في قريه بعيده من الديره قديمه تراثيه ,
ليان:بهاج مابي مابي
بهاج:اركدي وريحيني ! ليان تكفين والله مانيب ناقص
ليان دفت يده وقامت تمشي لحالها ونطق بهاج بحدّه:ليييييان !
ليان التفتت وفيها غصه:نعم ؟
بهاج سحبها يضمها وكملو مشي وليان مو طايقته هي تكره الشخص الي يعاندها ,
دخلو للبيت الصغير ونطق بهاج:ياويلي ويييلاه
ليان:شفت شففت
بهاج ضحك بسخريه:ابوي يسب امي ؟ يسبها وهي مييييته وانها ماعرفت تربيني واني ولد شواارع وتبيني اقعد معه بنفس البيت ؟ لا ياحبيبتي انسي هذاك البيت باللي فيه
ليان:باللي فيه ؟
بهاج:ايه ولا اسمعك تطرّينهم لي ثاني مره عشان ما انجن عليك هنا "سند راسه على الكنبه"
ليان حطت راسها بحضنه:بس بهاج المكان يخرع
بهاج:مايخرع ولاشي ديرة امي هذي
ليان تنهدت:انت مابتطلع صح ؟ بتقعد معي دايماً هنا
بهاج ابتسم:حتى لو طلعت ياحبيبتي انتي معي
ليان:العجايز كثير
بهاج:ايييه واجد هنا "ابتسم" بكره يدخلون علينا يسيّرون
ليان:لو صارت بنتحر
بهاج:امزح معس "فتح الباب" اقربي
ليان مشت معه ونطق بهاج:بيني وبينك مابي نقعد هنا وخصوصا انس ماتحبين هالاماكن هذي بنجي بس وقت النوم
ليان هزت راسها:والاوقات الباقي ؟
بهاج هز راسه:بنروح لم شقتنا ذيك
ليان:ليش مانقعد فيها مره وحده طيب
بهاج:مابي اي شي يربطني ببيت جداني
"
اخر الليل ,
ليان سمّت بالله وتلحفت عشان تنام وسمعت صوت صرخه تجاهلت تماماً وتحسب انه خيال لكن سمعت صوت صراخ ثاني مره صرخت بخوف وفز بهاج:شفيييس !
ليان ترجف:مافي شي مافي شي
بهاج مسك ذراعينها:اهدي علامس ياليييان لاتخوفيني عليس
ليان ارتمت بحضنه وهي تبكي:مابي اقععدد هنناا بهااج
بهاج تنهد:ليان اذكري الله
ليان:بهاج وربي فيه جن انا متأكده
بهاج:مصدقققك انا ! المكان مهجور من سنين لكن اصبري
ليان مسحت دموعها بشماغه:ماسمعت انت ؟
بهاج:لا بالله
ليان:كيف انااام
بهاج ضمها:نامي محد حولس بهاج موجود
ليان بادلته وهي ترجف من الخوف تحس ودها تبكي بس زودتها بالبكى
بهاج:لاترجفيين ترا ماننيب ناييم لين ترقديين
ليان رفعت نظرها له:لاتنام لين انام طيب ؟
بهاج:ماني برقد لين اشوفس راقده
ليان نامت افضل نومه بحياتها كانت تحس بالامان والررااااحه ولاعد سمعت الاصوات ,
