ادك بلباب ماكو ايصوت كعدت يم لباب لامه رجليه لحضني واباوع عله ضلام وخايفه وهوه ابد ولا هامه حته مااجه شافاني بقيت يومين ونص بدون لاكل ولاشرب واكعه علارض احس جاي اخذ انفاسي لاخيره بدت عيوني تضمض شوي شوي كعدت لكيت نفسي بلغرفه الي جنت بيها قبل ايدي ملفوفه بشاش ابيض وايدي ثانيه بها مغذي ردت اركز بلي ديصير حولي مالكيت احد احس ماعندي طاقه رجعت ستسلمت للنوم وره ماعرف شكم ساعه كعدت عله اثر فتحت لباب مارفعت راسي اله ابد بقيت مدنكه ودموعي تنزل جايب اكل خلاكدامي
غيث :تزقنبي
دجله :مارديت علي درت وجهي للجهى ثانيه لزمني من فكي وعاط بوجهي
غيث : كتلج كلمتي ماثنيها
دجله :اكلت غصبن عليه
غيث :حضري نفسج راح نروح
دجله :احس طرت من لفرح كل ضني راح يوديني لهلي ماتوقعت لراح يصير:-وين راح روح
غيث :نعقد الج
دجله :بقيت صافنه بوجها اريد استوعب الي كوله