BLACK MASK <||JJK||> ON GOING

🖤 61 🖤

ලීජන්ග් කිව්ව දේවල් කල්පනා කරලා හෙම්බත් වුණ මිෂෙල් ඉන්න තැනින් නැගිට්ටේ ෂෙලි ස්කුල් ඉවරවෙන්න වෙලාව ලං වුණ නිසා.

ෂෙලි ස්කුල් ගියෙ බූසාන් වල තියන පුංචි පාලසකට. ඒ පාසලට ගොඩක් ගියේ ඒ පුංචි ගමේ ඉන්න සාමන්‍ය මිනිස්සු. ඒත් ලීජන්ග් හැම වෙලාවෙම කිව්වේ ෂෙලි වගේ ළමයෙක් ඒ වගේ ස්කුල් එකක ඉගෙන ගන්න ඕන නෑ කියලා.

ඇත්ත කිම් පවුල කියන්නේ කොරියාවේ ධනවත් පවුලක්. ෂෙලි කියන්නේ කිම් පවුලේ ඉන්න එකම මිණිබිරි. එතකොට ෂෙලි ඒ වගේ පුංචි පාසලක ඉගෙන ගන්න එක කිම් පවුලට ඇති වෙන්නේ අගෞරවයක්.

ඒත් ඇත්තටම එහෙමද?

පුංචි වුණත් ඒ පාසලේ ඉගෙන ගන්නෙත් ෂෙලි වගේ පුංචි ළමයි. දුප්පත් වුණත් ඒ  ළමයි ඉගෙන ගන්නෙත් හැම ළමයෙක්ම ඉගෙන ගන්න දේ! ඉතින් ලොකු ලොකු පාසල් වලත් ෂෙලි ඉගෙන ගන්න පුංචි පාසල් වලත් තියෙන වෙනස මොකද්ද?

ඔළුවේ තියන ප්‍රශ්ණ එක්ක නා ගත්ත මිෂෙල් දිග ගවුමක් ඇදලා තට්ටමෙනුත් පහලට තියන කොන්ඩේ තනි කරලට ගොතා ගත්තෙ ෂෙලීව එක්ක එන්න.

පුංචි ගෙදරින් එළියට බැස්ස මිෂෙල් කිලෝමීටරයක් වගේ ඇවිදන් ගියේ ප්‍රධාන පාරට යන්න. මිෂෙල් ජීවත් වුණ ගෙ තිබ්බෙ ඇතුල් පාරල නිසා ප්‍රධාන පාරට එන්න කිලෝමීටරයක දුරක් යන්න ඕන වුණා.

ප්‍රධාන පාරට ආව මිෂෙල් බස් හෝල්ට් එකට ගියේ බස් එකක් එනකන්. මිෂෙල්ට කැබ් එකක් දාගෙන යන්න පුළුවන් වුණත් මිෂෙල් ආස කරේ තනියම පාඩුවේ බස් එකක යන්න. ඒ දෙයින් හිතේ තියන නොසන්සුන්කම නැති වෙන බව මිෂෙල් අත්දැකීම් සහිතව ලබලා තිබුණා.

_________

මේ අතර චුටි ෂෙලි හිටියෙ බෑග් එකට පොත් දාගන්න ගමන්. බෙල් එක ගහන්න විනාඩි පහක් තියලා බෑග් එක ලැස්ති කර ගන්න එක ශෙලිගේ පුරුද්ද.

~ ඩිං ඩොං ~

වෙනදා විදිහටම බෙල් එක නාද වෙනකොට ෂෙලි බෑග් එකත් එල්ලගෙන යාලුවො දෙතුන් දෙනෙක් එක්ක ගේට් එක ගාවට ආවෙ මිෂෙල් ඉන්නවද බලන්න.

ෂෙලි කියන්නේ ගොඩක් දක්ෂ ළමයෙක්. පාසලේ නම යන්න තරම් ෂෙලි ගොඩක් දක්ෂ වුණා. හැම විශේටම ගොඩක් දක්ෂකම් දක්වපු ෂෙලි බුසාන් ඉස්කොලෙ විතරක් නෙමෙ බුසාන් වල එයා ජීවත් වෙන පුංචි ගමෙත් ෂෙලි ගොඩක් ජනප්‍රිය දරුවෙක් වුණා. ක්‍රීඩාවෙන් මෙන්ම අධ්‍යාපනයෙන් ද ෂෙලි ගමට වගේම පාසලටත් ලොකු කීර්ති නාමයක් ගෙන දුන් චුටි කෙල්ලෙක්.