ماندري وش ورا الغيم مقسوم

Part 11

<<بيت الجده >>
ام فراج كانت تسوي الفطور للجده ولابو فراج واخوانه رتبت بيت الجده وحطت السفره بالصالة ونادت ابو فراج:
الجده : الله يعطيتس العافيه يبنتي ماقصرتي
ام فراج : بالعافية يخاله جلست تقطع للجده خبز ودخل ابو فراج ووجهه وايده مبلله اول ماشافته ام فراج فزت تجيب منشفه وابو فراج جلس جنب امه وسلم عليها رجعت ام فراج وبيدها المنشفه
ام فراج : سم
ابو فراج : يعطيس العافيه قرب من السفره وبدا يفطر مع امه قعدي شفت فراج برا فوق التل البعيد ايش يسوي الملقوف!
ام فراج : ولدي !
ابو فراج : اجل من غيره انا اسألتس
الجده : بيجي لاعاد تكلمه وتعصب عليه اضرببك بالفنجال بجبهتك والله لو تكلمه اهو ولا اخوه يكفي سلطان عقد عياله بالضرب
ام فراج : ماعليتس ياخاله لو يلمس ولدي وانا معلمته لاروح بيت اهلي
ابو فراج : روحي عاد تقطعتس عليتس
الجده : عصبت وهبدته بعصاتها انت يحمار عيب عليك هاذي ام عيالك لولا الله ثم اهي ماحد خذاك
ام فراج : الله يكتب اجري بس
ابو فراج : رجع واهو يسند ظهره على المركى ومد رجلينه صبي قهوه قامت ام فراج تعبي له فنجال ودخل عليهم فراج مسرعه
فراج : يصارخ من الفرحه البشاره يبه
ابو فراج : عدل جلسته قل وش !
فراج : قبلتني الوظيفه اللي قدمت عليها قبل شهرين الكل مبروووك ياولدي الله ييسر لك ابو فراج انبسط مره اجلس اجلس
جلس فراج وبدا ابو فراج يساله وين الموقع والمدينه الي يشتغل فيها وهل للشركه فرع قريب منهم فراج عشان يشبع فضول ابوه
فراج : يبه خذ شف الرساله كل شى مكتوب وبالخبر ماني برايح من عندك ابتسم ابو فراج ورجع برضاء وعطى فراج جواله فراج
قرب لجدته يبوس يدينها وام فراج الفرحه ماليه روحها وتحمد ربي كل ساعه قربت الاكل من فراج وصبت له شاهي افطر يروحي.

............^.........

بارت الحادي عشره ❤️

<<بيت ابو خالد>>
فاطمه جالسه عند امها وابوها يتغدون اللي كان معاقب خالد وصالح وخليهم ياكلون بالمطبخ وام خالد تاكل معاهم لانها ماترضى عليهم
ابو خالد : من الصاله يرفع صوته الله يزين هالغداء بدون مقابل الوجيه الخايسه
فاطمه : ههههههههه اي والله يبه بس ناقصنا امي الله يهاداها
ام خالد : ردت عليهم بنفس ارتفاع صوته اكل لحالك انت وبنتك والله يزين الغداء بدون مقابله وجهك انت تدور للعلوم والمصايب
ابو خالد : والله لرجعكم رجاجيل ياكلاب من متى وانتم تخالفون شوري وكلمتي عند الكبير والصغير مالها قيمه بس حسابكم عندي ماعليه ام خالد قامت وتركت الغداء انسدت نفسي الله ياخذ ابوكم خالد كان متضايق من الوضع وقام يبي يطلع بس صوت ابوه رده
ابو خالد : ارجع بكلمك
خالد : ان شاء الله  جلس مقابل ابوه بس صالح ماجاء جالس يكمل غداه واهو ماهمه متعود على ابوه عكس خالد صالح بالمطبخ
صالح : حطي ياروبى لي سلطه
روبى : خذ اكل محاربني على اكلي وع خذ واهي تعطيه الصحن
صالح : خطفها بايده عبالتس بقول ماراح اقبل بعدتس
روبى : عبي بطنك واطلع ابوي يبيك انت وخالد والله تستاهلون واهي ميته ضحك مسوين احنا شورنا من راسنا
صالح : قرب منها جلدتس يحكتس هاااا بس روبى بدت تصارخ وتجري لابوها يبه يبي يطقني
ابو خالد : اسمعني ياصالح علم يوصلك ويتعداك لو تلمس وحده من بناتي اني لافرك وجهك على هالسجاد الحين خذ اخوك وانقلعو للعزبه نظفوها ورتبوها والبل شوفوها واحلبوها وجيبو في ٣دبات حليب وعط وحده ابو عمار وحده بيت جدتك وحده مشعل سمعتوني
كلهم ايوه طلعو العيال متجهين للعزبه كانو معصبين مره من اسلوب ابوهم بس اول مابدت تمطر الارض بخفيف وبدا صوت الرعد يملا المكان هدو العيال ومرو البقاله خذو حمضيات وطلعت متجهين للبر ونفسياتهم صارت حلو ...