ပြန်ရောက်ရောက်ချင်း ရှောင်းကျန့်မှာ အ၀တ်အစား ပြေးလဲရသည်..။ T shirt နှင့် အားကစားဘောင်းဘီတထည်လဲပြီး ပြန်ထွက်လာတော့ ရိပေါ်ကလည်း သူ့အတိုင်း လဲထားပြီးပြီ..။ လက်ထဲမှာ စကော့၀ီစကီတခွက်ကိုင်ထားပြီး သူ့ကို ခပ်ပြုံးပြုံး ကြည့်နေရာ သူ ပြန်မပြုံးပဲ မနေနိုင်..။
"ပျော်ရဲ့လား"
"မဆိုးပါဘူး"
ရှောင်းကျန့်က သိပ်မထူးခြားသလို ပြန်ဖြေသည်..။
"မင်းကိုယ့်ကို ဘယ်တုန်းက လိမ်လို့ရဖူးလို့လဲ"
ရိပေါ်က သူ အရေးမပါချင်ယောင်ဆောင်သည်ကို သိနေဟန်ဖြင့် ပြောသည်..။
" ပျော်တယ်ဆိုရင် ခင်ဗျား ဘ၀င်က မိုးထိထောင်သွားမှာစိုးလို့"
ရိပေါ်က စကော့၀ီစကီကို တငုံသောက်ပြီး စားပွဲပေါ် တင်လိုက်သည်..။ ထို့နောက် မတ်တတ်ထရပ်ဘိုက်ကာ ရှောင်းကျန့်ဆီ တလှမ်းချင်း လျှောက်လာသည်..။ သားကောင်ကို ခုန်အုပ်တော့မည့် မုဆိုးလို..။
"နောက်ထပ် ဒီလို နှစ်ခါ သုံးခါလောက် ဒိတ်ပြီးရင် ထောင်နေမှာက ဘ၀င်တခုထဲ မဟုတ်တော့ဘူး"
ရှောင်းကျန့် အပြုံးက တုံ့ဆိုင်းဆိုင်း ဖြစ်သွားသည်..။
" ခင်ဗျားနဲ့ ဒိတ်ဦးမယ်လို့ ဘယ်သူက ပြောလို့တုန်း"
တခြားဒိတ်တွေအကြောင်း ရှောင်းကျန့် မစဥ်းစားချင်သေး..။ ဒီတရက်တာ မကုန်သေးခင်မှာ မနက်ဖြန် အကြောင်း မတွေးချင်..။ မဖြစ်မနေ အခြေအနေမှ မဟုတ်လျှင် ၀မ်ရိပေါ်ကို အငြင်းစကား မပြောချင်..။
"မနက်ဖြန်ည Hotpot သွားစားရအောင်"
"ကျွန်တော် ပြောပြီးသား.. မနက်ဖြန် ရှီးချန်ကောနဲ့ ချိန်းထားတယ်လို့"
ရိပေါ် မျက်နှာမှ အပြုံးက ပျောက်ကွယ်သွားသည်..။
"ဘာအရေးမပါတာတွေ လုပ်နေပြန်တာလဲ.. မင်းဒီနေ့ ကိုယ်နဲ့ ပျော်တယ်မလား.. ဘာလို့__"
"ပျော်တယ်.. ဒါပေမယ့် ဘာမှ မပြောင်းလဲသွားဘူး.. နာရီပိုင်းလောက်တော့ ကျွန်တော်တို့ အဆင်ပြေကောင်းပြေမယ်.. ရေရှည်မှာ အဆင်မပြေနိုင်ဘူး.. ခင်ဗျားက တည်မြဲတဲ့ relationship တခုနဲ့ အံမ၀င်ဘူး ရိပေါ်!!"
BINABASA MO ANG
ရောင်စဥ်
Fanfiction၀မ်ရိပေါ် .. ဂိုဏ်းခေါင်းဆောင်တဦး ချင်းမုလုံ.. အငြိုးကြီးတဲ့ ဆောင့်ကြွားကြွားကောင် ရှောင်းကျန့်.. ချင်းမုလုံရဲ့ စွပ်စွဲချက်ကြောင့် ဂိုဏ်းမှာ သန့်ရှင်းရေးလာလုပ်နေရတဲ့ သနားစရာ လူငယ်လေး.. စောင်သူဌေးတွေအားလုံး ငရဲကိုဒိုးသင့်တယ်
