بداية القصة في الجامعة
الشاب "وسام" (بطل القصة) البالغ من عمره ١٩ سنة ، والبنت "مُهرة" زميلته في الجامعة واقفين مع بعض بيبصوا لبعض بنظرات إعجاب وفي الحقيقة وسام معجب بـمهرة ولكن معندهوش الجرأة الكافية إللي تخليه يعترف بحبه ليها!
مهرة: وسام هو انت سجلت المحاضرة بتاعت إمبارح؟ علشان أنا محضرتهاش.
وسام: للأسف انا تليفوني ضاع…
مهرة: ضاع! ضاع ازاي؟
يقاطع كلامهم وجود شلة متكونة من ٥ أشخاص كأنهم بلطجية ولكن في صورة طلاب جامعيين متزعمهم شاب إسمه فارس وهو شاب في منتصف العشرينات لونه أسود متوسط الطول وقوي الجسم وتظهر عليه ملامح الشدة…
فارس: ولا ولا ، هو انت اسمك وسام؟ (بنظرة غضب)
وسام: فيه حاجة ولا ايه؟
فارس: (يحط ايد على كتف وسام والايد التانية على قفاه) انت بتتكلم كتير ليه! انت وسام يا زفت؟
وسام: (ينزل ايد فارس من عليه ويزق فارس باندفاع)
هو انت كدة راجل يعني؟
فارس: يبقى انت وسام.
٢ من صحاب فارس واحد مسك وسام جامد من ضهره والتاني بيخنقه ولكن وسام قدر يضرب برجليه واحد منهم في بطنه ويفك نفسه من اللي ماسكه من ضهره وجري منهم ، استمر وسام في الجري والهروب منهم
ولكن فارس وصحابه صمموا يلاحقوه…
خرج وسام من الجامعة بيتلفت يمين وشمال وعلى وشه تعبيرات الخوف والتعب وبعدها وقف على جنب يتنفس ويرتاح ويفكر ليه الشباب دول بيلاحقوه ، فجأة ظهر الاتنين التانين واحد منهم بيشاور على وسام من بعيد وبيجروا وراه ، وسام جري بفزع ولقى شخص راكب موتوسيكل مسك فيه وركب وراه وقاله اتحرك اتحرررك بسرعة ارجوك!
يتحرك الموتوسيكل والسواق يقوله انت رايح فين؟ وسام بخوف وبسرعة ، امشي امشي اهرررب
وسام حس بصداع شديد وفقدان للوعي ويدخل في حلم
غريب ، شايف نفسه بيتجول في مدينة غريبة وشوارعها كلها ضلمة واهل المدينة واقفين حواليه بتزاحم على اليمين وعلى الشمال وعمالين يشجعوه ويسقفوله ويرموا عليه ورق شجر و ورد؛ وفجأة وسام يقع وقعة جامدة…
_________
يا ريت لو عجبك الجزء ده من القصة متنساش تعملي:-
متابعة ➕👤
وتعملي تصويت ⭐
وتقولي رأيك في تعليق 🗨️
ولو عندك مقترحات ياريت تبعتها في رسالة ✉️
أنت تقرأ
مملكة الظلام
Mystery / Thrillerتحكي القصة عن إحدى الممالك المظلمة الخيالية ، التي يكون فيها إنسان من المختارين ملك على كائنات أرضية في باطن الأرض... القصة من وحي الخيال ، رعب ، فانتازيا ، خوارق ، غموض.
