شبه فلسطين

الجزء الأول

شَبــَـــــهُ فَلَسطيـــــــــنْ 🎭
*صامدة و خالدة*
              ❄By: Yuzu & Zajal ❄
                  ~•<قراءة ممتعة>•~

جالسة فهدووء صاامت .. كالعاادة فيديها ألعابها لي جابهم ليها باها باين من وجهها علامات الفرح ... البرااءة معندهاش علم بلي يدوور بيها ولا بمشااكل الحيااة الثقييلة على كتااف لي دايرييين بيها .. ااه الدنيا حمل ثقيل كالعبئ على كتافناا لازم نحملووه ونتحملووه .. إلى يووم نموتو .. لكن هاد الطفلة مسكينة باقا صغيرة على المشقة والحزن باقي عقلها ممستوعبش حتا تفاصيل الحيااة الحلوة كلها .. فكيفااش غتعرف الجانب السلبي فيها

حتى كيتفتح باب الغرفة داخل منو رااجل فالأربعيناات من عمرو باقي شاد فراسو وشعرو الأسود كيتخللو الشييب الأبيض لي عطااه وقار وجماال فتاان حرووفو عربية الأصل شوية اللحية .. الحواجب الكثيفة مزينااه رمووش وعيون سوداء بعض الشيء
بابتساامة على محيااه كيشووف فيها وعيونو معمرااهم غير هي اييه بنتو الصغييورة لي عندها غير هو فالدنيا بحدوو هو وياها ساكنيين فهاد الدار كيعتاني بيها شاغل بلاصت الأب والأم فحيااتها .. بنت الخمس سنوات لي فارقاتها مها عند الولادة وخلااتها لهاد الراجل الأرمل ... لي جابها معاه من بلاد لبلاد اخرى يعيشها فالهنااا وراحت الباال

جلس حداهاا ورفعات راسها بالثقال فاش حسات بيه

نور : بابا

داوود : بنتيي الغزاالة (باسها من خدوودها) ااش كديري؟؟

نور : طنعب (تنلعب)

هزها فيديه غادي بيها لبلاصتها ينعسو حطها وتكا حداها : دابا غنعسو ابنتي

نوور : بائي الوئت انا باغا نعب عافاك بابا.

داوود (باس على رااسها بحزن) : تال غدا ابنتي ونلعبو

نوور : وا عاود ليا قصة ننعش

داوود شاف لبعيد ورجع شاف فيها عااطي لراسو المواافقة انو يبووح بلي دااخل قلبو هادي سنيين داازت وباقا الغصة كيف الباارح ولا عاد ليوما طراات جرها ليه خاشيها فحضنو وباشر فالحكي رااجع بدماغو لبعييد

كان يا مكان فوااحد الوقت ماهو بعيد ماهو قرييب ياماات كانت الأرض خضرااا والودياان عامرة ... وقت كانت الشتاا طييح خييط من السما فموسمهاا والحصاد يتجنا بثمورو وحبوبو كاانو خيورات ربي ونِعمو على المغرب كثيرة يامات كانو القلوب صافية كتخاف من ربي ... يامات كانت السترة وكان الإحترام بين الصغير والكبيير ..

كان حتا كااان المستعمر الفرنسي كيتهيأ باش يدخل للبلاد ينهب فلوسهااا ويسرق ناسهاا ...وشوية بشوية تا فرض سيطرتو على الدولة وشعبها

~   ~    ~   ~    ~   ~   ~   ~   ~   ~

سمعات صوتو دااخل مع الداار نااضت من بلاصتها مخسرة سيفتهااا ومعوجة ملامحها بطرييقة كتبين بليي مفقوصة ومحغوورة هزاات شماارها بسرعة ومشااات جبدات القصرية حاطاها للأرض فووق الزربية كتعجن حازمة على راسها بزييف ومكملة خدمتهاا وهي حانية راسها على القصرية بلعاني كتسناه يوصل عندهاا