في السياره على طريق الرجعه وتحديدا بسيارة مشعل
مشعل :مشكور ياصالح الله يوفقك وانا عمك
صالح:ياعم انت بحسبت عمي ابومحمد والله وتركي نفس خالد وان ماخدمتك الحين ووقفت معاكم متى اوقف
تركي:اصيل ياصالح
صالح: الا ياعم شالسالفه!؟مافهمت شئ شدخل بنتكم بالعنود؟
مشعل: اهخخخ اهخ
تركي:لايرتفع ضغطك ياجدك ماعليك انا بربيها لك
مشعل:المشكله هاذي امانة ابوها لنا واختي امانة ابوي لنا بفهم بس ليش سوت كذاا انا معاد بشوف وجهها عندنا تنقلع
تركي:بهمس والله لاذبحها والله
صالح: اهدا ياعم
..........••.........
بالصباح
في بيت ابو محمد
صحت العنود على وجهه جدتها اللي تحضنها وتبكي قومي يالعنود ثومي ياغناتي وش اللي صاير فيتس
العنود:ياجدتي لاتبكين تكفين شوفيني بخير
الجده:شفيها رقبتس؟؟؟يابنتي هاذا ماكان بيحرقت تكذبون علي الا حط السكين برقبتها وقطع وريدها صححح
ابو محمد:يمه الله يرضا لي عليتس لو قاطع وريدها ماتت يا يمه
الجده:انا باخذها لبيتي انتم ماتهتمون فيها والله لاخذها
العنود:ياجده اجلسي عندنا انتي تكفين انا ابيتس تجلسين عندنا
الجده:بجلس عشانتس ولا ماعرف اقعد الا بيتي
ام محمد:حياتس الله يخاله وجايبه معاها عشبه وعدلت العنود جلستها وقربت العنود وقامت تحط لها العشبه برقبتها عشان تخفف اثار الحرق واهي هاديه جداً وخايفه على العنود مو نفس عادتها قاسيه معاها.
.....••.....
عند عناد وصالح اللي صاحين من بدري وكل واحد واصله معاه لخشمه
وتعبانين ونعسانين
ابو خالد:روحو للسوق والله لو واحد طالع منه راح يكره وجهي
عناد:الناسسس نايمه ماحد بفاضي يتقضى الفجر ياخوي
ابو خالد:قم وخذ السبيكه معك ماوراكم الا النوم
صالح:يتلفت حوله تقصدني يبه !
ابو :ايه اقصدك ولا بتقول اني خرفت؟
صالح :محشوم يبه
عناد:امش ياصالح والله ابوك ناوي علينا
ابو خالد:اذلف عن وجهي لاادفنك اذلف
عناد خذا صالح وراحو متجهين للسوق وصلو السوق بدون اي كلمه ..
.....••....
في بيت مشعل بعد الظهر
مشعل جالس ويستغفر وهاذي كانت عاده عنده من يعصب وكان سبب العصبيه هاذي كله ريناد وفعايلها بنبره هاديه نطق مشعل
سعاد نادي لي وفاء وبنتها
سعاد:يله ابشر
البنات اللي كانو يراقبون الوضع من عند الباب فزو وهربو بالصاله
صالحه:شيبي فيها ياعمه؟!
سعاد:مدري خليني اروح لها الكلبه اهي وبنتها قولو يارب يطردها ونفتك منهم
ليالي:ان ماطردهم والله لاحرق بيتكمممم وطلعت للعيال برا
صالحه:هاذي بتفضحنىىى ولحقت ليالي
كم دقيقه ودخلت وفاء وسعاد عند مشعل
وفاء:على طول بدت تتمسكن وتطلب اخوها يسامحها
مشعل:بنتش ليه تسوي كذا في بنت الاودام وكيف تعرف تتواصل مع هالرجاجيل وتجيبه لديرتنا !!بنتش ذي كلبههه مصيبه مدري منو مريبها
وفاء:تكفى يخوي ماعندها ابو ماعندها احد تكفى يخوي مالنا غيرك لانخلينا
مشعل:متى بعمري خليتكم انا واخوي فيصل ماخليناكم دقيقه الصرفيه ومعطينكم البيوت حقتنا فاتحينا لكم والبيت جايبين لكم وحاطينكم بعيونا هاذي جازاتي ياوفاء!!!!
وفاء:ياخوي من قهرها ياخوي
مشعل:قهرها من وش!؟
وفاء:تحب تركي وهاذيك بنت ابو محمد تبي تركي وانقهرت
مشعل: تركي ولدنا؟
وفاء:ولد المها
مشعل:يالمهاااا يالمهاااا تعالي
المها:هلا يبه
مشعل:هو تركي يبي بنت ابو محمد
المها:انا ابيها ولا تركي مايعرفهم ولا يعرف احد
وفاء:شفت ياخوي يبون يقهرون بنتي يبونها للغريب
مشعل:انتي يالوفاء انتي وبنتش غلطتوو وغلطكم ماينغفر
المها:والله لو تنطبق السماء على القاع ماخليته ياخذ بنتج حسبي الله ونعم الوكيل فيكم
مشعل:انتهى الكلام يالمها والله يستر عليش
مشعل طلع وجلس يكلم اخوه فيصل وفهمه كل شى وفيصل عصب مره بس قال جبها عندي انا اعدلهم انتهى النقاش للموضوع هاذا بس مشعل للحين قلبها مارتاح ابد وحس ان العيال بيخربون علاقته مع خوي عمره ابو محمد
أنت تقرأ
ماندري وش ورا الغيم مقسوم
General Fictionعزت علي نفسي ولا ني بملزوم أقربك من بعد ماغبت عني.
