سكريبت♡
نقابى حياتى
انا سلمى وعندى 25 سنه خريجه كليه اللثن انجليزى كنت الاولى على دفعتى الاربع سنين واتخرجت وللاسف مش لاقيه شغل وكمان الناس مش بتسيب حد فحاله ايه يعنى وصلت ل25 ومتقدمليش عرسان الزواج رزق من الله ومفكرين العائق النقاب. عايشه مع امى واختى وابويا متوفى.
اسراء: يابنتى اخلعى النقاب دا واشتغلى فالشركه للاسف مانعين البنات المنتقبه
سلمى: لا مش هخلعوا ان شالله اقعد من غير شغل وانا السى دى بتاعى كويس خالص وان شاء الله هلاقى الشغل المناسب.
اسراء: انا تعبت منك بجد مش عارفه دماغك دى ايه
سلمى: انا متمسكه بالنقاب وعمرى ما هخلعه لفكره انى مش بشتغل او انى مش بيتقدم عرسان كل دى اختبارات من ربنا وانا لازم انجح فيها
اسراء: خلاص يا سلمى بصى لاهلك بصى لاختك الى جهازها لسه مكملش وفرحها اخر الشهر بصى لوالدتك الى تعبت من الشغل فالمستشفيات والخياطه.
سلمى: وانا مش هتخلى عن نقابى دى ارزاق عن اذنك عندى مقابله ادعيلى بالتوفيق.
اسراء: ربنا يهديكى
ـــــــــــــــــــــــــــــــــــــــــــــــــــــــــــــــ
وصلت سلمى للشركه
ظلت سلمى تدعى ربها ان تقبلها تلك الشركه
سلمى: السلام عليكم ورحمه الله وبركاته انا شوفت اعلان انو الشركه دى محتاجه مترجمين والمقابله ميعادها انهارده
انا قدمت على الانترنت والحمدلله اجتزت الامتحان الالكترونى.
السكرتيره: وعليكم السلام اه انهارده بس انتى مينفعش تدخلى المقابله
سلمى: ليه؟
السكرتيره: للاسف ممنوع المنتقبات
سلمى : شكرا لحضرتك
ـــــــــــــــــــــــــــــــــــــــــــــــــــــــــــــــ
رجعت سلمى الى منزلها بخيبه امل.
-الام(سيده): مالك يا سلمى
ارتمت سلمى فى احضان والدتها وهى تبكى: متقبلتش ياماما مش عارفه هم بيكرهوا النقاب ليه دا حتى امهاتنا كانو لابسينوا زوجات الرسول كانوا لابسينوا بيكرهوا البنات الى بتتشبه بيه ليه
سيده: خير يابنتى ان شاء الله هتلاقى شغل وبعدين الحمدلله احنا فنعمه احنا احسن من غيرنا
خرجت اخت سلمى والتى تسمى اميره
اميره بغضب: احنا احسن من غيرنا؟ احنا؟ حرام عليكوا احنا قاعدين فشقه ايجار اوضه وصاله والاستاذه مش راضيه تخلع السواد الى على وشها دا وانا الى فرحى خلاص فاضل عليه شهر ومش عارفه افرح زى البنات جايبه شويه بلاستك فجهازى
أنت تقرأ
أشعار واسكريبتات الكاتبه روضه عبدالله
General Fictionقلمى لا أحد يستطيع كسره .. لأنه يكتب الحقيقه .. لأنه لا يعرف معنا للكذب .. يكتب ما يراه يحاول ألا يجعل الناس تعيش فكذبه .. والقلم لن يموت حتى ولو مات صاحبه.
