"
نورا حست بملل ودخلت غرفة مشعل الثانيه لقته يلعب سوني:مشعل تعال سولف معي قبل انام
مشعل:دقيقه يانورا دقيقه
نورا طلعت ودخلت غرفتهم وهي تنتظره تلحفت ونامت لأنه طول ودرت انه مب يمها همه اخوياه والسوني
مشعل خلص ورمى السماعه ركض متحمس يسولف لها فتح الباب وابتسامته شاقه وجهه وشافها نايمه اختفت ابتسامته تدريجياً ونزل راسه دخل يتأكد اذا نايمه فعلاً ؟ وطلعت نايمه صدق تلحف وضميره يأنبه اول مره مشعل يأنبه ضميره عشانها ! نام وهو يهوجس هي زعلانه ولا عادي وليش سحب عليها وكيف خذاه الوقت وماحس ,
"
قامت نورا وشافته جنبها صدت وراحت تصلي ومانادته بس سمعت صوت المنبه حقه وقام يطفيه ماتمنت انه يقوم هالوقت كانت متضايقه منه ولا تبي تسمع منه كلمه تسد نفسها وتخرب يومها كامل
مشعل قام وتسبح وطلع شافها تشرب قهوتها:مابتنزلين ؟
نورا:مالي خلق
مشعل:طيب انا بطلع
نورا:طيب
مشعل لبس ثوبه وكابه وطلع ,
