#لعنه_ياسمين
تصويتاتكم+تعليقاتكم❤️❤️
أبتسمي وكأن
الارض مسرحكِ ،
وانا جمهوركِ .
نزلت ياسمين واني رجعت للبيت مريت ع محمد سلمت عليه لان مشايفه وكعدنه نسولف والحديث عباره عن ياسمين وشلون علاقتي بيها لان محمد مستحيل اضم عليه شي صندوق اسراري وبقينه كاعدين لوقت طويل نسيت روحي بسوالف مدام الحديث عن ياسمين ف ماكو توقف رجعت ب 4 للبيت دزيت رساله لياسمين
-هلوو حبيبتي نايمه ؟؟
.
ماكو بقيت اتكلب بفراشي والتفكير ماخذني الى ان نمت كعدت ثاني يوم
سبحت وكعدت ويه اهلي بس جانت امي تبسمر بيه بالحجي ونضراتها اليه مو مثل كل مره .
خليت ابوي يروح رحت لامي
_حجيه شنو الموضوع شبيج اليوم تقصفين وتحجين عليه صاير شي
امي : لا يمه قابل شصاير بس اني اعرفك من تضم عليه شي عيونك فاضحتك
غيث: يمه يعني شضام عليج حبيبتي انتي
امي : يمه كلب والده واحس اكو شي
غيث: اي يمه اكو شي بس مو هسه اكلج بيه
امي : اي شوف مو كتلك تعال تعال واحجي شصاير وياك
غيث: يمه اني احب بنيه
امي : اي يالله منين هاي
غيث: يمه حبيبتي حبيتها وتزوجتها بالسر
امي: يااااااا يمه تحجي صدك شلووون ولك هيج اهلها وين.
طبعا امي سوتها هوسه عليه وفهمتها كوووه شلون صارت .
اقتنعت امي بعد معاناه وياها
كالتلي خاف ابوك يعرف وتصير مشكله شلون
كتلها انتي تعرفين وهاي هيه ابوي يمي اني افهمه ع كلشي
- ابوي اهون من امي اني وياه اصدقاء ف ضامن الاجابه منه
صعدت لغرفتي لكيت دازتلي رساله ياسمين وداكه عليه خابرتها
غيث: هلا حبيبي
ياسمن: هلا بروحي
غيث: شلونج يبعد قلبي
ياسمين: بخير اذا انت بخير يعمري
غيث : شوكت كعدتي
ياسمين: قبل شويه وبعدني بفراشي تعبانه كلش وجسمي كوله يأذيني
غيث: سلامتج حياتي اي مو كتلج بطلي من الشغل وبقي كاعده بالبيت
ياسمين: حبيبي اني اليوم ماروح والله مابيه حيل
غيث: هذا اخر اسبوع الج استلمي اسبوعيتج وبطلي
ياسمين: ان شاء الله عمري
غيث: يويو حبيبي شوكت تحجين ويه اخوج تره اني حاجيت امي وكتلها وتقبلت الموضوع
ياسمين: ههههه تحجي صدك وشكالت امك
غيث: تريد تشوفج حياتي
ياسمين: لا صدوك شلوون غيث استحي والله
غيث: معليج انتي اليوم اجي عليج اخذج بليل بس فضيها ويه اخوج
ياسمين : تمام كلبي هسه راح اكوم وشوف شلون تصفه
غيث: تمام حياتي انتظرج
ياسمين: وين حتروح انت
غيث: موجود ماروح ماعندي شي
ياسمين: تمام حبيبي اخذ راحتك
.
رجعت نزلت جوه شفت امي كاعده كعدت يمها .
_يمه اليوم اجيب ياسمين وجي
امي: يمه شلووون تجيبها
غيث : يمه بليل اجيبها وصعد كبل خلي اخواني بالغرفه جوه محد يدري
امي: يمه لا مو اليوم غير مره
غيث: يمه شنو سالفه اليوم وخلص معليج من اخابرج افهمج
رحت طلعت ع شارع يم محل ابوي واخوي هم يمه بقيت يمهم بس بالي يم ياسمين خاف اخوها ميقبل حاولت اخلص وقت اكثر ماريد افتح الفون ونصدم بشي يضوجني بقيت للمغرب .
رجعت للبيت فتحت الفون ماكو لا رساله ولا اي شي
قلقت حيل دزيت رساله الها
- هلو حبيبي شو ماكو مختفيه صاير شي وياج
ماكو جواب واخر ضهور جان من تراسلنه الضهر بقيت قلق افتر ماعرف اكعد وجيبها منا وخليها منا
الى ان صارت ب 9 بليل راسلتني وكالت .
ياسمين: هلو حبيبي لا مصاير شي كملت تنضيف وسويت غده والتهيت بالبيت
غيث: تحجين صدوك والله انشغل بالي عليج تأخرتي هواي مو كتلج منتظرج
ياسمن: اسفه حبيبي والله التهيت وحجيت ويه اخوي
غيث: اي بشرري
ياسمين: فهمته وقتنع
.
طبعا هنا حته ماسألتها شلون وليش وشنو
من الفرحه كتلها الله يبشرج بالخير
بالمناسبه هوه اخوها مو جبير بس جنت شايله هم .
