ماندري وش ورا الغيم مقسوم

Part6

ام محمد وبناتها بالصاله يتقهون حليب قريب من المنقل دخل ابومحمد واهو يتلفت بعيونه يدور للعنود
الهنوف:ارحب ياتاج راسي وقامت واهي تبوس راسه وتحضنه
ابومحمد:وهو ساكت حضنها وجلس
ام محمد:شلون عشاكم
ابو محمد:الحمد لله نعمه تلفت شوي ونطق العنود وين!
ام محمد:نامت عند جدتها
ابومحمد:طيب ونزل راسه
ام محمد حست فيه شى وقامت تاخذ الصينيه وعطت الهنوف نظره تاخذ خواتها فوق
الهنوف:يلا يبه احنا بنام ورانا دوام
ابومحمد :مارد عليها وجلس يفكر
الهنوف طالعت امها بمعنى شفيه ام محمد يلا يبنات خذو حمود معاكم وتصبحون على خير تغطو زين طلعو البنات الغرفه ورجعت ام محمد ومعاها مويه لابو محمد وجلست جنبه مانطقت بحرف بس تطالعه جلسو ربع ساعه على الحاله هاذي ونطقت
ام محمد:ودك تعلمني شفيك؟
ابومحمد:بس اخوي خطب بناتي لعياله وماخلا لي مجال اقول شى
ام محمد:شقال لك
ابو محمد:يبيهم لعياله وبعد فتره خطبه وبعدها يحط الزواج ماراح يطول
ام محمد:ماعلمته انهم يدرسون وماودنا يعرسون الحين؟
ابو محمد:يقول تبي تردني انا وعيال وعذرك مدارس
ام محمد:شالسواه الحين على الاقل بعد سنه
ابومحمد:بحاول معاه ي أخرها عقب سنه والخطبه كيفهم
ام محمد نزلت راسها بخوف بس نطقت وقالت:العنود تحبهم نفس اخوانها ياأبومحمد
ابومحمد:بتتيسر
ام محمد:انت كلمه وتفاهم معاه وان كنت خايف عشان العنود خلها تخلص المدرسه وبعدها كلمها ان كلمتها الحين والله يااخالد انها ماراح توافق عليه اهي تبي تدرس بنتي واعرفها كلم اخوك واتركو السالفه بينا لاحد يعرف
ابو محمد:سكت شوي ،اي والله صدقتي بكلم اخوي وفهمه ارتاح جداً ابو محمد بعد كلام ام محمد انا بروح اصلي الوتر واقرا شوي وبعدها بنام بالصاله
ام محمد:اوك
ابو محمد:تكلمي زين لادق لحيتسس
ام محمد :وشو له تنام بالصاله
ابو محمد:يعني ان نمت بالصاله بتغير كلامتس الله عليتس يامها هههههههههههه بنام هنا عشان ظهري ماودي انام على السرير
ام محمد:ايه ههههههههه ،خلاص اجل بجيب فراشنا
ابو محمد:ابتسم لها ابتسامة رضاء

<<في بيت الجده >>
الساعه11:13
الجده والعنود وعمها باسل جالسين جنب المنقل وسوالف وضحك كانت اجمل لحظات العنود دايم تكون مع عمها باسل وتحبه مره ودايم تحب من تتضايق تروح لبيت جدتها وتجلس مع عمانها وجدتها تسمع سوالف جدتها وهواش عناد وباسل اللي كله ضحك
باسل:من اتزوج يمه ماراح اجيب شغاله لزوجتي العنود تكفى
العنود:والله انها تخسى اني انظف لها افاااا يعمي الملعون بنت الناس نستك عشرتي افااااااا
الجده:وهي تضربه براسه بالعصا وخزياه منك يباسل مابوجهك حياء هاذا وانت ماتزوجت مزعجنا بحرمتك ان اعرست شتسوي
باسل:انا بتزوج ماعندي عقل بصير خبل الديره بدل عبود الخبل من طقتس براسي بهالعصاء
العنود:كفووو يجده كفووو يبنت سالم خليه ينجن
باسل قام واهو يسحب عنود بيدها تعالي اراويتس يالقزمه والعنود طاحت تضحك يجده كسر ايدي المجنون والجده تضربه بغطاء البراد فك بنتي يالمهبول كسرتها باسل واهو يقرب للعنود اح يالعنود وش ذا بخشمتس
العنود:وششش!
باسل :اقربي ابعدها شى اسود
باسل اول ماقربت العنود قرصها بخشمها والعنود تصارخ وتبكي احححح يجده خشميييي اح والجده قامت تلحقها واهي على عصاتها والله لطقك تعال تعال باسل واهو يركض وميت ضحك وقف عند غرفته وقفل عليه يمه انا بوجهتس لاتجيني تكفين امزح معاها البكايه الجده رجعت لمكانها ومسكت العنود تشوف شنو بخشمها ماعليتس مابتس شى بس حمرت
العنود:تحرق وربي
الجده :قومي جيبي ثلج حطيه
العنود:قامت جابت ثلج ورجعت جلست وتعاين عمها باسل واهو يطل براسه خليني اجي يمه اخر مره والله بجلس وسكت
العنود:خليه يجي يجده بوجهي هالمره
الجده:هين يالمجنون
باسل:اجي!
العنود:تعال تعال
باسل جاي واهو ينسدح اهخ هديتو حيلي وانا اضحك واجري منكم صدق يالحريم ان كيدكم عظيم ثنتين قامو علي
العنود: اسكت جدتي لاتكسر راسك ههههههههههههه
باسل:هههههههههههه اي والله صدقتي واهو يقرب منها ويحط راسه على ارجولها ويبوسها فديتس ياحلوة اللبن
الجده :وين عناد ؟
باسل:بيجي اهو في بقاله الحي مع عيال سلطان اخوي
الجده:والله بكلم سلطان يمسك عياله ويقفل عليهم اخر الليل ماغير بالشوارع مع عناد الله اعلم لايجيهم شى
باسل:ياييمهه مابه شر ان شاء الله مايبعودون ماعليتس
الجده:هين خله يجي
العنود:مابه نفس عمو الحلو مايطلع فديته
باسل:قرب خده بوسه لعمتس
العنود:تبوسه وتضحك يع يع
باسل:هههههههههههههههه من اتزوج حرمتي بتغار ان قربتي تبوسين عمتس تصفقتس
العنود :لااا انفال اصلا تحبني بالعكس تجيني وتخليك
باسل:انصدم يوم تقول انفال عطاها نظره اللي اسكتي امي ونظره المصدوم امي امي قدامنا
العنود:اححح نسييتتت والله ياعم يمه اسفه
الجده:انفال بنت مشعل انت تبيها !
باسل:هااااا
الجده:انفال بنت مشعل ودك فيها!
باسل :اي والله ابيها يمه
الجده:بكره اخطبها لك يزينها من بنت
باسل:توسعت عيونهااااا بذمتسسسسسسسسس وينط عند ارجولها بذذمتسسس تخطبينها لي
الجده :اي والله بس بكلم سلطان وخالد
باسل:يبوس راسها اي والله تكفين يمه اني ابيها
العنود:يلوووووشششششششش مبروك مبروك
باسل:هههههههه لاتعلمين احد ولا اختها تراني اعرفتس مافي علم يجلس بطنتس لازم تفجرينها ولا ماترتاحين
العنود:قلت مبروك 😒
باسل :ماصار شى للحين يالخبلا ولا تبين اقول عقبالتس مستعجله هااا ههههههه
العنود:والله لاقول لانفال لاتوافقين تراه خبل
الجده:لايالعنود عيب عمتس لاتقولين لها كذا
باسل:تمزحححح يمه تمزح هههههههه
العنود:وهي تبوس جدتها امزح يمه يعلي فدوتس طق الباب ودخل عليهم عناد وفي ايده اكياس مفرحات
العنود :سلام عليكمممممم ارحبي ياعنود الجوازييييي
العنود:هههههه يبقيك يعيون العنود
الجده:انت وينك انت ماتتتوب كل يوم وانت مسحب ورعان سلطان ماتخليكم بيت ابوهم وتجلس انت بيتك باخر الليل
عناد:ابشري اخر مره الحين شوفي شجبت لتس انتي والعنود ولا باسل ماجبت له شئ
باسل سحب الكيس منه هت هت كله بفلوسي اللي تسرقها من جيبي جلسو سوالف واكل وضحك العنود مالي البيت قامت الجده وقالت
الجده :انا بدخل انام وانتي يالعنود اكلي والحقيني نامي جنبي حطي فراشتس جنبي
العنود:ابشري
الجده :تصبحون على خير
العيال:وانتي من هله .
جلسو ياكلون ويضحكون وهواش باسل وعناد ماوقف العنود كل شوي تغص بالاكل من الضحك عليهم وترجع تاكل وتضحك
عناد:وش ذا اللي بخشمتس يالعنود
العنود:من اخوك الخبل
عناد:يويلك من خالد اخوي بيقول شوهت بنتي
باسل :علامت الجوده عادي هههههههه
العنود وعناد:😒
العنود يلا بنظف الصالة وقفلها والمطبخ وبروح انام لاحد يوصخ بعدي ترا جدتي راح تجيكم بعصاتها كيفكم
باسل:الله يعطيتس العافيه يعيون عمتس وانا بدخل انام من صباح ماذقت النوم
عناد:انا بنام بالصاله جنب المنقل اني بغيتي شى ولا صحيني طيب؟
العنود:تم تصبح على خير
خلصت العنود شغلهاوسكرت كل اللمبات ودخلت جنب جدتها تحط فراشها وعلى صوت الهواء البارد على الدريشه بدت تغفى شوي شوي لين غطت بنومه عميقه جنب جدتها وباسل بغرفته اللي ماقدر ينام يفكر باانفال هل راح توافق عليه وهل تبادله نفس الشعور وبدا يتضايق من التفكير تعوذ من الشيطان وقال يارب تيسيرها يارب.