""
ليان طلعت من الغرفه متجهه للحوش , نادته بصوت مسموع:ب..بهاج
بهاج التفت:لبييه عسى فكرتي ؟
ليان هزت راسها بحيا وتكلم بهاج:اقربي
-قربت منه وجلست جنبه وحست فيه يحط يده على كتفها:طالعيني
ليان ناظرته وتنهدت وهي تعدل جلستها:بهاج احسني منضغطه وماني قادره افكر ! بهاج ما ادري خايفه ارجع وغلطتك تنعاد
بهاج رجع طاقيته ورا:الله يحرمني حياتي ..
ليان حطت يدها على اذنها:لاتددععي ! خايفه الفقد وانت تدعي على نفسك يابهااج هالدعوه دايم تكررها على نفسك وداري اني ماحبها
بهاج:والله ما اعيدها ياليان انتي داريه اني بدونك ولاشي وتدرين ان عمتي شموخ كل يوم جايه عندي تعاتبني انا ! وتهاوشني ولو شفتي كيف هاوشتني يوم درت انك زعلانه وكنت بنطرد من البيت بعد
ليان:فكرت وحسيت اني مابي ابعد عنك اكثر لأني كل ما ابعدت اتعب اكثر لكن بنفس الوقت خايفه
بهاج:لاتخافين وبطلك بهاج
ليان ابتسمت بزعل:بطلي زعلني
بهاج:يعقب ياليان
ليان:طيب بهاج شفتك امس تدخن وتقول ل احمد انك ماتدخن قدامي هو حرام سواء قدامي او وراي
بهاج:ابتليت فيه امس دخلت على عمتي شموخ لقيتها تدعي ان ربي يفكني منه اخ ماهيب سهله ابعد عنه والله ماهي بسهله
ليان:كله مني لو اني ماخليتك ماكان لجئت للدخان والسوالف ذي
بهاج:ماهو منك مني انا , وبعدين باقي تكلمين رهف ؟
ليان:لا
بهاج:تجيني من حسابات واجد ياليان
ليان بغيره:وانت تكلمها ؟
بهاج:بس اقولها ابعدي عني واقفل
ليان:لاتكلمها خلها بحريييقه
بهاج:الحادث كانت هي سببه
ليان:تكذب ! بهاااج اف الله ياخذذها
بهاج:والله
ليان تنهدت بضيقه:اكرهها هي سبب اذيتك اصلا
بهاج ضمها:اخ ماعد صار احد يحضني الصبح اقبل اروح للأبل ولاحد صار يعطرني ولاحد صار يسولف لي ويهتم لي ويقولي متى تجي ووين بتروح رحتي وراح معك كل شي زين ياليان
ليان:وانا ماحد صار يقولي صباح الخير ولاحد صار يصور معي فلوقات غبيه
بهاج:مره جيت عند باب غرفتكم سمعت صوتي وانخرشت بعدين قلت يمكنك تناظرين الصور واسمع شهاقك وقلبي يعورني والله
ليان:كنت انام وانا ضامه صورتك يابهاج
