بدأت الاجازه الصيفيه وبدأت اغلب العوائل تسافر لبلدان سياحيه عشان يقضون الاجازه ويستمتعون فيها
الا بطلتنا سديم الي بعد محاولات اقناع قدرت ريناد تقنعها يروحون لرحلة تخييم قد راحت لها ريناد مع اهلها وكانت رحلة تخييم جميله ومرتبه مع احدى الشركات الي تختص بالرحلات السياحية تخييم وتسلق جبال وغيره
اما ف الجهه الثانيه برضو عبدالله الصديق الصدوق لعلي كان يحاول يقنعه يروح للرحله معاه بدال مايسافر لبلدان اجنبيه وبعيده ووافق بعد محاولات
قدروا عبدالله ورغد يحجزون لرحله التخييم وكل واحد مع الشخص الي يبغاه ريناد مع سديم وعيدالله مع علي
ف السياره بينما بطلتنا سديم تسوق كانت صديقتها ريناد تسولف عن رحلة التخييم الي بيروحون لها
- وتخيلي بنروح نستكشف الغابه والي فيها وبنشوي وبنتمشى وبنسوي كل شي يحمس
تكلمت ريناد بحماس وهي تحط الذاكره بالكاميرا الي جابتها عشان تصور ذكرى مع سديم
اعطتها سديم نظره من على جنب وابتسمت نص ابتسامه تتطنز
- واوا من كثر الثلوج الي تنزل علينا كل اسبوع والي بعده ! وشوله نشوي ان شاء الله بننصلخ على ذا التصلخ الي ماخذينه من الشمس الحين سدي حلقش بس
اعطتها ريناد نظره وشمقت لها ورجعت تعدل بالكاميرا بدون ماترد
نطق علي وهو يحك عيونك ويتسند بالنافذه
- وشذا ماشبعت نوم حسبي الله على العدو مصحيني من الساعه 5 الفجر ديك انا ديك! حتى الديك مايقوم 5 والمشكله الباص بيحرك الساعه 9 من الموقع الي ارسلونا اياه
هز عبدالله راسه وعينه عالطريق
- من حظك الخايس شكل الباص متعطل
لف علي راسه ل قدام وشاف الباص موقف واغلب الركاب نازلين منه
- سد بوزك بس كأني انا قايل تعال بروح تكفى رح معي ، خلاص خلنا نرجع
هز عبدالله راسه بتعب من تذمرات علي وهو يوقف قدام الباص : انزل وانت ساكت بس
مشى علي ناوي يكلم الموظفين الي المفروض يروحون معهم الرحله بس وقف بطريقه سديم الي صدمت فيه وانكبت عليها القهوه حقت علي
- معليش ماكنت اقصد-
____________________________
اعتبروا هذي مقدمه للروايه طبعاً مارح تكون مرا طويله بس احداثها غير واتمنى تعجبكم ، عطوني رايكم وتوقعاتكم للاحداث
رواية من المجرم اخفيتها من عندكم لين تجيني لها فكره اما رواية تخفي بشوف لها صرفه لاني مو عارفه اصيغ او اكتب البارت الاخير ولا عارفه حتى اطلع له افكار او احداث ف توهقت الله يعين بس
معليه اذا البارت قصير بس ذا اعتبروا مقدمه للاحداث والقصه
تجاهلوا الاخطاء الاملائيه قرأءه ممتعه والجاي افضل بحاول اكتب البارت الجديد بأسرع وقت
