اسكريبت
دعونى اسير الى خالقى
: كفايا بقى كفايا انا تعبت وزهقت من العيشه دى قولتلك ميه مره مش هخلع الخمار انت ايه يا اخى عمرك ما هتتغير.
بغضب: ايوا يا حضره الشيخه سما هو الخمار لزمته ايه لما انتى مش بتطيعى اوامر زوجك خليتى اصحابى ياكلوا وشى كانوا مفكرينك امى مش مراتى
سما: والله يا كريم دى حاجه ترجعلى زائد رسول الله قال(لا طاعه لمخلوق فى معصيه الخالق)
كريم بغضب: والله انا طفشت وزهقت من العيشه الغم الى انتى معيشهالى دى لابسه شوال فحم وتخرجى بيه معايا دا حتى فرح اختى مرضتيش تحضريه.
سما: انت متجبرنيش احضر افراح تغضب ربنا وبعدين انا مسبتهومش وساعدتهم فالتحضيرات وروحت مع اختك الكوافير يعنى انا مقصرتش
كريم بغضب: دى مبقتش عيشه يا شيخه
سماء: عشان بحاول ارضى ربنا تبقى عيشه غم
جلست سما تبكى فلم يعيرها اى انتباه وقال بجمود: انا رايح ابات عند امى انهارده اهو الواحد يرتاح من النكد يوم
سما ببكاء: ربنا يسامحك يا بابا
فلاش من سنه
الاب: سما عايزك فموضوع
سما: اتفضل يابابا
الاب: انا هتجوز
سما بصدمه: تتجوز؟ دى ماما مكملتش سنه ميته
الاب: دى حياتى ودا اخر كلام
سما بحزن: براحتك يابابا
وبعد يومين وجدت اباها يدخل ومعه فتاه من سنها تقريبا
سما: مين دى يابابا
الاب: دى مراتى
سما بصدمه: دى صغيره يابابا دى قديا
الفتاه: جرا ايه يا دوحه هو انا مش عجباها ولا ايه
الاب(مدحت): لا يا حببتى هى متقصدش دى شيماء مراتى وتحترميها وتسمعى كلامها فكل حاجه
سما بحزن: حاضر يابابا انا هدخل استريح شويه
دخلت سما غرفتها ودخل كلا من شيماء ومدحت غرفتهم
مدحت: الحلو زعلان ليه بس
شيماء: احنا متفقناش انو بنتك هتقعد معانا فالشقه
مدحت: اهو احنا مستنين تتجوز وهتمشى
شيماء: عندى شرط بنتك تقعد فالشقه
مدحت: ايه هو
شيماء: تكتبلى نص الشقه
مدحت: وانا موافق
فاليوم التالى
ارتدت سما ثيابها والمكونه من ادناء زهرى وخمار من اللون الاسود
أنت تقرأ
أشعار واسكريبتات الكاتبه روضه عبدالله
General Fictionقلمى لا أحد يستطيع كسره .. لأنه يكتب الحقيقه .. لأنه لا يعرف معنا للكذب .. يكتب ما يراه يحاول ألا يجعل الناس تعيش فكذبه .. والقلم لن يموت حتى ولو مات صاحبه.
