"
اليوم الثاني "
ليان قاعده بالانتظار وتشوف احمد وبهاج يمشون ورا الدكتورات وكان الصمت يعم المكان مافي غير صوت همسات ماكانت تدري ليان وش يقولون بس ماكانت مهتمه كان المهم عندها بنتها وبس
الدكتوره:يمديكم تشوفونها ساعتين كذا وبعدين بناخذها للأشعه ضروري
بهاج اخذ ليان وراحو عند ريتال وليان مره متضايقه قربت لريتال وضمتها بقوه ,
بهاج:ترا صارلنا يومين بالمستشفى ولا فاد شي اليوم بنرجع البيت
ليان:ارجع مع نفسك
بهاج:ليان مايحتاج نقعد هنا اكثر من كذا تعبتي نفسك على الفاضي انا ثلاث ايام مانمت اقسم بالله شوفي عيوني شلون رايح جاي مع الدكاتره وليت فيه فود يعني الا على الفاضي
ليان تلحف ريتال:قلت لك يمديك تنام بس انت مو مرتاح ماتبي تنام
بهاج:حتى غفوه ما اقدر اخذ ! مره المكان مب مريح وصوت الاجهزه اكرهه اساساً
ليان هزت راسها:طيب
بهاج جلس على الكنبه وقعد يناظر الغرفه الي حتى هو بكبره مابيرضى يقعد فيها ولو ساعه من كثر الاكتئاب الي فيها
