(كاملة) ✨ ASSMARINO ✨ أســــمـــريـــــنــــو

البارت99

البارت99:
أسمرينو✨

شافت فيه وهضرتو تتعاود فراسها" لهلا يوريك اش كبر"

رجعات شعرها لور مخنزرا فيه: بحالا خصرتي لهضرة؟

قوس حواجبو كيشوف فيها: كنهضر على قلبي احوراء قلبيي كبير  لدرجة نتي كلك فيه

خنزرات فيه : سميتي الحرة شحال من مرة خصني نقولها لك؟

حرك راسو باه: الحرة

سكت لثواني حرك راسو بلا: لا مبغيتش حوراء حسن نتي غتبقاي بالنسبة ليا حوراء وخا تسمي راسك تا بوشعيب

تكاا مقاد بلاصتو حاط راسو على رجليها.. غمض عينيه مبتاسم.

أسمر: خليني  هكدا شوية

شافت فيه وهو ساد عينووو سهات لثواني فملامحوو...ابتسمات منين ايامهم دازت قدام عينيها..

جمعات ابتسامتها منين  تفكرات فاش كانت تتجري موراه وهو غادي..بلا ميعطيها اي اهتمام..

دفعاتووو بجهد جايباه طايح لارض..

شد على ضهروو مخنزر فيها: افعالك ممتوقعينش

الحرة: بغيتي تنعس سير لداركم.

تمات نايضا.غادة

أسمر: فين غادة؟

الحرة: ماشي سوقك.وبلا متحاول تبعني حيت غير غتجيبها فعظامك

ابتسم جنب: عطيني غير عنوانك بعدا ولا نمرتك.

خنزرات فيه: لاش باغي عنواني

اسمر: باش فاش نقرب من حومتك نبدل طريق(ضحك بجهد) لاش غنبغيه  متلا راه غيخصني  نجي نشوف راجلي

الحرة:وانا مبغاش نشوف كمارتك مزال..

قدات القب ديالها ومشات..

تبعها بخطوات تقال وعينو عليها شافها خرجات من سبيطار وشدات طاكسي..

تم داخل عند ختو منين ركبات: هاد لمرة معندك فين تهربيي انا شديتك ومستحيل نفلتك..

يتبع

وسع عينوو بصدمة ..بعدات عليه مبتاسمة: راجلي لعزيز شحال زوين.

تكات وهي شادة فيدو: بغيت نعس اراجلي

كيشوف فيها وهي متكيا شادة يدو...هز ليد تانية حاطها على شفايفو حس بقلبوو غيخرج من صدرو.

عصام: هادي باستني ..

فلت يدو ناض بزربا خارج من لبيت سد لباب كيلهت..

عصام: تباسيتي اعصام..

حنا راسوو ويدو على فمو وتم غادي بزربا غير غادي هو براسو معارف فين غادي.

      "صبح صباح جديد "

كانت فالكوميسارية كتقضي اغراضها سنات على اخر ورقة و هو يوقف عليها عصام شدها من يدها بجهد و داها للبيرو ديالو …

صافية: طلق منيييي اعصام شنو كدييير

عصام: راه نتي لي شنو كديييري …تسوطيتي فعقلك علاش سحبتي الشكوة ؟

صافية: حيت مابغيتش المشااااكل بغيت نعيش مرتااااحة

عصام: راه الى خليتي راجلك هاكا مطلوق ماغاديش تعيشي مرتاحة ؟

صافية: هانتا قلتيها …رااااجلي بيني و بينو و صافي ماشي شغلك ليرحم بيها الوليدين خليني ندير لي بغيت

عصام:(كيشوف فيها مطولا) اييه اصافية ماقلتي عيييب عومي بحرك نتي ويااااه (حل ليها لباب)

شافت فيه تنهدات بجهد: هاشم ماشي خايب اعصام انا لي مكنسواش ولهلا يوريك اش درت ليه..تا يكون شي وقت ونعاود لكم دابا بغيت غا رتاح.

…خرجات من لبيرو و زدح الباب من وراها

عصام: عومي بحرك نتي وياه
و هي كملات مشيتها حتى خرجات و هزات تيليفونها كتصوني

الصافية: بغيت نتلاقاك خصنا نهضرو ..نتلاقاو ف لبلاصة ****

قطعات معاه و شدات طاكسي اتجهات للوجهة ديالها …مدة دقائق كانت فواحد الكافي مشات شدات بلاصتها حتى شافتو جاي عندها و جلس بدون مقدمات

هاشم: شنو بغيتي ؟

الصافية: سحبت الشكوة ضدك مابقيت بغيت حتى مشكل …و قول ل صاحبك حمزة يعطيني التيساع

هاشم: ههه اوك

الصافية : و بغيت طلاقي يكون بصح ماشي غير هضرة

هاشم:(جمع الضحكة) اوكي

الصافية: مابغيتش شيحاجا تربطني بيك

هاشم:(تقاد فالجلسة) فين عمر ربطاتنا شي حاجة؟ غير انا لي كنت حمار كربط ونخيط من دماغي

الصافية:  …غادي نطلقو سلميا وكل واحد يشد طريقو…(ناضت و مداتلو يدها)

هاشم:(شاف ف عينيها) واش لسلمت عليك ضميرك غيرتاح؟

حركات راسها باه

هاشم: وانا مبغيتش لك راحة اصافية

تم نايض غادي  وقفو صوتها

الصافية: قبل متمشي  …(حطاتلو كارطابل فوق الطبلة) فلوسك ووراقك و اي حاجا خديتها منك هاهي  ديها معاك… ( تمات واقفا غادة .شافت فيه اخر شوفة و نطقات)
الله اعاون اهاشم وخا مبغيتيش تسلم عليا انا من عندي غنتمنا لك غا لخير

…زادت بحالها خلاتو مصدوم

خرجات كتجري من تماك قلبها مقبوط و مافهماتش السبب بغات تنفس بجهد و دموع كينزلو مسحاتهم دغيا و شدات طاكسي

الصافية: عفاك …محطة د الكيران …