شرقات شمس نهار جديد .. كتسلل من نوافذ دار الحاج ابراهيم كبداية ليوم جديد وأحدات جديدة مخبيين لماريا
فاطمة وبناتها باقين ناعسين أما مارية مخشية ففاقت بكري للكوزينة تتوجد الفطور علاما يفيقو وحاطة قسرية قدامها تتعجن الخبز ... مدروكة على العجينة تدلك فيها سالات غطاتها تخمر
وناضت تجمع دار بيما خمر الخبز ترجع طيبو
دارت على الدار جمعتها بالخف كان الخبز خمر بدات ترمي الخبز فالفران يطيب داز الوقت
حطات الفطور فوق طبلة عاد خرجات فاطمة من بيتها تتكسل جات حدى مارية ووقفات
مارية:( شافت فيها ورسمات على وجها ابتسامة)صباح الخير أخالتي
فاطمة : (بنفخة ومعاجبها حال)منين غيجي هاد الخير
مارية: شافت فيها وسكتات ..ديما كتعامل معاها هاكة حدرات راسها
فاطمة: سعاد ومريم باقي مفاقو
مارية: شافت فيها باقين أخالتي
فاطمة: وسيري غوتي عليهم يجيوا يفطرو من حد الفطور واجد ومتعطليش رالحاج ناض باغي يمشي يقضي شغالو
مارية :واخة أخالتي
مشات فيقاتهم وهبطات هي وياهم وطبعا سعاد معاجبها حال تجمعو على طبلة بحضور براهيم فطرو مجموعين سالاو ناض ابراهيم جمع الوقفة كيقاد على كتافو السلهام
ابراهيم: خليت ليكم الراحة هاد الساعة عندي شي شغل غنمشي نقضيه وراني غنتعطل فالغدة بلاما تسناوني
فاطمة: الله يعاونك
ابراهيم:أمين
ناضت مارية باست ليه يدو
ابراهيم :الله يرضي علك
ناضت سعاد ومريم تهما باسو يدو
ابراهيم : الله يرضي عليكم
لبس بلغتو لقى السلام وقبض الطريق
ناضت مارية جمعات الطبلة ودات الماعن الكوزينة
فاطمة:مارية ومارية
جات عندها تتزرب
مارية :نعام أخالتي
فاطمة: شي حوايج دالحاج دوزي صبنيهم ليه روصاني عليهم
مارية: واخة
مشات لبيت هزات حوايج باها طلعاتهم السطح تصبن فيهم اما فاطمة وبناتها مجمعين التحت على ضحك
سعاد :مي معدناش لحم
فاطمة : (شافت فيها) لا سالا البارح علاش
سعاد: قلت نديروه اليوم الغذة عرفتي أمي تشهيتو وتدير دك الملامح دالبراءة وحتى مريم
مريم:(شافت فيها) انا لا
وهي طير عليها بقرصة حتى وجها حمار
مريم: آه أمي عفاك جيبيه لينا ولا صيفطي مارية تجيبو سوق ماشي بعيد
سعاد: عفاك أمي
فاطمة:(عارفاهم علاش ناويين) واخة واخة ....مارية مارية هبطي هبطي
حبسات من الصابون وهبطات عندها هاد الأخيرة لي حوايجها فازكين بالما دصابون هادي هي حالتها ديما دايرين ليها بحال الخدامة
فاطمة : سيري لبسي علك وأجي تسخري ليا السوق
مارية: ولكن أخالتي انا كنصبن صيفطي سعاد
فاطمة : غي سيري نت تعرفي حسن من سعاد والحوايج طلع تكملهم هي
مارية: شافت فيه وسكتات ...واخة أخالتي
مشات لبسات عليها الحايك خذات من عندها الفلوس قالت ليها شنو تجيب
وشدات الطريق فديك الغايلة لي تتكون مبين 10 و12 حارة مطنطة وهي لاوية عليها الحايك مسافة ديال طريق بحكم سوق بعيد شوية وهي غادة على رجليها ...تتزرب فطريق باش متعطلش عليهم وصهد بحال الصحرة وصلات السوق
أنت تقرأ
شبه فلسطين
Historical Fictionشَبــَـــــهُ فَلَسطيـــــــــنْ 🎭 (مكتملة) قصة حب صادق وبرييئ كيفما تنقولو براءة الذئب من دم يوسف ❤ فيها إختلاف عن باقي القصص كتمحور على حب نشأ وكبر مع أبطالوا منذ الصغر .. حب في زمن الاستعمار!! ...في زمن التقاليد الصارمة ..والأفكار الظالمة الت...
