بـعيونه لمن باوعت حتى السلآم نسيته .❤🫂
غيث: تواعدنه بالمطعم ورحت سبحت وبدلت وشغلت السياره ورحتلها وصلت ب6:40 باب العماره وتصلت عليها
📞الوو حبيبي اني بالباب وصلت انزلي
📞اوك حبيبي اجيت
غيث: نزلت لابسه عبايه وصعدت بسياره
ياسمين: هلو شلونك خو ماتاخرت عليك
غيث: هههه لا ماتاخرتي
ياسمين : شو ضحكت
غيث: مامصدك
ياسمين: ليش مامصدك عبالك اضربك بوري
غيث: لا شحدج
ياسمين: لا حبيبي اني كد كلمتي
غيث:عفيه عليج
بقينه نفتر بشوارع بغداد وكفت بشارع الزيتون حتى اكدر اسولف وياها وماابقى مركز بسياقه
لتفتت عليها احاجيها اشو نزعت عبايتها ولابسه بنطلون وتشيرت ضيك كوتلها ها سلامات
ياسمين:هههه ها شكو شبيك
غيث:شو نزلتي لابسه العبايه وهسه نزعتيها
ياسمين:ايي البسها بسبب حجي الناس لان سكني ب منطقة شعبيه ومحد يعرف اشتغل
غيث:زين ماكو اصغر من هل بدي بعد
ياسمين:هاي شبيك يمعود عادي لاسويها كلش وانت شفت لبسي بالشغل سافره
غيث: يلا اوك تمام يصير خير
وبقينه نحجي ب موضوع شغلها لان معاجبني كوتلها اتركي شغلج
ياسمين:غيث ماكدر لان وراي ايجار ومصاريف هواي مااكدر ادبرهن اذا تركت الشغل اني المسؤله عن اخوي والبيت
غيث: معليج اني اتكفل بيهن
ياسمين: لا حبيبي ماريد اكلفك انت هم عندك اهل ومصرف
غيث: لعد اذا نبقى هيج اني وياج نخلصها مشاكل
ياسمين: ليش
غيث: شغلج معاجبني وخلص
ياسمين: اوك بعدين نحجي بالموضوع
غيث:اوك وين حابه نتعشى
ياسمين: انت بكيفك اي مكان يعجبك
غيث: اوك نروح لـ مطعم مانويلا
ياسمين: اوك
غيث:شغلت السياره ومتجهين للمطعم واني داسوق لزمت ايدها
ابتسمتلي وصلنه للمطعم ساعه9:45 ونزلنه طبكت السياره بالكراج و تمشينه للمطعم واستقبلنه الكابتن وسالني
الكابتن: وين حابين تكعدون بالقاعه لو بره ع بحيره
غيث: باوعت عليها كوتلها وين حابه تكعدين
ياسمين: بره ع بحيره
الكابتن: اوك تفضلو
غيث: كعدنه كوتلها شنو حابه طلبين
ياسمين: صاج ايطالي وعصير برتقال
غيث: واني طلبت مشويات وعصير كوكتيل برتقال وليمون
وبقينه ندردش ونضحك الى ان اجه الاكل واثناء الاكل كالتلي
ياسمين: غيث تره اني بعد الاكل دخن اركيله
غيث: لابربج
ياسمين: اي والله شبيك اني صار سنين ادخن اركيله
غيث: هههه ها حلوو شنو دخنين
ياسمين: ليمون ونعناع
غيث: حلوو اني هم احب هل نوع
ياسمين: خلصت اكل قبله وكوتله يلا نوصي ع اركيله علما تكمل اكلك
غيث: تدللين صحت ع كابتن كوتله 2اركيله ليمون ونعناع
الكابتن: تمام تحبون طلبون شي ثاني
غيث: لا مشكور
بعدها خلصت اكل وكمنه غلسنه ورجعنه
نزلو الاراكيل وبقينه ندخن وساكتين نباوع ع بحيره والجو جان كولش حلو وبي نسمه هوى
اني التفتت عليها وضليت اباوعلها وصفنت بوجهه وكوتلها
(مًنِ أّجّـيِّبًکْ عٌ سِـلَفُ تٌـسِـوٌهّ أّلَسِـلَفُ کْلَهّـ وٌأّلَيِّفُـأّرکْ عٌيِّوٌنِکْ بًأّلَسِـلَفُ شُـلَهّـ أّريِّدٍ أّصّـفُـنِ بًوٌجّـهّـکْ صّـفُـنِتٌ أّلَمًيِّتٌـيِّنِ مًأّأّرمًشُ لَوٌنِ شُـجّـيِّتٌـنِيِّ بًسِـلَهّـ)
ياسمين: الله
غيث: ابتسمتلها وبقيت اباوع ع شعرها يطاير ويه الهوه
ياسمين: ها غيث نروح
غيث: ليش الكعده حلوه
ياسمين: اي بس نروح لسياره افضل وصارت 12بعد
غيث: اوك حبيبي صحت للكابتن ع حساب وحاسبته وطلعنه للسياره وبقينه نفتر بااتجاهه ساحه التحرير مااحس لان لفت ايدها ع ايدي ونامت ع جتفي حسيت بحساس كولش وعجبني الجو حلو ومشغلين اغنيه بعدها شالت راسها عن جتفي وكعدت تباوعلي وكالت
ياسمين: غيث اني احبك
غيث: ابتسمت وفرحت بداخلي وكوتلها اني هواي احبج
ياسمين: تقربت عليه وردت ابوسه قربلي خده وبسته ورجعت نمت ع جتفه
غيث: حبيت حركتها الـ سوتها وحسيت صدوك احبها فـ بستها من راسها
واني اسوق اخفف السرعه دخلت نفق وصارت كولش ضلمه تقربنه البعض وبستها💋
وماحسيت لان السياره صاعده ع رصيف فـ ابتعدت عنها وضحكتلها كوتله ح نسوي حادث
ياسمين: هههه اي حتى بعد متعيدها
غيث: ضحكتلها وكوتلها
(لَذهّـهّ أّلَبًوٌسِـهّ يِّخِـأّيِّبً مًنِ تٌـکْلَکْ عٌفُـيِّهّ لَأّ)
ياسمين: هههه قويه.. غيث
غيث: ها حبي
ياسمين: شوف غيث اني ماسوي شي حرام لو مهما كان فاذا مفكر انت بهذا الشي كولي من هسه
غيث: ولا اني مفكر بهل شي بس صارت بعد بلا قصد واني بالي شغله توافقين بيها
ياسمين: شنو هيه؟
غيث: نعقد سيد
ياسمين: غيث ماادري افكر بالموضوع
غيث: تمام هسه نرجع للبيت صارت ساعه1:30
ياسمين: اي نرجع اتاخر الوقت ومحسيت بي
بعدها وصلنه مسافه عن العماره لبست عباتي وسلمت عليه وردت انزل ماحسيت لن لزمني من ايدي وكال
غيث: انتظري
ياسمين: ها حبيبي
غيث: طلعت فلوس وخليتهن بيدها وكوتلها هذا مصرف
ياسمين: لا غيث والله مااخذهن
غيث: انجبي اخذيهن واسكتيي غير اليوم كاعده من الشغل علمودي
ياسمين: شكراحبيبي
ونزلت صاح وراي ياسمين لتفتت عليه وصدمني ب جمله ماعرفت تفسيرها .!!
غيث: وعسـى آن آگـون ذآگـرهہ جمـيـلهہ فـي حيـآتگ❤️
يتبع.......
96_m__
