ماندري وش ورا الغيم مقسوم

Part25

رجع راكان البيت وكانت خديجه مجهزه السفره مع الجده وعبدالعزيز
خديجه:تأخرت وين كنت
راكان:فريت شوي بالديره وشفت ولد سلطان
الجده ام فهد:وشلونهم علمك شى عنهم
عبدالعزيز واهو يسحب الكيس من راكان تكفون ميت جوع خلو السوالف بعدين
راكان:وين ساره؟
خديجه:نامت اهي وفهود بالغرفه
راكان:لا مايصير بروح اصحيها ماكلت شى
خديجه:خل البنت تعبانه
راكان:يمه وكان ينادي جدته ام فهد بيمه > لازم تاكل والله
ام فهد:ماعليه اكلت بسكوت ونامت لاصحت تاكل بنخلي لها
راكان طيب
ام فهد بكره ان شاءالله بروح لأم سلطان عشيرتي والله ان قلبي متفطر عليها
عبدالعزيز:وانا بطلع مع راكان ونفتح ان شاءالله محلنا ونخلي الناس تعرف ان رجعنا للديره ان شاءالله
راكان:والبضاعه ياعم؟
عبدالعزيز:توصل الساعه٨بكره جهزت كل شى
خديجه:عسى الله يوفقكم
.........••..........
<<الكويت>>
عند ابو محمد ومشعل اللي وصلو واخذو لهم فندق وبدلو ملابسهم وعلى طول ابد مارتاحو راحو للمقبره يحضرون الدفن..
بعد الدفن تجمعو بيت ابو تركي كلهم وكان العزاء هناك كان الكل يعزي ابو تركي اللي كان منهار مره ويحاول يخفي ضعفه بس ابد ماقدر
مشعل وابو محمد راحو وعزو ابو تركي وعيال اخوانهم وجلسو
نايف:تركي ذاك ابو العنود؟
تركي:ايه اسكت
نايف:رجال جاي من اخر الدنيا عشان خاطر ابوك والله انه رجال
تركي:عسى الله يجزاه خير بروح لجدي اشوف ان يبي شى راح تركي لجده مشعل
مشعل:هلا بوليدي
تركي:هلا فيك ياجد تبي شى محتاج شى؟
مشعل:ودي اسلم على امك وبعدها بنمشي
تركي:لا والله ماترحون الا بعد العشاء عاذي صدقه لعمي
مشعل:ماعليه بنشوف
ابو محمد:نتعشاء ونمشي يامشعل
مشعل:او شاءالله
تركي يله اشوف امي ياجده وتعال معاي
مشعل:اسبقني وبلحقك
تركي :ابشر
طلع تركي وراح لامه اول مافتح الباب كانت الصاله بيتهم بوجه الباب وكان فيه بنت منسدحه بحضن امه وتبكي بشكل يقطع القلب تركي على طول عرف ان هاذي بنت عمه محسن ونزل راسه بحزن ودق الباب ورجع وراه يمههه يمهه!
المها:جايتك ياامي رح من ورا
تركي:رجع من باب الخلفي وجلس بالمطبخ واهو يفكر بنت عمه اللي مالها احد وتقطع قلبه عليها واهو باقي يسمع صياحها
المها:ليش ماجلست مع ابوك والعيال
تركي:جدي مشغل جاء ويبي يسلم عليج
المها:خله يجي الله يحيه
تركي:يمه هاذي اللي تبكي حور بنت عمي؟
المها:ايه مسكينه
تركي :غريبه جبتيها
المها:عمك وصى ابوك عليها بتجلس هنا معاي لين نشوف حل
تركي:الله يعينها ويصبر قلبها
المها:اطلع ناد جدك
تركي:ماشي
المها اللي اول ماطلع ولدها توترت اكثر ويعين قليبك ياوليدي اهخخ بس..

عند الرجاجيل
رجع تركي ونادى جده يسلم على امه ورجع يجلس عند الرجاجيل نايف اللي يصب قهوه رجع وجلس مع تركي
تركي:شفت بنت عمي محسن بيتنا
نايف :انا داري ان عمي موصي ابوك عليها؟
تركي :بنظره حاده اي!!!
نايف :شبلاك بس علمتك
تركي:لاتعلمني اسكت وبس
رجع مشعل بعد ماسلم على بنته وجلس اهو وابو محمد على العشاء وتعشو وجلسو شوي واستئذنو ومشو للمطار
مشعل:تركي وانا جدك انتبه على امك وابوك
تركي ابشر ماعليك
ابو محمد:فمان الله
تركي:الله يحفظكم
تركي كان حيل زعلان وضايق جهه عمه وجهه مافاتح ابوه بسالفه العنود وجهه الشكوك حول حور بنت عمه ضاق ضاق وطلع براا  يدخن