ياسعود والله ما بعد زينها زين.#

البآرت 8.#

البارت 8...

..بعد أسبوعين..
يوم الجمعة..بالديره‍..
في الصباح الكل قاموا من بدري يتجهزون لخطوبة عهود و فارس و ملكة نوف و خالد  و الكل في حالة استنفار ..
الساعة 11  ببيت ابو سعود:
ابو سعود بصراخ: يااا ولددد اااخخلص الصلاة راحت علينااااا
ام سعود: فييصصصللل يلا بسرررعه ابوك ينادي
نزل فيصل من الدرج بعجلة و هو ماسك شماغه بيده
سعود بعصبية: بدري انت و وجهك يلا امش
راحوا للمسجد و طلعت ام سعود للبنات..
ام سعود: حححوور ياا حووور يلا ساااعه بالحماام ما صارت ترا
حور: يمه توني داخله
ام سعود: رايحة اشوف عهود و راجعة لك استعجلي
عند عهود كانت في غرفتها اللي مقلوبة فوق تحت و اغراضها مكركبة..دخلت عليها  امهاا
ام سعود: شتسوين جهزتي اغراضك ولا لسى
عهود بتوتر: لا لا باقي
ام سعود: ترا بيرجع سعود من المسجد و بيوديك للصالون مانبي تأخير استعجلي و كلمي نوف تتجهز عشان تروح معك
عهود و هي ترتب اغراضهاا بعجلة:طيب طيب ..
.
بيت ابو نوف:
عند ام نوف اللي كانت  بالغرفة تساعد بنتها بالتجهيز..
ام نوف: انتي مفروض من الصبح بالصالون يبي لك شغل كثير مو نفس عهود
نوف: يمه وشو شغل كثير مابي اسوي شي زياده
ام نوف بعصبية: لا يشيخه !! تراه بياخذك الليلة اذا انتي ناسية مو كافي انهم مستعجلين بزواجكم هذا
نوف : يمه قضينا من هالسالفة خلاص
ام نوف: الحمدلله والشكر على وش مستعجلة انتي بعد
نوف: يمه عادي وش فيها اذا صار الزواج الحين او بعدين كله واحد .
ام نوف هزت راسها بنفي و نطقت: اجهزي اجهزي ....و راحت لغرفتهاا..
.
بيت ابو فارس:
ام فارس : شووووق روحي نظفي المجلس بسرعه
شوق : يمااااه انا ماني فاضيييه
ام فارس: اقول روحي نظفي قبل يرجعوون من المسجد اخلصيي
شوق:اهههخخ يربيي يليت عندي اخت ثانية اووف
نورة: طيب روحي نظفي اي كلام مو لازم تنظيف من قلب
شوق: يختي لسى ما تجهزت اخاف تروحون للصالون و تخلوني
نورة: لا لا ما عليك اصلاً احنا ما رح نروح الا بعدين مو الحين
شوق: تمام حلوو اجل رايحة انظف قبل ما يرجعون...
و راحت تنظف مجلس الرجال و نورة ترتب اغراضهاا ..
.
بيت ابو صالح :
عند مريم اللي كانت ميتة من البكاء و هي مقهورة على الشخص اللي حبته طول عمرهاا اليوم بيروح منهاا و بيخطب وحده غيرها ..دخلت عليها مزنة..
مزنة بصصدمهه: مريييممم بسم الله عليك وششش فييكك!!!!!
مريم و هي تبكي: راااح يا مزنه رااح
مزنة وهي تهديهاا: ياقلبي انتي خلاص شتبين فيه ربي بيعوض..قاطعتهاا مريم و هي تبكي و تصارخ: خخخخللاااص يكككففيي  انتتتي ما تفهمييييينن وش يعنيي اااحبه!!! مستحيييل ارضى بواحد غيرهه اناا بنيت احلامي معااااهه هوو كييف كذااا ينهدم كلشي بيوم وليلة آآآهه كلللله من عهوود عسى ربي ياخذهااا زي ما اخذت فااارس مني
مزنة وهي خايفة على مريم اللي حالتها حالة و اكتفت أنها تحضنهاا افضل من انها تتكلم و ترجع تهاوشهاا ..مسحت دموعها و ابتعدت عن مزنه بهدوء و نطقت: والله ما اخلييهه لهاااا والله
بعد صمت طويل قامت مزنة : انا راجعة لبيتنا انتبهي لنفسك
مريم بهدوء: تجهزي بمرك المغرب و نروح لبيت ابو سعود
مزنه توسعت عيونهااا بصدمههه و نطقت: مريم من جدك!!
مريم بنفس الهدوء: لازم نوجّب هذي بنت الشيخ مو اي وحده صح ولا لا ههههه
مزنه ما زالت في صدمتها و في نفس الوقت خايفة ان مريم تسوي شي: طيب على خير يلا باي..
طلعت من بيتهم بخطواتها السريعة و متوجهه لبيت ابو فارس و بعد ما وصلت طلع لها خالد ناظر فيها و تذكر كلامها هي و مريم ذاك اليوم و نطق:نعم شعندكم!؟
مزنه : فارس موجود؟
خالد بنفسه: اكيد تبي تخرب عليه فرحته هذي ما من وجهها خير هي واللي معهاا: لا مو موجود وش بغيتيه
مزنه: اوصل له رسالة
خالد : ما وراك اهل انتي!! توكلي بس ..و دخل و كان بيقفل الباب بس استوقفه صوتها : قول له ينتبه على نفسه من الجاي..
قفل خالد الباب و كمل طريقة لداخل ': مابقى الا هي توصل رسايل طيري بس ..طلع بوجهه فارس: خالد مين عالباب؟
خالد: محد محد يلا تعال داخل..دخلوا العيال للمجلس ..
ابو فارس: كملتوا اموركم انتوا
خالد: ايه
فارس: سلامات وش اللي ايه لا باقي يبه
ابو فارس: وش صار على العمال كلمتوهم يجهزون مكان الرجال ولا لا
فارس: ايه يبه ما عليك كلشي جاهز و قد كلمهم عمي فهد من قبل
خالد: ليش الرجال ما راح يكونون ببيت عمي فهد؟
ابو فارس: تستهبل انت بيت عمك اكيد بيمتلى حريم
فارس: اساساً الرجال بيكونون بجنب البيت مافي فرق..
ابو فارس: ايه نفس الشي
فارس: يبه شرايك حتى انا املك الليلة و انتهيناا
ابو فارس: اهجد بس ما سمعت عمك وش قال
خالد: ههههه مقهور الاخ
صد فارس بضيق: انت انكتم.
.
..العصر ..
عند البنات بالصالون..
عهود بقلق: بناات ادعوا ان الصبغة تطلع حلوة
نورة: يالله يا عهود لاتشيلي همها اكيد بتطلع حلوة
شوق: اصلاً كلشي لايق عليك هههه
حور: لاتفرحين تراهم يسلكون لك
عهود:مالك دخل
نوف فطست ضحك: عهود حتى وهي متوترة مازالت تقصف
نورة: حور قومي شوفي لك وحده تخلصك ترا احنا باقي شوي و نخلص
نوف: ايه مانبي نتأخر
حور:والله ماتروحون الا بي و انا ماني رايحة لين اخلص
نورة: شوق شعرك جاهز صح بس باقي لك ميكب
شوق:ايه و شعري بس باقي تحط له مثبت
نورة: زين اذا جات قولي لها تستلم حور
شوق: ابشري
حور: شوق اليوم عايشة الدور مع عهود و نوف ياقلبي ترا حالك حالي هههههه
ناظرت فيها شوق و نطقت: حور تكفيينن انكتمي
حور بضحك: شفتووا قلتلكم ههههههههه
عهود: والله و حور مروقه الاخت
نوف: شعليهاا ههه..
جات الكوافيرة و حطت المثبت لشعر شوق و ابتدت في حور و البنات يعجلونها عشان يرجعون قبل ما يجون المعازيم
.
عند العيال كانوا بالحلاق ..
فيصل: تكفى قص شوي بس حتى عشان ما تخوف اختي
فارس: ياخي شدخلك شعري ولا شعرك
فيصل: لا شعرك بس انا احاتي اختي المسكينة
فارس: ههههههههههه قول مقهور و انتهيناا
فيصل اخذ نفس و نطق: هوو يعني شووف انا ماني مقهوور بسس صدق نفسي اتزوج
فارس بضحك: يليييت عمي يسمعك بس والله لا يمحطك بالعقال قال نفسي اتزوج قال انت افلح بدراستك اول
صد فيصل بقهر: خلاص اكرمنا بسكوتك ولا تسوي فيها شوف خالد في حاله خلك مثله ياخي تعلم
فارس:انا الحمدلله م احتاج علم نفسك لو فيك خير
خالد: انتوا حتى الساكت ما فكيتوه من شركم
فيصل : ااهخ بس يا عزتي لأختي رماها نصيبها على واحد مدري من وين الله جابه
حذفه فارس بعلبة المناديل: وجع اذلف من عندنا شوف اخوك وينه
دخل سعود ف ذي اللحظه : سمعت اسمي وش كنتوا تقولون عني هاه
فيصل: ذكرنا القط جا ينط
فارس: الطيب عند ذكره
خالد: عجل عجل انت وياه ما بقى وقت
جلس سعود عالكرسي و ناظر بوجهه و نطق: ياخي شزيني كامل و الكامل الله ما كان لي داعي اجي
فيصل ناظر فيه: اعوذ بالله بس يا محمد سو لهم سنفرة اقوى نوع عندك نبي نتيجه فورية بالله
خالد: طالع منها الأخ
فارس: انت شايف نفسك بالمرايا؟
دخل ناصر و معه اثنين من الشباب و التفتوا العيال على اصوات الاغاني
فيصل وهو يرقص على الاغنيه: اانننشششهدد انككك كفوو يا ناصر هذا الجو البطل ولا بلاش
سعود: وانت على اي شي تشبك رقصك على طول
ناصر : عاد بخاطري قصيدة من معرسناااا اريش العين..و ناظر بفارس
فارس: والله ابداً مو وقته
ناصر سحبه من يده: عاد الرقص مالك عذر ..و قاموا يرقصون شوي و شوي يرجعون لشغلهم و جننوا الحلاق معهم و ما قصروا معه خلوه يرقص معهم و يشاركهم الفرحة...
.
المغرب ..تحديداً بيت ابو سعود اللي طالع مثل القصر بجماله و بالاضواء اللي مزينة عليه كانت ريحة العود تملي المكان و الفرح باين على وجيههم و عند الرجال اللي كانوا جالسين بالخيمة الكبيرة و فارشين برا عشان اذا ما كفى المكان و طبعاً كالعادة المكان ما يخلوا من ريحة البخور ..ابتدوا المعازيم يجون و بدأ يمتلي البيت ..عند البنات نوف و عهود كانوا جالسين بالغرفة و نورة و شوق يرحبون بالضيوف شوي و يروحون يرقصون شوي و حور اللي كل شوي تخترع رقصة و تقوم تعرضهاا للحظور و يشاركونها بعض البنات اللي تعرفت عليهم بالديرة ...
عند نورة و شوق:
شوق كانت تدور بنظرهاا بين الناس و كأنها تدور شي
نورة: مين تدورين
شوق: اشوف ليان جات ولا لا
نورة بفرحة: ياحيوانة ليان بتجي و توك تقولين لي يالله من زماان عنهاا
شوق: نسييت
نورة: تعالي تعالي نروح قريب للباب عشان اول ما تجي نشوفهاا
شوق: يلا مشينا..و اول ما لفوا بيروحون للباب طلعت لهم ليان من وراهم
ليان فتحت يدينهاا: هاااييي بناااتتتت وحشتوونييي
حضنتهاا شوقق بقوة:ليااااننن قلبي
نورة: خلاص دوري ابعدي
ابعدت شوق و توجهت ليان لنورة و حضنتهاا
نورة: يا هلاا يا هلا
ليان: هلا فيك يعمريي شخبارك
ضربتها نورة ع كتفها بخفة: حيوانه وش ذا القطعة عننا اللي يشوفك يقول ساكنة بآخر الدنياا
ليان : ياخي اعذرووني والله
دخلوا البنات مع بعض بعد ما رحبوا فيهاا و كملوا سوالفهم و ضحكهم و طلعت نورة تتطمن على نوف و عهود و تشوف اذا ناقصهم شي او لا
.
عند الرجال كانت الخيمة شبه مليانه شباب و شيبان و فارس جالس بصدر المجلس و خالد بجنبه و العيال اللي يرقص و اللي يشرف على القهوة و البخور والجو ما يخلوا من الونااسة و الحمااس اما فارس اللي انكسرت يده من كثر السلام و جنبه ابوه و ابو سعود واقفين يسلمون على الضيوف و جاء سعود و معه السيوف و مد واحد لفارس و واحد لخالد و سحبهم يشاركونهم هو والعيال بالرقص...
.
.
بمكان ثاني ..
دخلت الغرفة اللي فيها التجهيزات و فيها بعض الهدايا و توجهت للطقم اللي كان مكتوب عليه عهود&فارس و اخذت الساعه اللي من شكلها واضح انها رجالية و فتحت الغطاء حق الساعة  و فجأة انفتح الباب و حطت الساعه وراها و حاولت تكون طبيعية..
ام سعود: مريم!! وش تسوين هنا ؟
مريم بأرتباك و خوف و تدعي بداخلها: الله ياخذك وش جابك الحين : ءءء وو..ولاشي ولاشي بسس جيت اشوف الطقم حق معاريسناا هههه
ام سعود بشك: اهاا زين اذا طلعتي قفلي الباب عشان الصغار ما يدخلون يحوسون
مريم: ابشري
و طلعت ام سعود و مريم خلصت شغلهاا و طلعت من الغرفة و شافت مزنه متوجهه لها
مريم بأبتسامه: نقدر نرجع الحين ههههه
مزنه : سلامات تونا جيناا و لسى ما زفووهم سكتت شوي و كملت : مريم ليكون مسويه شي او ناوية على شي
مريم: تمام مو مشكلة ننتظر لين يزفونهم وش دعوه مسويه شي احنا جينا عشان نفرح و نستانس ههههههه صح ولا لا
صدت مزنة بصمت وهي مو متطمنه لمريم ..
..
بعد صلاة العشاء جاء المملك و رحبوا فيه  و قدموا له الضيافة و جلسوا ابو نوف و خالد مقابلين بعض و ابتدوا بالموضوع و صار وقت يسمع الموافقة من الطرفين:
المملك: خالد بن فهد آل عيسى هل تقبل الزواج من نوف بنت عبدالعزيز آل عيسى بدون ضغط او اجبار؟
خالد اخذ نفس و نطق: نعم موافق..و كرروها ثلاث مرات و طلب منهم يسمع موافقة البنت و راح معه ابو نوف للباب الخلفي عشان تجيهم نوف..
.
عند نوف و نورة:
نوف: ااووفف ياربي ماني قادرة ارتاح ااهخ
نورة: خلاص يا نوف قلتلك طنشيه و افرحي بيومك
نوف بقلق: يتووعد فيني شلووون تبيني افرح
نورة: نسيتي كلام خالد؟
نوف بقلة حيلة: لا ما نسيت بس خاايفة من الجاي والله
نورة: طيب تكفين اتركي كل هالافكار و فكري بيومك انتي اليوم صرتي عروسة عيشي اللحظه الحلوة تكفيين
نوف: والله احاول
نورة: يلا يلا امشي نزلنا لهم طولنا ياويلنا من ابوك
و نزلت نوف و نورة من الدرج الخلفي و دخل ابو نوف و رفع نظره لنوف و نطق بأعجاب : يا هلا بنظر عيني هلا بحبيبة ابوها..و خنقته العبرة و حضنها و هو ساكت بادلته نوف الحضن و هي البكية ف عيونها و ابتعد بهدوء و مسك يدها و نطق: الله يحفظك يا بنتي استودعتك الله
و طاحت دمعتها اللي تداريها من بعد كلام ابوها..نطق المملك: نوف بنت عبدالعزيز آل عيسى هل تقبلين بالزواج من خالد بن فهد آل عيسى من دون اي ضغط او اجبار...
ناظرت نوف لنورة و عيونها تلمع بالدموع و اشرت لها نورة ترد على المملك...
مسحت دموعها بخفة و نطقت: ايه موافقه و سألها ثلاث مرات و جاوبت ب موافقه و عطاها الكتاب تبصم و بصمت و رفعت نظرها لأبوها
ابو نوف: الف مبروك يعيوني الله يكتب لكم الخير بحياتكم و يبعد عنكم كل شر
نوف من قلب: آمين
سلم عليها و راح مع المملك يبلغون الرجال بالموافقه و انتشرت التباريك و التصفيق
و من الحماس زغرط فيصل و قرصه ناصر: هييي فشلتناا فشلتنااا محد يسوي كذا الا الحريم
فيصل بوهقه: اماا
ناصر: والله احمدربك محد سمعك من العيال كان مسكوها عليك ليوم الدين
فيصل': استر ما واجهت ههههه
و زادت فرحتهم و كملوا رقصهم و وناستهم و فارس منتظر على احر من الجمر و متحمس متى يدخل لعهود مع انه مقهوور و كان يبي يملك عليها و ياخذها
ناظر فيه سعود و نطق: ههههه اعصابك يا فارس
فيصل : ترا ماهي طايرة اختي
فارس: الشووقق بلووووى وانا اخوك
فيصل: اسكت بس اسكت خف علينا ياعنتر بن شداد
فارس: اذلفووا ذا مني ولا قمت عليه
ناصر: استهدوا بالله انتوا وش صاير لكم كل واحد اجنن من الثاني
..راح فيصل مع ناصر و طلعوا للشباب اللي برا و ماخذين راحتهم بعيد عن الشيبان ..
.
.
الساعة 10..وقت الزفة..
طلعوا البنات لعهود و نوف..
نورة: عهود جاهزة؟
عهود بتوتر: كييف شكللي تمام ولا!!؟
نورة: ماشاءالله تهبلين وربي
حور: عهوود حصني نفسك
نورة: هههه سجل يا تاريخ اول مرة اشوفها خايفة على اختها
شوق: يمكن توها تستوعب ان اختها بتنخطب و تروح من عندهم قريب
عهود: متى أنزل؟
شوق: بعد شوي بيدخل فارس و بنقولك تنزلين
عهود: طيب
بعد دقايق توجه فارس لقسم الحريم وهو ميت شوق لعهود و الحماس الف و شاف امه و سلم عليها بفرحه
ام فارس: ما خبرتك مطفوق وين الثقل وين الهيبة ههههههه
فارس: عاد اعذريني مو بيدي هههه
ام فارس : بسم الله عليك من العيون حصنت نفسك يمه؟
فارس: ايه يمه
دخل فارس  بهيبته و مسوي ثقيل و هو ورا امه وهي تزغرط و شاركوها الحريم الي تغطوا كلهم اول ما عطوهم خبر  ان الزفة بتبدأ و وصل فارس للكوشة و تقدموا له حريم اعمامه يسلمون عليه و يباركون له بفرحة و نزلت نورة و شغلت اغنية لزفة عهود و توجهت انظارهم للدرج و هم منتظرين بفارغ الصبر و اقبلت عهود بخطواتها الثقيلة و المسكة بيدهاا و كل شوي يزيد توترهاا و فارس دهشته مو اقل من دهشة الحظور من شكلهاا و كان وده لو يتخطى كل هالموجودين و يروح يضمهاا بس حاول يهدي نفسه و نطق بهمس: سبحاان من سواها..
و كانت بعض العيون تراقبهم وهي كاتمة غيضهاا  ..تقدم فارس للدرج و مسك يد عهود اللي ما رفعت نظرهاا من التوتر و مشى هو وياها للكوشة  و جلسوا تقدمت لهم نورة و قالت يلا لبسوا لبعض قاموا و اخذ فارس الدبلة و مدت عهود يدها و هي ترجف و ثبت فارس يدها بيده و دخل الدبلة وهو مبتسم و همس لها : ارتاحي يروحي لاتتوترين
ناظرته عهود و اخذت الدبلة و مد يده و دخلتها و ابتسمت ابتسامه خفيفه و كمل فارس لبسها الساعة و باقي السلسال اخذه و لفت عليه و رفعت شعرها و داهمته الريحه و بالشده قفل السلسال و مدت يدها للساعة حق فارس و لبسته اياه و انتشرت اصوات التصفيق و الزغاريط و فارس قال انه بيروح و قالت له امه يدخل الغرفة اللي قريب الباب و راح و جلس عالكنب وهو منتظر عهود تجي راحت نورة وقالت لعهود و توجهت للغرفة و فتحت الباب و قام فارس متوجه لها: يا هلاا وأخيرااً عشت اللحظه هذي من زمان منتظرهاا  و جلس و جلسها بجنبه وهو ماسك يدها
ابتسمت عهود بخجل
فارس: كيفك يابعدهم وشلونك
عهود: الحمدلله بخير و انت
فارس: والله الخير كله فيني دامني عندك
فارس: الله يسامحه عمي حرمني من فرحتي
عهود ناظرت فيه: اي فرحة؟
فارس: كنت ابي آخذك الليله بس ما رضى
ابتسمت عهود:لذي الدرجة ما فيك صبر
فارس ناظر بعيونها: لو بيدي اخذك من زمان ..اخذ نفس و قال :
مثل طفلة نست تكبر و غنت للحمام
عن شاعرٍ ما كانت الجنة ..معه.

يا ثغرك اللي يشبه لحال الغمام
يمطر كلام وما قدرت استجمعه.

كل الجمال اللي نشوفه بالأنام
والله العظيم اني اشوفك منبعه.

حتى عرق وجهك ليا زاد الملام
وردٍ يبلله الندى..في مطلعة.
..
ابتسمت عهود بحب  وهو هايم فيهااا و قطع عليهم دخول نورة و قاموا
نورة: والله نسيانكم يلا يلا توكل عند الرجال
فارس: لو انك ما دخلتي كنت بستغرب
نورة: طيب يلا قدامي
فارس: تكفين ساعه بس
نورة توسعت عيونها: سااعه يا ظالم عادك ما قلت 5 دقايق امش قدامي بسرعه..راح فارس بعد ما ودع عهود و وصاها تنتبه لنفسها و اخذتها نورة و رجعوا يرقصون مع نوف بعد ما طلع خالد من عندها ..
عند خالد كان يدق على امه وما ترد كان الجوال بالغرفة و ارسل لشوق :""تعالي بسرعه انا عند الباب""
و ينتظرهاا ترد ما ردت و دق عليها و ما ردت و شاف فيصل واقف مع واحد من الشباب و ناداه : فيصل روح عند البوابة اذا لقيت احد من البزارين خلهم ينادون نوف
راح فيصل للبوابة و جات شوق تركض بعد ما شافت رسالة خالد و نطقت بعدم تركيز : هلا خالد شتبي
رفع نظره فيصل لها و انصدم من جمالها و ما استوعب انها للحين واقفه قدامه و رفعت نظرها و انصدمت وهي تشوف فيصل و دخلت ورا الباب: يا حيوان ليش ما تغض بصرك
فيصل بلع ريقه و نطق : الحين انتي شوق ؟
شوق بعصبية : عاده يسأل بوجهه ذا اخلص وش يبي خالد
فيصل بأستفزاز: روقي عليناا يا أم الأحمر
قفلت شوق الباب بوجهه و راحت و نطق بصوت عالي ': قولي لحرمة خالد تستعجل
دخلت شوق وهي مقهورة من فيصل و توجهت لأمها : يمه خالد يقوول يلاا وين نوف خلوها تنزل
ام فارس: قولي له طيب جايتك
توجهت ام فارس لنوف تعطيها خبر و طلعت نوف هي والبنات و امها معها ويساعدونها تلبس و سلموا عليها و ودعوهاا و نزلت لخالد اللي كان موقّف سيارته بعيد شوي عن البوابة و جالس بالسيارة شافها جايه ونزل لهاا و مسك يدهاا و اخذها للسيارة و ساعدها تركب و ركب هو بعد توصيات من ابوهاا و كان بيحرك بس استوقفه صوت فيصل ينادي: خالد عطني البشت حقك ابيه..
..ناظر فيه خالد: فاضي لك انا .. و قفل الشباك و مشى و خلاه
فيصل: اابوووو صصااالح ابووه هيين هذي سواتك انت و راسك المربع..
.
..وبعد العشاء ابتدوا المعازيم يروحون و على الساعة 12:30 ما بقى احد..
.
.
و انتهت ليلتهم بسلام و اللي ناموا بتعب واللي مكملين سهرتهم و يفكرون
طبعاً ابطالنا كل واحد يفكر بالثاني و بحياتهم مع بعض...
اما عند سعود كان يفكر بجيهاان و حس انه اشتاق لها و وده يشوفها او يكلمها يطمن عليها .
و عند فيصل اللي كل ما تذكر موقفه مع شوق يبتسم و وده لو يشوفها مره ثانيه
اما شوق مقهورة على حركات  فيصل و تدعي عليه
و نورة بالها مشغول مع نوف و شايلة همها و تدعي ان الله يكتب لهم الخير مع بعض..
..عند العرساان..بعد ما تعشوا مع بعض انسدحوا بتعب وناموا و ما حسوا بشي..
.
.
.
.

.