ماندري وش ورا الغيم مقسوم

Part 4

-بارت العاشر- '

في بيت الجده تحديدا بالصاله ام خالد وام محمد جالسين يتقهون مع الجده ويضحكون كانت الجده دايم تحسب حريم عيالها نفس بناتها وتغليهم جداً وابدا ماترضى عليهم واهم بعد يعتبرونها حسبت امهم ومايرضون زعلها
الجده:الله. يعطيكم العافيه يابناتي ماقصرتو والله من صباح نفسي بقهوتس ياأم محمد
ام محمد:ليتس دقيتي علي ارسل عليتس قهوه يخاله
الجده:الله يعطيتس العافيه  ماتقصرين والله عناد سوا لنا قهوه وعفس المطبخ وقلب البيت هههههه
ام خالد: هههههههههه سمعته اليوم عند خالد وصالح يعزمهم عليها
الجده:القهوه هاذي الكل تقهوى منها حتى ابو محمد لحقه فنجال
ام محمد:الله يسعدك ياعناد هههههههه
الجده:باسل طلع من الصباح يقول عنده شغل والله للحين ماجاء ومادق علي مدري وينه
ام محمد وام خالد:الله يستر عليه مابه الا كل خير
كم دقيقه ودخل باسل :سلام عليكم
الجده:انت وينك
باسل :افا يمه ردي السلام
الجده:وين انت من فجر ادق ماترد
باسل :جوالي طافي والله،طالع حريم اخوانه سلام عليكم ياكبار القبيله
ام محمد:هههه يهللا عليك السلام
ام خالد :كانت تشوفه نفس ولدها لانها ربته مع صالح وخالد اهو وعناد ،انت شبلاك تخرع العجوز والله لاعاد عدتها تبي ترفع ضغطها
باسل:اقول صبي قهوه لي قاعديين يهاوشون بس

<<المغرب بيت ابو خالد>>
الساعه6:05
روبى توها تجي من بيت ابومحمد دخلت شوي شوي تطالع وراها ويمينها خايفه لايشوفها صالح
روبى:بهمس فاطمه فاطمه
فاطمه:هلا؟
روبى:صالح وينه؟؟
فاطمه:راح يتوضاء يويلتس منه
روبى:ماسويت شئ:/
فاطمه:بس فقعتي راسه
روبى:بسسسس بروح اعتذر منه
صالح طلع من الحمام ورابط على راسه الغتره شاف روبى جايتها وصد عنها مايبي يكلمها لانه شايل عليها حيل وماوده يطقها
روبى:تكفى ياصالح سامحني وعد ماعيدها
صالح:وخري عني بروح اصلي وخري
روبى:تكفى يصالح تكفى يمه تكفين اطلبيه
ام خالد:جعل يدتس الكسر يوم انتس شفتي اخوتس محترمتس وتسوين كذا فيه
روبى:يمههههه
صالح:بعدي اقول بروح ادعي عليتس بصلاتي
روبى:حقود صدق
صالح كان بيسحب شعرها بس سمع صوت ابوه يناديهم يروحون المسجد سوا حسابتس بعدين يالناقه
روبى:احححح
فاطمه:انشهد انه سماتس هههههههههههه
ام خالد:يلا صلاه صلو ورانا عشاء
فاطمه :يلا
روبى:باقي مصدومه من صالح
ام خالد:الناقه صرتي صمخاء يلا
روبى:يمهههههه
نفس العاده تعشو الاخوان مع بعض واتجه كل واحد منهم لبيته والعيال راحو يسهرون مع بعض عند عمانهم عناد وباسل وخذو معاهم ولد ابو مشعل خالد وجلسو بيلوت وشاهي يصلحه صالح وباسل وضحك وناسه والعم عناد كالعاده مناشب اهو وخالد ولد اخوه وبالاخير مصارعه
عناد:باسل انت وصالح ترا بس شاهي تصلحون ماتسون ذبيحه
باسل:يلا جاينكم
خالد:ماقفلت على الغنننننمممم يويلي من ابوي
خالد ولد ابو مشعل:مشينا انا وانت يلا
خالد :يلااااا
عناد:بعلم اخوي بكرا يسنعك عشان مرا ثانيه لاتخلي حلاله تاكله الكلاب
خالد:اننننن
عناد:ههههههههه اسرع ورانا مباراه
خالد :يلا
باسل وصالح وعناد سوالف وكملت السهر مع خالد ولد ابو مشعل دخل خالد ولد ابو مشعل قفلنا والله لحقنا عليها
عناد:يلا من معاي ومن معى صالح
صالح:قابلي يبو مشعل
عناد:وانت يباسل خلك على جوالك هههههه
باسل:بجدد الشاهي انا
لعبو العيال وارتفعت الاصوات والضحك وقامت الجده عليهم بعصاتها لابوكم لبو من جمعكم وطردتهم وتضرب عناد بالعصا وتلحقه وتحطه راسها تحت ايدها وتطقه وباسل تحذفه بالبياله
عناد:يمهههه الله يهاداتس
باسل:يمه بنسكت
الجده :اقول انتو كل واحد لامه وانتم انقلعو نظفو اللي بعدكم
العيال راحو ورا البيت من نامت الجده ناداهم عناد تعالو نامت تعالو
خالد :لا يمه امكم تهبدني بروح انام انا وراي داوام
عناد :ولد الجيران ذا يبي له كف يعدله ادخل ادخل ماشفت شئ من امي ماعليك
العيال:ادخلو توها تبدا السهره
ودخلو العيال وباسل يكنس عناد بس ميري تشتغل لاتستحون
باسل:😒
كملو العيال جلستهم بس بدون لعب على المنقل وشاهي وزانت السوالف والضحك مع الخوف الجده لاتقوم
باسل :هايصالح عطنا جديد
عناد:اي والله اسلم
صالح:في ابيات جديده اسمعو(ملاحظة)كل القصايد لشاعرها مب قصايدي:
ضايق(ن)صدري وفي عيني احرّالدموع
اتحرّى ادناة فرصه عشان اهلّها
فاقدٍ لي ضلع واحد وفي صدري ضلوع
لو رجعْ لي قلت هاكم ضلوعي كلها ...
خالد:مسكته الغصه اول ماطرى له على طول اخته (جميله) وامتلت عينه دمع
باسل:نزل راسه وترحم على جميله
عناد:ماحاول يوضح زعله وقال صح لسانك
خالد ولد ابو مشعل:حس الجو بدا يضيق عليهم وقال اخسس والله يالورع طلعت شاعر تف تف ماشاءالله
صالح:صح بدنك يالكبير
كلهم ضكو ضحكت العبره اللي ماودهم انها تطلعها والكل كتم الغصه وماطلعها وبالقصيده هاذي خلص اليوم الحلو الخفيف والكل اتجه لبيته وعناد وباسل رتبو المكان وباسل اتجه للفراش وعناد طلع مع العيال يوصلهم ويكملون بالطريق باقي السوالف ...