""
- بعد ايام طويله-
"
ليان دخلت الغرفه شافت بهاج نايم تنهدت براحه لأن صارله ثلاث ايام ماينام والكوابيس ملاحقته بكل مكان , قفلت النور وطلعت تجلس عند البنات
نورا:تأجلت خطوبتنا عشان العزا وزاد همي اقسم بالله
انهار:بنات خل نطلع من المود نحاول
ليان:شلون ؟ بهاج ماينام ليله يا انهار
انهار تنهدت:اكيد ! بالنهايه يعتبرها امه ياليان لكن هدي عنه يمديك
ليان:تكفين سوي فيني خير مدري شلون اتصرف
انهار:اقعدي معه واسيه زي الأوادم انتي لاشفتيه يبكي تطلعين من عنده علطول
ليان:ماحب اشوفه يبكي
انهار:محد يحب يشوف اقرب شخص له يبكي اكيد لكن تخلينه لحاله ؟
ليان:طيب بحاول
نورا تكلم مشعل وارسل لها:قابليني بالحوووش ضروري ""
نورا:بس مشعل البنات هنا
مشعل:نورا قابليني
نورا نزلت الجوال بعصبيه:بنات بروح اخذ شاور واجيكم
ليان:الحين !
نورا:اي بغير نفسيتي
انهار:زين لاتطولين نبي نسولف
نورا طلعت للحوش وشافته جالس قربت:لبيه جيت
مشعل:الامور انقلبت فوق تحت
نورا:لاتزيدها علي
مشعل:افكر شنسوي
نورا:انتظر اقل شي شهر
مشعل:قالي احمد كذا
نورا:اي وهو الصادق الحين البيت كله نفسيته خايسه
مشعل:اتخيلس بالابيض يانورا واتعب اكثر ااخ كيف بتكون فرحتي يوم اضمس وخلاص تصيرين حلالي !
نورا صدت وهي مبتسمه:اخ ميشو تصدق راضيه نتزوج لكن مدري ماني مستعده
مشعل:ليه علميني يانويّر اسمعس
نورا:مدري خايفه شخصيتك تتغير
مشعل:مستحيييل لاتفكرين كذا يانوري اتغير على الكل الا انتي
نورا ابتسمت:شفتك وش مسميني ترا
مشعل ابتسم وهو يقفل جواله:يلا وشو !
نورا:النوري
مشعل ابتسم:اخ اي بالله انك نوووري بهالدنيا
نورا:مشععل
مشعل:يوم تستحين تناديني ؟ ماعرفت لس
نورا ضحكت:المهم مشعل بروح للبنات بااي
مشعل:ودعتس الله
"
انهار:وراه شعرك مب مبلل ؟ كذوبه ماتسبحتي وين رحتي
نورا:الصدق رحت لمشعل
ليان:كان قلتي طيب
نورا:مدري خفت تقولون مب وقتك وكذا
ليان ضحكت:تعالي بس اجلسي
