سكريبت
#صاحبه البهجه الجزء الثانى🤍
سلسبيل بصدمه: ازااى ازاى انتى عايشه؟
وقفت امامها والدتها واحتضنتها: كبرتى يا سلسبيل وحشتينى اوى يا بنتى
محمد: مين يا سلس....
قطع كلامه صدمته برؤيه زوجته القديمه: سناء
خرجت سناء من حضن سلسبيل: ازيك يا محمد
محمد وهو يغض بصره وبتكشيره: ايه اللى جابك
ام محمد: اقعد يبنى ونتفاهم
نظر لها محمد بإستغراب: انتى يا أمى؟ نتفاهم ايه؟ خلاص انا طلعتها من حياتى انا بقى ليا زوجه وابن مستحييل نتفاهم تانى
جاءت نسمه: ازيك يا امى اتفضلى ادخلى
ثم نظرت لمحمد بعدم فهم: هو فى ايه
ام محمد: بصوا خلينا نقعد ونتفاهم ونسمع اللى حصل
محمد بضيق: طيب اتفضلوا
جلسوا وبدأت ام محمد بالكلام: بص يابنى سناء جايه ندمانه من اللى حصل وهى عايزه ترجع تعيش مع بنتها
محمد بسخريه: لسه فاكره بنتها هه بنتها مين سلسبيل مش بنتها ام سلسبيل هى نسمه اللى تعب فى تربيتها وكبرتها انتى كنتى فين لما بنتك كانت مش عارفه تلبس زى البنات فين لما كانت محتاجه لحنان الام
سلسبيل: انا مش فاهمه حاجه انت مش قولتلى انو ماما ماتت يعنى كل الكلام دا كذب
محمد: مكنتش عايز اكرهك فأمك بس هى اللى مصره انك تكرهيها وتعرفى حقيقه اختفائها
ام محمد: وهى اهو جايه وندمانه واتعلمت من غلطها
سناء ببكاء: انا اسفه أوى مكنتش اعرف انو صاحبك اتجوزنى مصلحه بس انا كنت واثقه فيه ومعرفش انو حقير للدرجادى بعد ما طلقتنى وقضيت شهور العده جه واتجوزنا وسافرنا الكويت فضلت عايشه معاه يجى 5 سنين ولما حملت كانت صدمه بالنسباله وطلب منى انزله بس انا مرضتش أخدنى للمستشفى اللى بتعمل العمليات دى پشكل غير قانونى عمل مشكله فشركه البترول اللى كان شغال فيها اترفد منها وبعد كدا بقى يدخل عليا كل يوم وش الفجر سكران كنت اتكلم معاه يقعد يضرب فيا ويقول انى انا السبب وانو مكنش لازم يسيب مصر والشغل معاك وانو انا اللى دمرت حياته قعد مستحملاه لانى مش عارفه لو سبته هروح فين او هعمل ايه بدأت الفلوس اللى معانا تخلص بسبب انو كان مدمن وباع دهبى كله ووصلت انو ابتدا يجيب بنات البيت ويقلبهم حالتنا بقت وحشه خالص كان فى راجل هناك غنى خالص لما كان بياخدنى معاه حفلات وسهرات مع اصحابوا الراجل دا كان بيبصلى بصات غريبه المهم لقيته جه البيت وقعد معاه انا سمعتهم وهم بيتكلموا انو عايزه يبيعنى ليه مقابل انوه هيديه الفلوس اللى عايزها انا اتصدمت واتصدمت اكتر لما وافق تانى يوم لقيته جاى وعينه حمرا وبيغمى وشى هو وكام راجل تانى وبيحطنى فعربيه وسمعته وهو بيقول الفلوس كامله وسمعت راجل تانى بيقوله البيه بيقولك مش عايز يشوف وشك تانى.. خدونى البيت مكنش بيت كان قصر فخم جدا شالوا القماشه اللى كانت على عينى ولقيتهم بيقلولى اتفضلى بكل احترام روحت معاهم لحد ما وصلونى للراجل اللى اشترانى زى العبيد لقيته بيبصلى ويضحك وجنبيه ست فنفس سنه وبنتين صغيرين كان باين عليهم انهم توأم قالى اقعدى قعدت على الأرض لقيت الست اللى جنبه مسكت ايدى وقعدتنى على الكرسى وبتقولى انتى زى بناتى دول اقعدى كلى انتى اكيد جعانه فعلا أكلت لانى اديلى كان أيام مأكلتش كانو بيبصولى بشفقه خلصت أكل وجيت ألم السفره لقيت الست بتمسك إيدى وبتقول انى ضيفه وميصحش استغربت اوى وقعت مكانى لانى افتكرت انى هكون خدامه هناك اتكلم الراجل وقالى انو عارف انا مستغربه من المعامله ليه وانوا هيساعدنى أرجع مصر وفعلا عشت معاهم شهرين لحد ما خلصوا إجراءات سفرى بس قبل ما أنزل مصر بيومين جه خبر وفاة صحبك أخد جرعه مخدرات زياده ومات.
أنت تقرأ
أشعار واسكريبتات الكاتبه روضه عبدالله
General Fictionقلمى لا أحد يستطيع كسره .. لأنه يكتب الحقيقه .. لأنه لا يعرف معنا للكذب .. يكتب ما يراه يحاول ألا يجعل الناس تعيش فكذبه .. والقلم لن يموت حتى ولو مات صاحبه.
