ماندري وش ورا الغيم مقسوم

Part 21

بارت 21 ❤️

بعد مرور ثلاث ايام

في الديره وتحديداً في بيت ابو خالد الكل يتجهز ويرتب لملكة فراج وفاطمه
كانت فاطمه بين مشاعر خوف وفرح وكانت كل شوي تبكي كل ماتتذكر سالفه ان بتروح عن اهلها بس بنات عمها كلهم حولها ويواسونها ويعقلونها
كانت العنود وروبى اكثر ثنتين مكروفات يرتبون الاغراض ويرتبون التوزيعات ويرجعون يخلصون بالمطبخ والهنوف كانت مع فاطمه يسون مكياج خفيف لها ويجهزون ملابسه وعند ام خالد واختها ام محمد اللي جالسه تضيق بثوبها
ام خالد:بس ياام محمد بيجي الثوب مخصر
ام محمد :والله ابي اقهر هالملسونه ام فراج وبلبسه يبين جسمي واكشخ فيه
ام خالد:اجل ضيقي ضيقي الله يزيد بعناتس
ام محمد:وين رجلتس؟
ام خالد:برا يجهزون الفراش للضيوف
ام محمد:اطلعي اطلعي ووقفي قدامه ورتبي لايقول انتس بس جالسه وعلمي العيال شلون ينظفون
ام خالد:عاد والله اخر همي هو
ام محمد:روحي يالمهبوله لايعرتس عليتس يقول هاذي ماتسوي شى بس جالسه
ام خالد:خليه يعرس ارتاح منه متحد بمتحمله
ام محمد:اجل خلتس بين عفنتس يالمهبوله
ام خالد:صدت بضيق وترتكتها واهي متعوده على ام محمد اللي ترمي كلام وماتحسب له حساب
العنود:يخاله شفيه وجعتس؟
ام خالد :ولا شى يبنتي
العنود:تكفين يخاله صح امي قالت لتس كم كلمه !
ام خالد:تعودت عليها ماعليه
العنود:ماعليتس يخاله هاذي هي من خلقت ماتغيرت بس ترا والله يخاله ماتدري شتقول
ام خالد:لا يروحي عادي شرايتس تروحين بيت جدتس تجهزينها وتجيبينها
العنود:حست ان خالتها تبيها تطلع عشان خالد وعمها وهزت راسها واهي توافق،،
طلعت العنود واتجهت لبيت جدتها بس صادفت خالد بطريقها اللي اول ماشافها عطاها نظره بقصد شتبين جايه والنظره جدا هزت العنود من الخوف وبعدت عنه وطلعت بس بس خالد دخل لاخته بالمطبخ وقال
خالد بن سلطان:شتبي هاذي!
روبى:من؟؟؟
خالد بن سلطان:العنود شجايبها مو ابوي متبري منها
روبى:تعقب وتخسى ولايطلع هالكلام انت منت رجال ولا هاذا مو كلام رجال
خالد بن سلطان:انا اقول شتبي ماقلت ابي احد يدري واصلاً ان طلعت السالفه ذبحتس وبيني وبينتس ماصرت ابي اشوفها تجيني ضيقه من وجهها
روبى:حتى اهي من تشوفك تنقلب تسبدها
خالد بن سلطان:مسك ووبى بقوه وضربه على ايدها وحلف لو ترجع مرا ثانيه ترفع صوتها عليه ان يذبحها وطلع ...

.......••.......
الوضع كان فالديره استعداد كامللللل والكل متحمسسس وويتساعدون بالتجهيزات رجعت العنود بعد فتره وفتحت شباكها اللي طولت مافتحتها
كان تدور بعيونها لتركي بين الشباب بس ماحصلت ورجعت زفرت بضيق
بس رجعت اول مانزل محمد ولدده وعمته وفاء وريناد وشريفه وعمور
العنود:تذكرت كلام الهنوف وصدت بضيق وينك ياتركي ..
..........••.........
في بيت ابو خالد
كان الكل مستانس وفرحان لفراج وفاطمه وكان ابو خالد واخوانه جالسين على زوليه ويتقهون شاهي والعيال كلهم يجهزون علقو العقود ويرتبون المكان وكان ابو خالد يشرف عليهم كل شوي