_تعاليلي تعاليلي الشمس غيرت تفاصيلي..
_ياسمين بنت من سكنه بغداد عمري 25سنه تزوجت بعمر 19سنه وطلقت لان عانيت هواي بزواجي يتيمه الاب امي تاركتني ويه اخوي الاصغر مني ساكنين بشقه اعتمدت ع نفسي واشتغلت بمحل عطور بالمنصور بعدها شفت شاب كولش حلوو وجذبني طوله وسماره وسحبت عيونه ردت احاجي باي طريقة ف سويتله تيست انطي عطر بس رفض ومقبل رشيتله باايده غصب وراح وره شوي رجع هوه وصديقه صديقه اجه يشتري مني وهوه واكف مسافه عنه صديقه طلب نفس العطر ل رشيته للولد انطيتهياه ومن ضمن الفلوس مكتوب رقم اخذتهن وبعدين راح وضل بالي افكر بي بعدها رجعت للبيت دخلت رقمه وحاجيته ع واتساب كتبتله هلوو وره ساعه رد عليه.
_هلو منو؟
ياسمين: اني ل شفتك بالمنصور شلونه العطر طيب؟
_ههههه اي كولش طيب
ياسمين: بقيت احجي وياه رسائل بعدين صعدنه اتصال لـ 8الصبح كولش حبيت الحديث وياه وعجبني❤
اجمل وجهات النظر هي النظر الى وجهك❤️
السلام عليكم اني غيث عمري 27سنه من سكنه بغداد موظف بااحد اجهزه دوله الامنية خريج كليه عسكرية ساكن ويه اهلي
ابوي.. امي.. اخوي
فد يوم نزلت من دوام اصدقائي عزموني ع عشه رحت بدلت وطلعت وياهم تعشينه وفترينه ورحنه لمول المنصور دنمشي مريت من يم محل عطور داحجي ويه صديقي اجت بنيه كدامي
ياسمين_تيست
غيث_لا شكرا مااحس لن العطر نبخ ع ايدي سحبت ايدي رائستا ولتفتت عليها خزرتها وكوتلها هاي ليش؟؟
ياسمين _هيج وضحكت
غيث _استغربت ل شي سوته البنيه
ف واني دامشي شتميت العطر عجبني كولش كولت ل صديقي خ نرجع نشتري وكوتله استحي اشتري من البنيه دبرها انت من يمك صديقي كال اوك وراح بره المول شوي ورجع للبنيه اشتره العطر واجه سالته شسويت
محمد_هههههه معليك انطيتها رقمك
غيث_شلون
محمد_مالكيت ورقه كتبت ع فلوس
غيث_هههه اوك
بعدها رجعت للبيت صعدت لغرفتي تركت جهازي ع شحن وسبحت وبدلت وبالي يم تلفون وافكر بالبنيه وتصرفها اخذت عقلي بجمالها وضحكتها كولش حلوه سحرني لون عيونها وشعرها الطويل الاصفر واني دافكر بيها فتحت تلفوني شفت مسج من رقم
ياسمين _هلو
غيث_هلو منو
ياسمين _اني ل شفتك بالمنصور عجبك العطر؟
غيث_ههههه كولش طيب
ياسمين _ ههههه بالعافية
غيث_ليش سويتي هيج مو كوتلج لاا شكرا
ياسمين _هههه بكيفي عندك اعتراض
غيث_لا يابه ماعندي اعتراض
عاادي نصعد اتصال؟
ياسمين _اوك اجيب سماعاتي واجي
غيث _اوك راحت شوي ورجعت
ياسمين _موجود؟
غيث _اي موجود منتظرج
ياسمين _اتصلت عليه
غيث _تعرفنه ع بعض وبقينه لـ 8الصبح بعدها نمت كعدت العصر اول مفتحت عيوني فتحت تلفوني شفت مسج منها
ياسمين _صباح الخير صح النوم
غيث_صباح النور شلونج
ياسمين _شلونك اخبارك شنو هسه كعدت
غيث_ايي والله هسه كعدت انتي شعندج كاعده من وكت
ياسمين _نضفت الشقه وسويت غده
غيث_حلووو معدله
ياسمين _اي شعبالك
غيث _ والله كفو
ياسمين _يلا اني راح ابدل واطلع لشغل تجي اليوم اشوفك
غيث_ماادري
ياسمين _اوك براحتك
غيث_اوك باي
ياسمين _باي
غيث_كمت سبحت وبدلت وخابرت محمد كوتله تروح للمول
محمد _ها لازم الامور طيبه
غيث_اي حجي كولش طيبه
محمد_اوك ابدل واجيك
غيث_اوك
اجه محمد وبطريق حجيتله ع ياسمين وصلنه للمول وخابرتها
غيث_ها وصلتي
ياسمين _اي حبيبي وصلت اني بالشغل انت وين
غيث_موجود
ياسمين _اذا صار عندك مجال تكدر تجي
غيث_اان شاءلله
سديته وكفت مكان بعيد عنها اباوعلها شفت ولد اجه يشتري شفتهم ضحكوو حسيت بداخلي شعور غريب ضجت ماتحملت اشوفها تضحك ل غيري خابرتها
غيث_ لازم عجبج
ياسمين _منو
غيث_ابو القميص ل ضحكتيله
ياسمين _غيث انت وين
غيث_عوفي ل وين يلا روحي رشيله عطر
ياسمين _غيث داحجي وياك انت وين
غيث_يلا اوك مصار شي باي
ياسمين _اانتظر داحجي وياك تره شغلي يطلب هيج معندي شي ويه احد والله
غيث_اوك يلا روحي ل شغلج باي
ياسمين _اوك باي
غيث_صعدت للكوفي دخنت اركيله بعدها كملت ونزلت رحتلها حتى اشوفها تمشيتلها وشافتني من بعيد فرحت وضحكتلي تقربت عليها وسويت نفسي داشتري عطر
ياسمين _شنو هاي المفاجأة الحلوه
غيث_شتاقيتلج واجيت اشوفج
ياسمين _هههه حبيت المفاجأة
غيث _اي كملي شغلج شويه واجيج اني كاعد فوك بالكوفي
ياسمين _اوك
غيث_ صعدت كعدت اني ومحمد وشويه وقررنه نرجع للبيت من نزلت مريت عليها كوتلها
غيث_ااني رايح للبيت محتاجه شي تردين اوصلج
ياسمين _لا حبيبي شكرا ابو الخط ياخذني
غيث_اوك انتبهي ع نفسج ومن ترجعين نحجي
ياسمين _اوك
رجعت للبيت وحجينه وبقينه فتره نحجي قوه علاقتنه و طلب مني نلتقي وحدنه بحسب شغلي مااكدر اطلع وياه بس جنت كولش حابه الفكره ضلل يتررد للمول بشكل يومي حتى يشوفني وبقينه هيج لمده 3اشهر ملينه من وضعنه هيج نريد نطلع سوه ف اخذت اجازه من شغلي وتفقنه نطلع بليل عزمني ع عشه رحنه ل مطعم....
وأنتي الشاف وجهِچ يحِس بقيمة عِيونة.
يتبع.........
96_m__
