ليان تجهز الفطور:ياعمه بهاج وينه ؟
شيخه:تلقينه نايم بغرفتي عشان يراضيني
ليان:ليش ؟ يراضيك على وش
شيخه تغسل المواعين:امس عصب علي
ليان:ونايم معك امس ؟
شيخه:اي عشان يراضيني
ليان ابتسمت:وش الحركات الطفوليه ذي
شيخه:من زمان يسويها وحيدي وخايف يفقدني وهو مزعلني
ليان:ليش قد مر عليه هالموقف عشان يخاف منه؟
شيخه:اي توفى جده وهم زعلانين على بعض
ليان:ياروحي
شيخه:ماعليك روحي قوميه
ليان نزلت الي بيدها وراحت غرفة شيخه مسكتها انهار:وش تسوين ياملقوفه
ليان بهمس:بهاج نايم هنا !
انهار:غرفة امه
ليان:اي زعلها ونام عندها عشان يراضيها
انهار ابتسمت:اهااا
ليان:اي
دخلت ليان وفتحت النور وخرت اللحاف ونادته:بهاج قم
بهاج ماكان يبيها تشوفه نايم عند امه تنهد:كان طقيتي الباب
ليان صدت:مو تقول كل شي لبهاج لك ؟ طيب انا طالعه بكيفك تبغى تقوم قوم ماتبغى اجلس
بهاج جا يوقفها لكن طلعت تنهد بعصبيه من نفسه:ليش دايم يفهموني غلط !
دخلت عليه شيخه:قم يلا الفطور جاهز !
بهاج قام:سامحتيني ؟
شيخه ابتسمت:سامحتك
بهاج طلع من عندها وراح يصلّي الفجر
"
سعود:بهاج وينه
ليان ماتكلمت ونطق مشعل:بيجي الحين
دخل بهاج المقلط وجلس وهو يشوف ليان ماتاكل تضايق وكمل اكله وقامت قبله
