البارت 117:
أسمرينو 💋
بقلمي : سكينة سليماني
دغيا تكمشات من بلاصتها منين حسات بيه جاي عندها و شدها من شعرها بجهد...و دوا بجدية
هاشم: نعاود نسمع بلي رجلك زطمات هنا نحرك اصافية ...و مكنضحكش...اتبقاي فداركم ...ياويلك اصافية الى لعبتي معايا
الصافية: قلتها و انعاودها ماشي شغلك كيحسابلك حنا بحالك عندنا لفلوس و مرتاحين هههه (هبطات راسها مخبعة وجهها) يمكن عرفتي دربي فين كاين و عائلتك بصح شكون هوما (شافت فيه ) اااه كذبت عليك فكولشي عشر سنين و انا كنكدب ...
هاشم: ماغريباش عليك ...
الصافية: اااه حيت لي تربا فوسط شعبي همو غير لفلوس ...
هاشم: عطيتهم ليك شنو كنتي باغا اخر ؟؟؟
الصافية: كنت باغا تيقاااار و راحة البال ...ماتلومنيش الى غدرتك على ودهم...منين كنت صغيرة حليت عيني على مي و با كان مي ت م ات ف كسيدة كان بناي و طاح من عمارة لي كتبنى و فاش دوينا على حقنا ماصورنا حتى زفتة ....حيت مول ديك العمارة بلفلوس طمس القضية...تمرمدات مي و تمرمدت معاها ...كنت صغيرة و هي تزوجات و كبرت فيدين راجل مي با علوان لي خيرو عليا سابق ماجيت فين نبلغ حتى ما تت لحنانة بسباب السل...و كالعادة مكانش عندنا باش نداويوها...تربيت عند راجل مي و تزوج ب حادة و كون ماهي لي علماتني الحرفة كون تشرشمت ف زناقي....انا راه النواور اهاشم ...انا وليت غير شيخة كاينين بنات اخرين خرجو قحبات....الزنقة مكترحمش و القوي كياكل ضعيف و الفلوس كدير طريق وسط لبحر (شافت فيه بعينين مدمعين) ماتلومنيش...
تحسر على حالتها و بقا غير كيشوف فيها لي عاشتو ماشي ساهل ...نطق و هو نايض...
هاشم: لبسي حوايجك انمشيو
لبسات حوايجها و لبسهم حتى هو لاح عليها الفيست ديالو و نطالقو وصلو لطوموبيل ركبو و بقاو ساكتين حتى وصلها لدرب ديالها و قبل ماتهبط نطق
هاشم: تعقلي واحد نهار قلت ليك مكنتيق ف حتى واحد ...حيت منين كنت صغير عمامي خداو لمي كاع الفلوس لي خلا ليها الوليد الله ارحمو و خلاونا على ضس....و عشنا مرمدين و بنيت راسي براسي و سهل عليا الله و درت مشروعي و مشاو مزيان و ما تت الوليدة حتى هي و بقيت بوحدي مكنتيق فحد حتى دخلتي لحياتي و حتى نتي طلعتي ماتسوايش بحالهم ا صافية (شاف فيها ) ماشي بوحدك لي تعذبتي و لكن ماشي سبب باش تغدري...كنت كنبغيك و ضيعتي كولشي ....(حل ليها الباب) سيري و تكمشي مانسمعش حسك خرجتي انهضر مع المحامي يقاد لينا الجلسة الثانية فهاد الايام باش نتهناو .....
....هبطات و هي باقا كتشوف فيه و فطوموبيلتو...انطلق و هي طاحت فالارض كتبكي و متبعة ليه العين...كتشهق بكل قوة ...
الصافية: سمح ليا ....
أنت تقرأ
(كاملة) ✨ ASSMARINO ✨ أســــمـــريـــــنــــو
Romance🤎حصريا على الواتباد وفقط على بقلم لاذع🤎 ✨أســـــــمـــريــــنــــو ✨ قصة غريبة من عنوانها جامعة من كل فن طرب على ربعا ديال صحاب من مراهقتهم حتى منين كبرو و كل واحد فين داتو دنيا باش يتلاقاو مرة اخرى فقضية غريبة كلهم مشتابهين بيها . تنويــــــ...
