#لعنه_ياسمين
تصويتاتكم +تعليقاتكم♥♥
-ورآح آسـولفلـگ عليـهہ وآنـت قـيـــس-
-ويـن وآصـل بآلـعـشـگ يـآ مـســتوى-
-مــرهہ جـآبـو صــورتـگ وآنـهہ مــريـــض-
-هہـيـج گـتـرت آلـدوهہ وشــمــيـت آديــگ-
-ثـآري بيـگ آلــعآفـيـهہ مــو بـآلــدوهہ♥
غيث: حجيي تره اني جبير واعرف شدااسوي وبقه يصيح عليه واني ارد عليه وعفته وطلعت بره وكعدت ع شارع وبقيت بس ادخن جكاره وره جكاره وسارح بفكاري وتعبت حيل من التفكير بموضوع البيت والي صار وياي رجعت ع بيت ساعه ب 4 الفجر اخذني الوقت وماعرف النتيجه من تفكيري انو لازم اروح وهاي هيه متخرب سفرتي .
صعدت لغرفتي ومن كثر صداع راسي نمت بدون ما الحك افكر بشي بعد كعدت ب 9 الصبح بقيت بغرفتي ماطلعت منها ونفس الخنگه البصدري والصداع الموتني
وجسمي نحلان فتحت الفون لكيت رسائل ومكالمات هواي
ياسمين ومحمد واصدقائي
عفت كلشي ومرديت بس ع ياسمين
حجيت وياها وجان بالها يمي وفهمتها انو ماكو شي وجان عندي شغل وهاي هيه .
واتفقنه نروح اني وياها نشتري جم شغله للسفر من ملابس وهيج امور.
سبحت وبدلت ونزلت لكيت بس امي موجوده
سلمت عليها وكعدت يمها سولفنه بنفس الموضوع وحاولت اوصل وياها النتيجه جانت حيل معارضه .
وكالت روح هسه ومن تجي الله كريم
طلعت بره خابرت ع محمد ورحنه تغدينه سوه ورجعنه للكوفي .
وسولفتله بالي صار وياي
وجان رده الي ايجابي ميحب يشوفني ضايج ودائما واكف وياي حتلو ع غلط .
كملنه وتخابرنه اني وياسمين حته تجهز واجي اخذها نروح نتسووك .
رحت عليها وصعدت الها فوك
ودخلت جوه شفتها واني احس رجعتلي عافيتي بس ضحكت بوجهي وتلكتني
حضنتها حيل وبستها 👄🔥
.
كعدت جابتلي مي وكتلها يلا امشي نروح حته نلحك الوقت لياخذنه
طلعنه وفترينه وشترينه النواقص العدنه ورحنه تعشينه ورجعنه وصلتها للبيت
.
وسويت وياها الجنطه وبقيت يمها ل 12 بليل ودعتها وطلعت رجعت بطريق خابرت محمد عبالي اشوفه كال طالع مو هنا كتله يلا باجر تاخذني للمطار انت ب 4 العصر طيارتنه ب 7 كال هاي هيه تمام .
رجعت للبيت طبكت السياره ونزلت دخلت
لكيت امي وابوي واخوي الاصغر مني كاعدين بالاستقبال سلمت وردت اصعد لغرفتي
صاحني ابوي تعال اكعد خلي نشوفك
من صاحني گلبي وجعني كعدت مقابيله
بقيت ساكت وباوع بوجوهم يباوعولي وميحجون .
ابوي : ها بابا ماغيرت رئيك ؟
غيث: بخصوص شنو حجي
ابوي : سفرتك والبنيه وكل ذني
غيث: لا حجي ماغيرت شي وباجر رايح ان شاء الله
ابوي: تمام خير ان شاء الله تجي ويصير خير بعد انت جبير وفاهم وتعرف شجاي تسوي
غيث: اي اكيد حجي اعرف
.
كمل الكلام بس نيتهم ابد مو صافيه اتجاه الموضوع كله ومراضين ابد بس اني ماحس بهالشي واريد يجي باجر بأسرع وقت .
صعدت لغرفتي وبلشت احضر بالجنطه
خابرت ع ياسمين.
وبقينه نحجي واني ارتب بالجنطه واتفقنه نلبس ابيض التيشيرت والبنطرون لون اسود وبقيت لحد ما كملت الجنطه وما ناقصني شي
كالعاده نمنه واحنه ع خط .
كعدت الساعه 11 خابرت ياسمين
حته تكعد تحضر امورها ومنتأخر
.
نزلت غسلت ورحت لمحل اخوي مال حلاقه زينت ورتبت وضعي فول
رجعت سبحت وتغديت صارت ب 2 ونص
خابرت ع صديق يداوم بالمطار بمكتب المدير
غيث: سلام عليكم اخي شلونك
- عليكم السلام حبيبي الحمدلله وانت شلونك
غيث: والله ماشيه الحمدلله
-يابه وينك ماكو متبين
غيث: والله موجود دوام بيت
- اها الله يساعدك . كول غيوثي اأمرني
غيث: فدوه لقلبك ميأمر عليك ضالم اخي محتاج نداء لسيارتي
- اي مو تدلل دزلي معلومات السياره واسم السائق .
.
اتشكرت منه ودزيتله المعلومات برساله
وخابرت ع محمد حته اذكره خاف ناسي
غيث: الو محمدنه شلون صحتك
محمد: اهلا خيي انت شلونك
غيث: اني كلش بخير هههه
محمد: عسى دوم حبيبي
غيث: ها خوما ناسي الموعد ماال يوم تره كملت حته النداء
محمد: لا شلون انسه جاهز ماعندي شي بس خابرني يمك اني .
غيث: تمام اني راح ابدل واجيك اخذك حته بين منروح الياسمين ونتوكل للمطار
محمد: اوك اني هم راح ابدل وانتظرك.
غيث: بدلت وشسورت شعري وكملت كل اموري ونزلت الجنطه واخذت الجواز والتذاكر وصعدتهن بالسياره ودعت امي
والولد اخواني ورحت ع بيت محمد خابرته كتله يلا اني بالركن واكفلك
اجه صعد كتله تعال سوق ابدالي النداء بسمك سويته وشنو اسووق اتعب وراي سفر
محمد: اي حقك وراك شهر العسل هههه
غيث: يلا يلا لا نتأخر هههه
طلعنه خابرت ع ياسمين وبلغتها
