ياسعود والله ما بعد زينها زين.#

البارت 2.#

البارت 2...
فزززت نووف بصرااخخ و جبينها يعرق:بعععد عنننننيي
ام نوف حضنتها بخووف: بسم الله عليك يابنتي وش فيك ااذكري الله
نوف بخوف و بكى:يمممه قولي له يبعععد عننييي
ام نوف: اذكري الله يانوف افتحي عيونك شوفي مافي احد
نوف غفت و هي تبكي و امها تمسح على راسها و قرأت عليها المعوذات..
.
.
...اليوم الثاني..
ببيت ابو سعود جالسين على الغداء
سعود ناظر لعهود:شفيك ما تاكلين
عهود:جوعانه بس احس مالي نفس مدري وشلون عاد
حور:عادي قولي لهم مسويه دايت
فيصل:اذا احد يحتاج له دايت ف هو انتي اما عهود ما يحتااج
عهود بضحك:وهوو صادق
ابو سعود:اذكروا الله على اختكم
سعود فطس ضحك:شفتي ياحور حتى ابوي يشوفك دبا
عهود:هذي نهاية اللقافة ياحلوووة هههههههه
فيصل: خلاص عاد حدكم على حور
حور بزعل :اقول انكتم انت
عهود بضحك:وانت حدد موقفك معنا ولا معهاا
سعود:مسوي فيهاا
ابو سعود:اقول ياعيال
كلهم:سم يبه
ابو سعود:شرايكم الاسبوع الجاي نروح للديرة دامها اجازه
ام سعود:انا ماعندي مانع و منها نغير جو
سعود: اووهووه شخبااري الديره والله مبطيين عنهم بالحيل
فيصل:اابووك يالفلة قداام يبه حتى نقدم الروحه شرايكم
عهود:سلامات احنا اسبوع و يادوبناا نجهز
حور:انا اعترض مافي روحة
ام سعود: ليش ان شاءالله
حور:ما احب الديره
عهود:على اساس انك شايفتهاا ترا اخر مره رحنا وانتي بزره
فيصل بضحك : وما زالت
سعود:و جدتي لهاا وحشه وربي اكيد زعلانه علينا
ابو سعود:والله الشوق واصل حده وانا ابوك و انتم حاولي تجهزون بذا الاسبوع و بإذن الله نمشي يوم الجمعة
الكل: ان شاءالله
.
.
في الديره وصلهم خبر جية فهد و عياله و كلهم فرحانين و مستانسين و بدأو فالتجهيزات لاستقبالهم..
نزلت شوق تركض لأبوهاا
شوق:يبه يبه يبه
ابو فارس: هدي هدي يابوي علامك مستعجله
شوق: يبه اابي السوق تكفى
ابو فارس: ماطلبتي شي الحين اكلم فارس ولا خالد يودونكم و خذي عمتك نورة معك
شوق باست راسه: تسلم لي يالغااالي و نورة قلتلها وقالت بتجي معي
ابو فارس: زين ولا تتأخرون
شوق:اابشر ..وراحت تجهز هي نوره عشان يروحون للسوق..
بالسوق كانوا يمشون نوره و شوق و فارس و يشوفون الناس رايحين جايين كل واحد يبشر الثاني ان فهد بيرجع للديره
جاء من بعيد و يسلم على فارس
ناصر:يااا هلاااا بفارس
فارس:هلا فيك شخبارك
ناصر: الحمدلله بخير من بعد ما سمعنا ان الشيخ جااي ""..ملاحظة..ملقبينه بالشيخ لأنه يعتبر اغنى واحد في الديرة و كريم و دايم يعطيهم و يشهدون له على فعل الخير. والكل يحبه الصغير و الكبير .."
فارس: كلناا والله
ناصر: يا سعد الارض يعني من جد جااي والله مشتاقين له...
كملوا مشيهم نورة و شوق ودخلوا للمحل
نورة:محتارة اخذ لي فستان اي لون
شوق: خذي اخضر غامق بيطلع عليك حريققهه
نوره : متأكده
نورة: ايوالله...وانا وش آخذ
نورة: خذي لك موڤي
شوق: يلا
و اخذوا الفساتين اللي يبونها و راحوا ياخذون كماليات اللوك.
.
.
.
بالمول..
عهود: فيصل وجع فشلتنا وش ذي المشية حقتك
فيصل: خلوني بحالي
عهود: اجل انقلع هناك لاتجي حولنا
فيصل بعناد و قاعد يزيد
حور: هيي يالاخ تراك بمول مو رايح تصارع
سعود: وولد عدل مشيتك لا امحطك بذا العقال قدام الناس
ام سعود: بس انت وياه جايين تتهاوشون
عهود: والله غلطانين مفروض جينا لحالنا
حور: والله يفشلون توبة اطلع معهم
راحوا عهود و حور بجهة و ام سعود و العيال بجهة
عهود: افكر آخذ لي فستان أسود
حور: حلبتي ام الاسود غيري
عهود: ااحبه والله
حور: ناوية تجلطينهم شكلك من اول نظره
عهود:ههههه عوافي خليهم
و اخذت فستان اسود و حور اخذت وردي
عهود : تعالي ناخذ لنا قهوة و بعدين نكمل
حور: يلا
نزلوا متجهين للكافيه بسس وقفووا وهم منصدماات من المنظر اللي قدامهم و ناظروا لبعض بفشلة
فيصل و خشمه ينزف:شوفهم هذولا اهلي
حارس الامن: لو سمحتوا هذا ولدكم؟
عهود هزت رأسها بنفي: لا ما نعرفه
و مسكت يد حور و راحووا و فيصل مقهورر من حركتهم
عند ام سعود و سعود
التفتت وما شافت فيصل
: بسم الله وين اختفى هالولد مو كان معنا؟
سعود: تعالي م عليك منه يمكن راح يتمشى
و كملوا يتقضون
عند عهود و حور جالسين يشربون قهوه فجأه جاء واحد مر بجنب الطاولة و رمى ورقه لعهود
حور و عهود توسعت عيونهم بصدمه
عهود: الله ياخذذهه مين باقي يرقم
حور: تصدقين صرت معاد اخاف تعودت على هالاشكال كل ما اطلع معك
عهود: قومي قومي بس سد نفسي الله يسد نفسه
و اتصلوا لأمهم واجتمعوا عند البوابه بعد ما راح سعود ياخذ فيصل و يتوعده بالبيت و رجعوا لبيتهم
.
.
.
ببيت ابو نوف..
جالسين بالصالة
ابو نوف: ها وش قلتوا نمشي مع فهد بنفس اليوم
ام نوف: مشواار والله ليش ما تروح لهم بلحالك انا ماني ناقصه
نوف: ماما حرام عليك نبي نروح و نستانس من زمان عن البناات
ام نوف:الله والوناسة عاد
ابو نوف: المهم جهزوا اموركم و ماحنا مطولين يانجلاء كلها كم اسبوع وراجعين
ام نوف : يصير خير
نوف بفرحة: يسسسس واخيراً.
ابو نوف: يلا استأذن عندي شوي شغل
ام نوف: الله معك
طلع من البيت و قامت نوف بتطلع لغرفتها و تبدأ تجهيزاتها بس وقفههاا صووت امها
ام نوف: تعالي تعالي اجلسي
نوف باستغراب: ماما في شي
ام نوف:وش سالفة هذاك اللي كنتي تقولين له بعد عني
نوف توترت وكانت خايفة امها تسألها عن الحلم و تخاف تقولها عن مشعل وحركاته و تصير مشاكل
تصنعت الابتسامة و نطقت: مدري ما اذكر وش كنت احلم لاتشغلين بالك مجرد حلم ...وطلعت على طول قبل ما ترجع تسألها عن شي ثاني......
بغرفتها:
نوف: والله خايفة يا لين مدري وش اسوي
لين: ياخوفي يأذيك يا نوف هذا شي ما ينسكت عنه اذا جلستي ساكته بيتمادى و بتروحين فيهاا
نوف: قلتلك مقدر اعلم احد انتي ماتدرين وش كثر هم يحبون مشعل مستحيل يصدقوونيي و بندخل بمشاكل احنا في غنى عنهاا
لين:يعني تخافين على المشاكل اكثر من نفسك و تراهم معروفين اللي كذا بس لين يشبعون رغبتهم و يتركونك
نوف: مدري مدري..يلا والله اني فرحانه بفتك منه فتره
لين:وش الطااري!!
نوف: بابا قال بنرووح للديرة الاسبوع الجاي.. وهناك صعب يجي مشعل ..زفرت براحه و كملت: برتاح منه الحيوان
لين: حلو و كل ما ابعدتي عنه كان افضل
نوف: ان شاءالله..يلا يقلبي بقفل وراي تجهيزات
لين: تمام يروحي انتهي لنفسك اوكٍ؟
نوف: من عيووني ياعيونني يلا باي
.
.
... بالليل ..ببيت ابو فارس..
كان فارس جالس بالحوش و تطري على باله ذكريات الطفولة و لعبهم مع بعض هو و عهود قطع عليه افكاره صوت دق على الباب و قام يفتح
فارس بهيبته المعتاده: وش بغيتي
مريم مدت له صحن : هذي عصيده انا سويتها لجدتي ام فهد سكتت شوي و كملت و لكم بعد و نزلت راسها ينقالها مستحيه
فارس: طيب شكراً وصل
كان بيقفل الباب بس استوقفه صوتها : قولهم جابته مريم بنت ابو صالح""قالت كذا متعمده تبيه بعرف من هي""
فارس قفل الباب و دخل و هز راسه بنفي وقال: الحمدلله والشكر وش تحس به ذي المخلوقه تحسبني غبي ماني فاهم حركاتها الله لا يبلانا بس.
عند مريم وهي راجعة صادفت بطريقها مزنه بنت جيرانهم
مريم: تعالي يا بنت بقولك
مزنه: هلا وش حصل
مريم:تخيليي من وين جاية
مزنه: من ويين بسرعه تكلمي بروح مستعجله
مريم: كنت عند فارس وديت لهم عصيده سوتها امي و قلت له سويتها انا و ناظر فيني و قال مشكوره ماتقصرين ما كان تعبتي نفسك
مزنه بصدمه:امااانه فارس قالك كذا
مريم بحيا: ايه
ضربتها مزنه بخفه على كتفها : حركااات يا مريومه مين قدك شدي حيلك وبتجيبين راس ابن آل عيسى
مريم: هههه صبرك علي بس
كان خالد جاي من نفس الطريق وسمع كلامهم مر من جنبهن وقال: ياربي لاتبلانا بالمتخلفين
مريم بهمس: وش يقول ذا
مزنه: مدري ما سمعته زين
مريم: ااشوفك حاطه عينك عليه
مزنه: بالله ما يخقق
مريم: اوهووه علينا ما رح نخلص شكلنا
مزنه: خلاص يلا مع السلامه
مريم : مع السلامه
.
.
...و مر الاسبوع و الكل متححمس و فرحان و اللي يجهز و اللي يعزم الناس واللي يودي واللي يجيب و اللي يجهز مجلس العايلة للعزيمه الكبيره و الاجواء كأنها اجواء ليلة العيد و يوم الخميس اعلنت الديرة كامل تحضيراتها و تجهيزاتها لأستقبال ضيوفهم بعد غيااب 7 سنين تقريباً .
.
.
..بعد المغرب..
ابو نوف: يلا احنا الحين ماشيين بنقطع نص المسافه و نريح للفجر.. وانتوا؟
ابو سعود: خلاص يلا نتوكل على الله و نتلاقى بالمفرق عشان نكمل الطريق سوا .
قفل الخط و قال: يلا يلا يا عيال حملوا الاغراض
العيال: ابشر
ابو سعود: البسوا لكم اشياء مريحة لأن ورانا مشواار طوييل بالحيل.
الكل: ان شاءالله
و بعد ما صاروا جاهزين توجهوا لسياراتهم
ام سعود و ابو سعود بسيارتهم و سعود بسيارته هو و فيصل و عهود و حور.
حور: وش ذا مافي طيارة
فيصل: ههههههه قويه طيارة بالديرة
سعود: تكفين لاتعيدينهاا
ابو سعود: نامي عشان ماتحسين بالطريق...يلا ياسعود وانا ابوك ركز بالخط ولا تسرععع خلك وراي
سعود: ابشر يايبه لاتشيل هم
و ركبوا و توكلووا على الله
.
بعد ساعه..
عهود بعدت طرحتها عن راسها و فتحت عبايتها
سعود ناظر فيها بطرف عين: فسخي ملابسك بعد
عهود: و خير ان شاءالله لايكون تبينا نمسك خط سفر وانا مكتومه بالعباية
حور: سعود شغل لنا اغنيه وش ذا جوكم
فيصل:انتي حدك اناشيد طيور الجنه
و كلهم اانفجروا ضحك و فتح فيصل جواله و شبك بالسياره وشغل لهم انشودة ماما جابت بيبي
عهود بصدمه: فييصلل تكفى مو من جدك
حور: وججع ليتني ماتكلمت طفهاااا الله يشلك
سعود مد يده و فصل البلوتوث و فتح عنده وشغل لهم شيلة.: جو الشتاء هبت هبوبه
يطري علي ذاك الزماني
و الذكريات اللي عذوبه
مترسخه وسط المحاني
.
حور: يالييل وش ذي الشيله النايمه زي وجهك
سعود طفى الشيلة: كلي تبن ماني مشغل لك شي فيصل رجع لها الانشودة و تخب عليهاا
فيصل: وانت من سمح لك تطفي الشيله توني ما امداني ادخل جو معها تفصلهااا ياقاتل المتعه
عهود:خف عليناا يااا اادخل جو
سعود يدور على سماعته: محد شاف سماعاتي
فزت عهود و طلعتها من شنطتها و رمتها تحت المرتبة ونطقت: ماندري ماشفناها
سعود: شوفوا لها اذا هي عندكم
طلعتها عهود و عطته اياها.
.
...الساعه 12 بالليل..وقفوا كلهم ونزلوا للفندق يرتاحون للفجر و بعدها يكملون طريقهم.
..نوف راحت مع عهود و حور بنفس الجناح و العيال بجناح لحالهم
عند سعود كان يبي الشاحن حقه وهو ماةو عارف انو نوف عند البنات..وراح متوجه لجناحهم و فتح بالمفتاح اللي معه و دخل بس انصدم وهو اول مره يشووف نوف بنت عمه و كانت متغييره حييييلل و صايرة حلوة...