ياسعود والله ما بعد زينها زين.#

البارت 6.#

البارت 6....
.
.
خلص فارس شغله من السطح و نزل و هو بيطير من الفرحه من الصدفه اللي صارت له: آههخ والله صدق صدفة احلى من الف ميعاااد ...وكمل طريقه و رجع لبيتهم
.
عند عهود رجعت للبنات و الكل متفاجئ من تغيرهاا السريع راحت و هي متضايقه و رجعت و الابتسامه شاقه وجهها شق..
نورة بأستغراب:انتي بخير!؟
عهود بابتسامه: ايه شفيك
نوره بابتسامه: زين ما عليك منها لايضيق خاطرك
عهود عقدت حواجبها: من اييشش!!
نوره: مريم و كلامها
عهود بضحكه: هههههههه خليهاا تمووت من غلهااا
جات وحده من البنات لعهود: عهود تعالي ارقصي معي ..
قامت عهود ترقص و كل انظار البنات عليهاا و تتمايل بجسمها و شعرهاا مغطي ضهرهاا  ..
و مريم تناظر فيها وهي ميتة قهر لأنها رقصت ومحد عبرهااا..
.
.
و الساعه 9:30 رجعت كل وحده بيتهاا اماا شوق و نوف لزمّوا عليهم البنات ينامون عندهم و بعد عنااء وافق ابو نوف ..
.
.
الساعه 11:00..
بعد ما ناموا الكبار نزلوا البنات للصالة و كل وحدة ببجامتهاا..
شوق: هيي بنات ترا اخواني هنا
عهود:بذمتك
نوره: انا سمعت خالد يقول بيجي بس ما قال انهم بينامون
شوق: الا قالوا لأبوي الليله بننام عند سعود و فيصل
عهود بأبتسامه: اهاا
نوف: بنات جوعانه
حور: وانا اكثر
نوره بضحك: هذي حور مستحيل احد يقول شي و ما تقول وانا بعد ههههههه
ضحكوا البنات..
عهود: يلا تعالوا المطبخ
راحوا للمطبخ عهود و نورة عند الثلاجة يشوفون وش اللي موجود
عهود: نوره طلعي الدجاج وانا بطلع البطاطس
شوق جالسه على الطاولة: انا اخاف من الزيت لاتقولون لي اقلي
حور: كذابه كسلانه ماتبي تسوي شي
نوف: تقلدك ههههههه
عهود : وانتي صادقه يا نوف ..خلاص نورة بتقلي و انا علي الدجاج و انتوا زينّوا الصوصات  و انتي يا نوف جهزي المشروب
قاموا البنات كل وحده تسوي شغلهاا ..
.
عند العيال كانوا يلعبون بالبلاستيشن و فيصل نايم
خالد: يليتني اشتريت اندومي ياخي وش ذا الجووع
فارس: سعود قم عندي لكم طبخه يحبهااا قلبك انت وياه
خالد: يمكن مو نايمين الناس وانت بتدخل وبعدين من متى تعرف تطبخ
فارس: خير يا طير لايكون لازم اطبخ لك عشان اصير اعرف
سعود: خلاص اهدووا انا بروح اشوف الوضع و ارجع
راح سعود للباب الفاصل بين قسم الرجال و الحريم و دق الباب و ما جاه رد و قال اكيد نايمين فتح الباب و دخل وراح متوجه للمطبخ بس تراجعت خطواته وهو يسمع اصوات البنات فالمطبخ رجع و دق الباب

نورة: ياويلنا لايكوون ازعجناهم و قاموا
نوف: مين هم؟
عهود: العيال
شوق: عهود اكيد واحد من اخوانك روحي شوفي وش يبي
راحت عهود و شافت سعود
سعود: ما تنامون انتوا
عهود: ليش خير
سعود: خربتووا علينا كان بيطبخ لنا فارس انتو و وجيهكم
عهود: فارس يطبخ؟
سعود: ايه كلنا جانا جوع وقال بيطبخ لناا
عهود: خلاص انتظر شوي و يجهز الاكل و نعطيكم
سعود: مسويين شي يترس البطن ولا اطلعوا خلو فارس يطبخ لناا
عهود: سوينا صينية شاورماا تشبعك يومين قدام
سعود: هذي حتى ما تمسكني لين انام قالت يومين قدام تلعبين علينا يلا يلا اخلصوا و عطوناا منها بنذوقهاا
عهود: طيب
رجعت عهود للبنات و تقريباً كلشي جاهز
نوف: يلا بنات نجهز الطاولة بالصاله لين تحمّر الشاورما بالفرن
راحوا البنات يجهزون الاغراض
نورة: نوف افتحي اللاب شوفي لنا فلم حلو
عهود: ايه و بنشبكه عالشاشه يصير افضل
نوف: تمام
..بعد دقايق جهز الاكل و قسموا للعيال بصحن و عطوهم بطاطس و مشروب و اخذته عهود وتوجهت للباب الفاصل و دقت الباب
سعود: ياليل وش بيقومني
خالد: قوم اخلص
سعود: فارس قوم انت تراها عهود اللي عند الباب
نط فارس بيروح استوقفه سعود:وججع انثبر محد يمزح معك
خالد: والله فارس على طوول ينتهز الفرص هههههههههه عزتي لك ياخوي
سعود : شكلناا بنهوون خلاص مانبيك دور لك حرمه ثانيه
فارس:يابن الحلال توكل جيب الاكل تعبت البنت تنتظر
خالد: ياااايي خف عليناا هذا وانت باقي ما خطبتهاا حتى
راح سعود وجاب الاكل ورجع بعد ما هاوشته عهود على تأخيره
فارس: ياااا لطيييففف الريحه لوحدهاا تجنن شلوون الاكل
خالد: صحو فيصل يمكن جوعان
سعود: لا لا خله ينام
فيصل شم ريحة الاكل و قام: يا كلاب يا خاينين
فارس: بسم الله وش صحاك انت
سعود:صحيناك بس ما رضيت تقوم وش نسوي لك يعني
فيصل: ما قلتوا لي ان فيه اكل
خالد: خلاص يلا سمّوا
و بدأو ياكلون وهم يتلذذون بطعم الاكل
.
عند البنات كانوا يتابعون فلم كوميدي و فجأه شافوا حور نايمه
عهود: يا ليل الحين مين بيشيلها ذي
نوف تتفوّه: احس خلاص يكفيناا سهر قوموا بنطلع ننام
شوق: يلا بقوم حور
قاموا البنات و نورة و شوق ماسكين حور و طلعوا حطوها بغرفتها
شوق: بنات انا بنام عند شوق سريرها بيكفيناا انا وياها
عهود: تمام خذي راحتك ..يلا بنات
طلعوا نوف و عهود و نورة و توجهوا لغرفة عهود
نوره: انا ابي عند الشاحن
عهود: خلاص روحي لهذا الطرف و نوف بالنص و انا على الطرف الثاني
نوف: الله عهود سريرك مريييحح
نوره بضحك: ينفع للمتزوجين احسه كبير
عهود بضحك: الله يااخذك
.
..ما مرت 10 دقايق الا و الكل نايم بتعب
_
_
_
...اليوم الثاني ...
.
ابو نوف جالس هو و امه بالمجلس ببيت ابو سعود و يسولفون مع بعض..
.
.
عند العيال عزمهم ناصر عالاستراحه و راحوا له
.
.
بمكان ثاني..
مزنه: وش ناوية عليه!؟
مريم: ناوية على فارس
مزنه: ادري انك تبين فارس بس قصدي وش بتسوين
مريم: خليهاا مفاجأه هههههه
مزنه: مريم شرايك تتركين الولد بحاله خلاص ركزي بحياتك
مريم: أحبه طيب و ابيه لي
مزنه: لاحوول غصب يعني ولا وش
مريم : حاولنا بالطيب ما نفع لازم غصب ولا عاد تتعبين نفسك و تفتحين الموضوع لأن كلامي ما رح يتغير و بسوي اي شي لأجل يصير لي
مزنه: براحتك..يلا مع السلامه
.
.
ببيت ابو فارس..
شوق: تكفيين تكفيين تكفيين
نورة: شوق لا تحاولين انا قد تبت من بعد آخر مرة
شوق: والله فرصة محد حولنا العيال راحوا كلهم
نورة: فارس لو شافنا بيقتلناا
شوق: فارس عصب لأنكم رحتوا السوبر اللي عنده رجال هذا اللي بنروح له ما عنده احد
نوره: طيب كلمي فارس يجيب لك اللي تبينه
شوق: نوووره اسألك بالله يلااا
نوره : اااوف منك انتي و ازعاجك قومي بسرعه 5 دقايق و راجعين لا اكثر ولا اقل
قاموا يلبسون عباياتهم و نزلوا من البيت متوجهين للسوبر ماركت...
شافهم فيصل اللي كان جاي و عرف عمته نورة بس شوق ما عرفها: على وين انتي وياها
شوق بهمس: ياليل ما كان ناقص الا ذا هو و وجهه
نوره: رايحين مشوار و راجعين انت وش جابك مو على اساس انك بالاستراحه
فيصل: لا انا ما رحت معهم
كملوا البنات طريقهم و فيصل يمشي وراهم
فيصل : حركاات حور صايرة تتغطى بالديرة
نورة بضحك: ذي مو حور يا اهبل
فيصل: بالله اجل مين
نورة: شوق بنت عمك خلف
شوق بهمس: اوف منك ليش تقولين له اسمي
نورة: وجع يالمجنونه تراه ولد عمك مو غريب
فيصل: وش تقولون ما اسمعكم
شوق: محد كلمك تطمن
فيصل: اجل تكلمون مين
شوق: ياخي شرايك تتوكل ما عندك شغله جاي تلاحقنا
فيصل: لا انتوا شغلي
شوق: لايكون احد وصاك تحرسنا وانا ما ادري
فيصل: والله لسانك يبي له قص يا اخت فارس ما انتي بعيد من حور اختي
نورة: فيصل بتسكت ولا انقلع من عندنا
فيصل: اثااري الشغلة وراثة هههه مالكم لوم اجل يالصغار
نورة: اي شغله
فيصل: اللقافة و طولة اللسان على بالي بس اختي كذا اثاري العايلة الكريمه يتنافسون بطولة اللسان
نورة: هين عند ابوك يا قليل الادب
فيصل: خلاص انكتموا الحين هنا رجال ممنوع الكلام و عيونكم بالارض و اتركوا الخفه عنكم يلاا
شوق: اقول لايكثر بس
فيصل: انتي بتسكتين ولا ارجعك البيت
نورة: فيصل خلك في حالك
و دخلوا للسوبر و فيصل دخل يسولف مع الكاشير  ومع الرايح و الجاي على بال ما يخلصون.
.
.
.
.
._