الوارث"ضل لاسود"

part 29🪞

#_الوارث ألضل لاسود

#_الكاتبه نور العلي

تصويت وتعليقات بين كل لفقرات على مود تصعد الرواية وشكرا

♡''''''''''''''''''♡

كعدتني ماما حتى نروح للسيد بدلت ورحنا اني وماما ومؤتمن وصلنا وريت ما وصلنا ما توقعت راح اشوفه لمكان يخوف ومتروس رايات ومن داخل عبالك مهجور اول مادخلت ختنگت وگلبي ينعصر دخلانه رجال مبين چبير سلم على مؤتمن گعدنه بغرفه كلها ريحت بخور مادري شنو بس ريحته قويه ومو طيبه لزمت ايد ماما هيه هم لونها مخطوف

السيد _ اي شنو صاير وياها

موتمن _ سيد هيه تشوف احلام مو زينه وتگعد تصيح ياما مره مامبين شكلها تخنگها يارجال حلم اسوء من حلم وهاي صالها سنوات مو قليل

_ اسمها واسم امها و اريد سعره منها

نطاه اسمائنه وشلعت شعره نطيتها اله سو هاذه مادري شيسوي خلاني اموت من لخوف شويه وحسيت اكو شي كلش كبير على صدري ما اگدر اتنفس ندست ماما ماگدر حته احجي

_ خ. خلي نطلع ختنگت راح اموت خلي نطلع منا

_ مؤتمن دجلة شوفها شبيها خلي نطلع راح نموتها بأيدبنا

السيد _ عوفوها هسه ترجع لواقعها هيه مو ويتكم ولاتشوفكم

تخبلت بزايد شنو مو وياكم هاذا شيحچي گمت وگفت احچي بصياح وخنگه

_انت شجاي تحچي شنو مو وياكم ترى انا دا اشوفكم جاي اسمع كل شيء لحد هسه ما متخبله لا تخبلني زياده انت ، ماما گومي خل نطلع اني ما اريد حتى اتعالج عوفوني بمرضي احسن لي

ياسمين _ لج ماما اسكتي هو افهم منج خلي نشوف وين توصل واذا ما استفاديتي نطلع بس لا تخبصينه انتي

م

وتمن _ سيدنه كمل لبت تعبانه نفسيا ماتگدر تسكت

السيد _ عموما اذا تردون ترجع طبيعيه لعلاج تزوج نفس الي تطلگت منه

باوعت عليه وصفنت بعدين طگيتها بضحگه سدت حلگي ماما ومؤتمن يخزر بيه

دجلة _ هوه اني دكتور وهالله هالله ماعالجني عمو نعتذر بلغلط دخنالكم

مؤتمن _ ياشيخ شهلكلام احنه مانقبلها نزوجها اله وهيه هم ماتريده

السيد _ بمشيئة الله تعالى هيه راح تتزوجه حته لو انم ماقبلتو

ياسمين ــ اني بنتي مازوجها اله خليها بمرضها ولاهلحقير شسوه بيها وذباها ذبت چلب

صفنت عليها وعلى جفصتها هاي عليه باوعت لمؤتمن لازم ضحكته كدامي مايريد يفشلني اكثر ندستها