البارت 100
أسمرينو ✨
مسافة طريق منين نزلات من لكار شدات طاكسي لحومتها.
نزلات من طاكسي بشوية عليها كتشوف ف دار ديالها لي شحال ماشافتها …و توجهات لدارها بشوية دفعات الباب و دخلات لقاتو محلول و لكن لا من مجيب و سكات …دخلات لبيت و سمعات شيواحد كيكح …توجهات عندو و نطقات
الصافية: حادة ؟
حادة:(بصوت عيان ) شكووون ؟؟
…دخلات عندها للبيت كتشوف فيها و مع كان ظلام شعلات الضو باش يتفاجؤو بجوج …
الصافية: حادة …مالك على هاد الحالة ؟؟
حادة:(كتحقق فيها ) صفية نتي هادي ؟؟
الصافية: انا هادي ..
حادة:(ناضت بشوية و صحتها عيانة عينيها غرغرو بدموع و قربات منها و دفعاتها) خرجيييي عليا من داااري مابغيييتش نشوفك سيري بحااالك
الصافية: يهديك الله فين انمشي ؟؟؟
حادة: سيري فين مشيتي هادي عشر سنين …سيري بحالك ماعندي ماندير بيييك
…(طاحت للارض كتبكي و تنوح…) ياك مشيتي و ختاريتي طريقك ياك مشيتي بحالك
صافية:(جلسات فالارض حتى هي كتبكي ) نتي لي جريتي عليا نتي لي ماخليتيلي حتى حل اخر
طاحت حادة تتبكي: ظلمتك ابنتي ظلمتك
صافية: لي فات ما ت فينو با علوان بغيت نسلم عليه
حادة: باك علواااان عطااااك عمرو …مشااا لي كان كيحن فياااا
…بدات تبكي بحرقة و صافية تبكي معاها عشر سنين تبدل كولشي زمان خدا با علوان و خدا من عمر حادة لي بهاتت وولات مريضة …عاوناتها تجلس فوق السداري
الصافية: انا تزوجت احادة و دابا هربت منو و جيت عندك ماعندي من غيرك حد
حادة: هانتي وقفتي على هضرتي هانتي تزوجتي زواج ملاوط و تزرفتي
الصافية: بدا ماتزيدي عليااا و ديها فصحتك
حادة: صحتي مشااات
الصافية: الله ادير تاويل دلخير…انا معاك دابا
حادة : و راجلك ؟؟
الصافية: مابقاش عندي الراجل…انا وياه وصلنا للمحاكم مابقيتش قادرة نعيش ف كدبة
حادة: سمعي ابنتي انعطيك نصيحة تديها معاك ..رجعي لراجلك و صبري الى جلستي هنا غادي ضيعي و نتي زوينة ايطمعو فيك
الصافية: ماعليش لي خدمتو شحال هادي نخدمو دابا
حادة: باااغا ترجعي لتاشياااخت ؟؟
الصافية: الى كان يعاوني نهز راسي و نهزك انرجع ليه و نتي كبرتي ماعندك صحة دابا غير خليني ندير لي مسلك
حادة: الله ادير التاويل رتاحي دابا منبعد و نهضرو…
أنت تقرأ
(كاملة) ✨ ASSMARINO ✨ أســــمـــريـــــنــــو
Romansa🤎حصريا على الواتباد وفقط على بقلم لاذع🤎 ✨أســـــــمـــريــــنــــو ✨ قصة غريبة من عنوانها جامعة من كل فن طرب على ربعا ديال صحاب من مراهقتهم حتى منين كبرو و كل واحد فين داتو دنيا باش يتلاقاو مرة اخرى فقضية غريبة كلهم مشتابهين بيها . تنويــــــ...
