ياسعود والله ما بعد زينها زين.#

البآرت 5.#

البآرت5...
.
مرت الايام و مافي شي جديد..
..ظهر يوم الجمعه..كانت العايلة متجمعه ببيت ابو سعود ..و الرجال بالمجلس و الجده عندهم..
و الحريم بالصالة الكبيرة و البنات بالصالة الصغيرة..
.
عند الرجاال .
الجدة: انا اقول دام ربي جمعنا على خير و البنات كبروا و مالهم زواج الا مننا و فينا و البنت مالها الا ولد عمها و يا عبدالعزيز بنتك نوف لسعود و انت يا فهد بنتك عهود لفارس و مافيه داعي للتأجيل نسوي الخطوبة بأقرب وقت...
الجميع في صدمه من قرارات الجده و مو مستوعبين اماا فارس كان بيطير من الفرحه و سعود من جهه فرحان و من جهه يفكر بجيهان..
بعد صمت نطق ابو سعود: بس يايمه لازم نشاورهم بالاول ما يصير كذا
الجده: ماله داعي وين بيلاقن احسن من عيال اعمامهن
ابو نوف: و النعم فيهم بس هذي عشرة عمر يا يمه و هم اللي بيعيشون مع بعض مو احناا
الجده: يا عيال وش قولكم؟
فارس سكت للحظه و نطق: اللي تشوفونه.^يعنني^
سعود: براحتكم
الجده: بارك الله فيكم..و انتوا قولوا لبناتكم و ردوا خبر بأقرب وقت
تنفسوا براحه بعد ما قالت لهم يشاورون بناتهم
.
بعد العصر..عند العيال كانوا يسولفوون مع بعض
سعود:يلااا يعياال ااتحدى واحد يجااوب
افتيكم من وحده شريفه طاهره..
رغم انها تمشي مع ستة ذكور..
تمشي معاهم وسط حلقة دايره..
و كل ما دارو فالعالم تدور..
لاهي بسيارة ولاهي طيارة..
كلا ولاهي ساكنة بين البحور..
بها نلاقي ربنا في الآخرة..
و نبعث بها كلنا يوم النشور..
فيصل: شلون شريفة و تتمشى مع الذكور تسوقها علينا انت
خالد: عنددديي الحل
سعود: يلاااا اتحفناااا ههههههه
خالد: بنت الحرام
ابو فارس: ولدد ارفع علوومك انت وياه الجوااب هو...قاطعه سعود : لا لاتجااااوب تكفى
فارس: يبه غششني
سعود: ااخ يالرخوووم ..خلاص استسلمواا
فارس: لا والله انتظر شوي
ابو سعود: يا عيال وش اليوم
العيال بعدم فهم: الجمعه
سعوود: يبببهه حرااام عليكك
ابو فارس: هذولا اغبيااء حتى و الجواب عندهم ما عرفووه
فارس نطق بسرعه: عرفت عرفت يوووم الجمعه
سعود: ااااووه و اخيراااً
فيصل: وش ذا اللغز البايخ
سعود: ما بايخ الا انت يلا ااسمعووا و خلوكم اذكياء
انشدكم عن عذراء لها شأن عظيم..
عندها سفك الدماء ماهو حرام..
: يلا وروني مهاراتكم عاد هذا شربة مويا
فيصل: ححور اختي
سعود: انت انكتم لا تطري محارمنا لا اهفك الحين
خالد: ياسعود ما يبي لها هذي سهله الجواب السكين
فارس: مسوي ذكي
سعود: مالكم دخل اهم شي انه جاوب كفوو عليككك يلا عندك يا خالد..
خالد: ما عندي درو غيري
ابو فارس: يلا خلوها علي
فيصل: كفووو عمي تعجبني روحك الرياضيه
خالد: ايه ابوي مافي مثله
ابو فارس: خلاص انكتم انت وياه خلوني اتكلم..
انشدكم عن رجال من دون رجلين .
و له عند الناس قدر و شيمة..
اسرع من الهاتف و من ارماشة العين..
ولا هوو ظالم ولا يحب الظليمة..
يلا شدوووا الهممه هههههه
فارس: يبه اول حرف تكفى
ابو فارس: شغل عقلك
سعود: ملككك المووووتت صححح
ابو فارس: كفووووو علييكك
فيصل: والله غشاشين مابلعب معكم
خالد: والله وجودك و عدمك واحد ههههههه
ابو فارس: يلا يلا قدامي بنشوف وضع السوق.
فيصل تمدد: الله معكم انا بنام
ابو فارس رفسه: اقول قم قال بنام
فيصل: افا ياعمي توني امدحك
ابو فارس: اقول امش قدامي ولاتكثر حكي
و راحوا للسوق و قام ابو سعود و دخل و نادى عهود..
عند البنات..
عهود بخوف: تتوقعين فارس قاله
نوره: لا لا مستحيل روحي شوفي وش يبي و تعالي بسرعه
و راحت لأبوها و دخلوا الغرفه
ابو سعود: شلونك يالحلوة
عهود : الحمدلله تمام
ابو سعود: شوفي يا يبه انتي الحين كبرتي و صرتي عروس و مليون واحد يتمناك تصيرين حليلته اسمعي الحكي اللي بقوله و ابيك تعطيني رايك... اليوم عمك ابو فارس خطبك لأبنه فارس و انتي تعرفين فارس ماشاءالله رجال كفو و يخاف الله و انا ما جيت اكلمك الا بعد ما ارتحت له انا و انتي الحين فكري و ابيك تردين لي خبر بأقرب وقت ..قام و تركهاا في صدمتهاا و ذهولهاا كيففف صاار كذاا و ليش بهالسرعه قطع عليهاا دخوول نوره..
نوره: شفييك مصنمه وش صااارر وش قالك
عهود بهدوء: انخطبت يا نوره
توسعت عيونهاا بصدمهه : ميييينن خطبككك
عهود: فارس
تنفست نوره براحه: ااشوى مو غيره ..طيب شفيك كذا
عهود: مدري احس بخوف و ضياع مدري مدري كلشي ملخبط
نوره حطت يدها على كتفهاا: فارس ما ينخااف منه و دامه يحبك بيحط بعيونه الثنتين مفروض توافقين بدون تفكير..
عهود: خخاايففهه من الجااي
نوره: ما عليك لا تشغلين بالك و استخيري و ردي لهم خبر و ان شاءالله ما يصير الا كل خير تطمني انتي
هدت عهود شوي و قامت تتوضىء و تستخير و الحريم وصلهم الخبر و نوف كانت مره خايفه لما تذكرت مشعل يمكن يسوي شي و جلست تفكر انها ترفض ..