#لعنه_ياسمين
تصويتاتكم +تعليقاتكم♥♥
لنؤجل الأحاديث إلى يومٍ آخر ، احضني♥️
ياسمين : اني ضامه عليك شي وماعرف شلون اكولك بي وكل ما اريد افتح الموضوع اتراجع
غيث: احجي يمعوده قلقتيني شكو شنو هو الموضوع؟؟
ياسمين: غيث اني ابويه جان يشرب (خمر) واني جنت احضرله هالشي
غيث: الله يرحمه اي وشنو يعني
ياسمين: واني بعد وفات ابويه بديت اشرب
غيث: يعني هسه انتي تشربين ؟؟؟
ياسمين: اي اشرب غيث.
غيث: زين انتي ليش مگلتيلي من زمان ليش الا هسه
ياسمين: شبيك قلبي نصي صوتك گتلك جنت خايفه وهسه گلت لازم احجي
غيث: اووك تمام سدي الموضوع نوصل ونحجي بي
ياسمين: لا حباب هسه نتفاهم بي ونسده وبعد منفتحه وگلي لو هيج لو هيج
غيث: هوه شنو لو هيج لو هيج يعني صارلج سنين اتشربين ف من سابع المستحيلات اذا كتلج بطلي تبطلين راح تجامليني ووراي تبقين تشربين
ياسمين: والله الصراحه ماكدر اعوفه حته ماجذب عليك هسه انت ابد مشارب؟
غيث: اي اعررف متكدرين
لا شارب بس بحياتي كلها مره او مرتين وجنت اريد اجرب هالشي وماحب اخلي شي بنفسي وجربته وعفته
ياسمين: اي اني صرت مدمنه عليه وماكدر غيث
غيث: تمام هاي هيه خلي نوصل والله كريم
استمرت الرحله وبقينه ساكتين واني بقيت افكر بالموضوع شلون وليش اذا حجيت اكيد مراح تبطل منه ف كلت احاول شوي شوي امنعها مو بسرعه
واني ماريد اضوجها مني ابد وكلشي ولا زعلها مني احب اشوفها وياي دائما تضحك وتقبلت الموضوع عادي.
نزلت الطياره بمطار طهران الدولي الساعه 4 الفجر
بدت العالم تنزل نزلنه اخر شي من طياره وصعدنه السياره تاخذنه للصاله بده التعب يبين علينه من سهر والانتظار الصار ويانه
دخلنه ع صاله وكفنه بالسره وهيه كدامي وكفتها حته نختم الجوازات وندخل.
اتأخرنه ناس هواي والسره طويل
وصل النه السره هيه قبلي ف العسكري رفض جواز ياسمين وكام يأشر ع شعرها انو تلبس شي يلا يسمحون الها بدخول
سحبتها وحاولت احجي وياه ماكو فايده قافل الا تخلي شي ع راسها
بهاي الحاله شلوون بقينه واكفين ع صفحه وحاير جنطنه جوه وهيه ولا شال عدها اصلا متعرف شلون ينلبس وبقيت حاير بزماني
واحنه واكفين ومنعرف شنو نسوي اجتي علينه بنيه عراقيه بيدها جنطه
-سلام عليكم
غيث: عليكم السلام ؟
- اني جنت ملاحضتكم من مطار بغداد وشفت رحلتكم ويانه وشفت المعاناه كلها الي صارت وياكم
غيث: اهلا وسهلا بيج ؟
