اليـدري شگـد أحبك لو طٌلب أي شي
مـيحلفني غير بـداعة عـيونك ...
-
طلعت مني هالجمله بدوون تفكير ولا محسب الها شلون اجت ابالي اصلا وحجيتها واني ما سامعها ولامفكر بيها وسبب هل الجمله جان .
ثاني يوم من الموعد لازم التحق لدوامي
وجان واجبي بيومها نروح للحدود بمنطقه البعاج اخر قريه تقريبا تفصلنه بينه وبين الدوله المجاوره .وما اعرف شكد ابقى هناك 10 ايام او اكثر ولا راح اكدر اتواصل وياها بسبب شبكات الاتصال وجنت كلش خايف اروح وماارجع واول مره يراودني هيج احساس لان مو اول مره التحق ومشارك بكل العمليات الي دارت من 2014 ولحد اليوم العرفتها خفت يصير عليه شي وينتهي الشي الحلوو الي هسه بده
وكالتلي بوقتها
ياسمين: شنو غيث ؟
غيث: امشي صعدي ومن اوصل اخابرج تمام.
ياسمين:تمام .
وطلعت بطريقي راجع للبيت فرحاااان والكاع مشايلتني من الفرحه اول مره بحياتي يصير وياي هيج صح اعرف هواي بنات بحياتي بس مطالع موعد ابد
وجنت كولش سعيد والابتسامه ماليه وجهي بوقتها جنت اسعد انسان ع وجهه الكره الارضيه .
وصلت للبيت سلمت ع امي كاعده منتظرتني سلمت عليها وكعدت يمها وسألتني
امي: باجر تروح
غيث: اي يمه من صبح نفس كل مره
امي: يلا لعد يمه كوم نام ارتاح وراك كعده
غيث: ان شاء الله يمه تصبحين ع خير
امي: اجمعين .
غيث: صعدت لغرفتي حطيت جهازي ع شحن وحضرت غراضي وطبيت سبحت وبدلت ورجعت للفون خابرت ياسمين
مفتحت خط دزيت رساله
- وينج ليش متفتحين خط!؟
وهم ماردت بقيت قلق وافكر خاف سويت شي غلط او معجبها شي او او او .....
ضجت بكد ماجنت فرحان
وره شوي دزت رساله
ياسمين: ها حبيبي جنت بالحمام ودامشط بشعري وصلت انت؟
غيث: حمام الهنى اي وصلت وهسه بلبيت ضل بالي من مجاوبتي .
ياسمين : لا يروحي ماكو شي
غيث: ان شاء الله عمريي
ياسمين: اكلك شنو كوتلي من نزلت من سياره مفتهمت شي
غيث:عسـى آن آگون ذآگرهہ جمـيـلهہ فـي حيـآتگ💔
ياسمين: اي صح هاي شتقصد بيها واني فسرتها الف تفسير
غيث: باجر التحق وخايف يصير شي فـ ابقى ذاكره حلوه بحياتج
ياسمين: اسم الله عليك حبيبي تروح وترجع بسلامه .
غيث: الله يسلمج حبيبتي 🤍
اي شلون جان اليوم خوما ضجتي من شي
ياسمين: بالعكس جان كلش حلوو اليوم وحيل فرحانه ومتونسه
غيث: دوم يارب حبيبتي 🤍
ياسمين: بوجودك يقلبي🤍
- بقينه نحجي بهواي مواضيع الى ان رجعت لموضوع الحلال والحرام وكتله
ياسمين: غيث اني كول هالفتره جنت اشوفك واختبرك ردت اشوف انت جاي ع نزوه لو جايني تحبني من صدك
غيث: وهسه شنو الي وضح عندج؟
ياسمين: صح احنه صار تقريباً 3 اشهر وشويه سوه ومشفت بيك شي يخليني اشك انو جاي علمود نزوه تخلصها وتروح
انت كلش حباب ولطيف وطيب وقلبك نضيف 🤍
غيث: لا بالعكس ممخلي هيج ببالي والله وان شاء الله اكون كد هالثقه وشكرا ع كلامج هذا .
هسه شكلتي ؟
ياسمين: ع شنوو
غيث: موضوع اعقد عليج حتى يصير كلشي حلال موضوع شغلج تبطلين منه وتكعدين بالبيت
ياسمين: غيث شلون
غيث: شنو شلون اعقد عليج وتكعدين من شغلج هاي هيه
ياسمين: لازم افكرر قرار موو سهل
غيث: اوك فكري براحتج بس من ارجع اريد الخبر النهائي
ياسمين: ان شاء الله
غيث: بقينه نحجي لحد ما نامت واني لازم ابقه كاعد حته اروح صار الصبح سديت الخط
وكمت غسلت وبدلت واخذت جنطتي ودعت اهلي وطلعت .
وصلت للمقر حته نبدل ونتجهز ونتوكل طلعنه الساعه ب 9 الصبح تحركنه من بغداد بأتجاه الحدود .
طول الطريق اني سارح وفكر بالبارحه شلون عشت يوم جان كلش حلو
وشكل ياسمين الي ميروح من بالي ولا لحضه لون عيونها الي ماكدرت اتخطاهن
لو ضحكتها الكلش حلوه
الطريق 11 ساعه حسيته مر دقايق هالكد ما بالي شارد يمها .
وصلت لمكان اعتبره اخر مكان تتواجد بي شبكات الاتصال يعني احصل بدون تعب خابرتها
غيث : الوو
ياسمين : الوو ها قلبي
غيث : شلونج شخبارج يروحي
ياسمين: الحمدلله وانت شلونك حبيبي وين انت ؟
غيث: الحمدلله يعمريي اني وصلت لمكان ومنا والشبكه راح تروح بس نتقدم بعد اكثر ليضل بالج اذا دكيتي ومحصلتي .
ياسمين: هاي شلون غيث والله بالي يبقى يمك يعني لشوكت مراح اكدر اسمع اخبارك
غيث: حياتي غير جاي اكولج حتى ليضل بالج وان شاء الله وين ما احصل شبكه اتصل عليج واطمنج.
اي انتي شجاي تسوين وين ماوين ؟
ياسمين: موجوده حبيبي بالبيت حته مالي خلك اروح للشغل
غيث : بعد احسن ابقي ارتاحي
بدت الشبكه تكطع وصوت يروح
الووو الوووو !
راحت الشبكه حاولت ادك مره ومرتين بدون فايده كملنه طريقنه ورجعت افكرر لا اراديا .
لحد ما وصلت للمكان الي نكعد بي
اول مانزلت سألت ع شبكات شلون تتحصل هنا للاسف ماكو لازم اروح مسافه بعيده كلش يلا اكدر احصل شبكه.كملت كم شغله عندي الى ان صار لازم تجي الوجبه البديله حاولت ارتب اجازه بس مقبلو ينطوني جنت متكفل بهواي شغلات بقيت اتأمل لحضه نروح لمكان بي شبكه عيني ع تليفون ع مدار الوقت.واني حتى ما بلغت اهلي وطمنتهم انو راح اوصل وتروح الشبكه نسيتهم ولا اجت ع بالي امي خطيه خاف يضل بالها بقيت اقنع بروحي عادي همه متعودين عليه عسى ما اغيب شهر عنهم هم عادي .
واستمر التفكير لحد اليل واني ماعرف اكعد بمكاني هاا شسوت هسه بالها يمي وهوايه افكار تجي بالي
اجيت انام بس بدون فايده صارت بالاضرب تفكير زاد
ومكدرت انام لحد الفجر اتكلب بفراشي نمت من التعب مدريت بنفسي تعبني التفكير احس عقلي بده يوجعني .
كعدت ثاني يوم لازم نجهز ونطلع للخط المتقدم نتابع اخر الاحداث وهنا بديت اجهز اموري حته نروح طلعنه وعادي وصلنه للمكان وكالعاده شبكه ماكو كل شوي وباوع بالتليفون ماكوو .
صار اليل رجعت لمكاني خربان واهسي وبديت اتحجج اريد بس فرصه انزل بيها للبيت بدون فايده .
واستمرت هاي المعاناه لمده 19 يوم .
اجه اليوم الي انزل بي واني طاير من الفرح حتى الليل كوله مانمته بس اريد الصبح يطلع .
واخير اجه الصبح خليت الجنطه بسياره ومتوجه لبغداد (ياسمين ) .
توكلنه ع الله وع حسب الاصول وصلت للمكان الي تجي بي الشبكه واني تليفوني بيدي منتظر الشبكه تجيني روحي طالعه وكلبي يدك بسرعه بس اريد اشوف شمكتوب منها اجت الشبكه وبدت الاشعارات توصل للتليفون 😲
واجي مشتاگ لعيونك .
ورد مشتاگلك كلك 🥺💔
يتبع.........
96_m__
