- معليش اعذريني ماكنت اقصد
نطق علي الي توهق مايدري وش يسوي القهوه وراحت والي قدامه مايدري وش بتسوي او وش ردة فعلها
تنهدت سديم وهي تحاول تكتم غضبها وتشوف نص شاشة جوالها كلها قهوه
( معكم وحده تتخيل حتى الشعور عاد يع قهوه على الجوال الله على الملمس 🤩)
عذراً على المقاطعه
تغصبت الابتسامه وعينها على ريناد الي عند السياره وتضحك على شكلها
- لا عادي حصل خير
تقدم عبدالله ودق علي وهو يهمس بخفه
- الله يخلف على ذا الراس وش هببت انت!
- مدري بالغلط والله كنت اطالع ب الي اكلمه وماشفتها
رد علي بنفس مستوى الصوت وعينه على سديم الي تحاول تمسح القهوه من على شاشة جوالها
- انت كلمته وخلصت وشوله ترجع تطالعه شذا الذكاء
- سد حلقك لو سمحت
رص علي على اسنانه وهو يرد
قربت ريناد بعد ماشبعت ضحك على سديم
- جيبي جوالك واخذي من شنطتك لبس والحقيني
طالعتها سديم من فوق لين تحت وهي بخاطرها تصفقها
- وان شاء الله وين تبيني ابدل بالسياره مثلاً!
- لا يالتنكه في هنا حمامات عامه لان ذي تقريباً مثل المحطه وفي هناك بعد سوبر ماركت والي يبي يعبي بنزين
تنهدت سديم بتعب واتجهت للسياره بينما ريناد تنتظرها
اخذت لها ملابس ورجعت للمكان الي كانو فيه الثلاثه وماشافت غير علي
طالعت حولها باستغراب
- وين راحت ذي
- راحت مع عبدالله عند مدير الرحله بالباص عشان مايروحون بدوننا تعالي معي بوصلك
رد علي وهو يأشر على الباص
عقدت حواجبها باستفهام وعينها بعينه
- طيب تعرف وين دورات المياه انت ؟
زم علي شفايفه بتفكير
- الحين بنعرف
انهى جملته وهو يلف ماشي باتجاه المحطه
