يفوق وسام على الأسفلت وبيحس بألم شديد جداً في رأسه وفي ضهره ، ودماغه بتنزف!
بيحط ايده على راسه وبيبص حواليه بيلاقي ناس متجمعة حواليه وبيبصوله ،
(انسان في الشارع) انت كويس؟
(بياعة خضار) جرالك حاجة يا ولدي؟
ومن وسط الناس كلها يجي سواق المتوسيكل على وشه ملامح الغضب والعصبية ويقوله:
انت اترميت عليا من أنه داهية؟
انت بتجري من مين ولا انت سارق ايه!
كنت هتوديني في مصيبة يخربيتك هو انت اول مرة تركب موتوسيكل!
يقوم وسام من على الأرض ويمسك دماغه اللي سايحة في دمها ويخرج منديل ويحطه على مكان النزيف ويدور على صيدلية علشان يعالج راسه ، ويلاقي صيدلية وهو ماشي يحس بانهيار في العالم ويسمع صوت قوي جداً
وشاف اهتزاز كبير في الرؤية لدرجة انه مش قادر يقف وهيقع تاني ؛ كان فيه شاب قدام الصيدلية سنده وساعده يدخل ولما دخل كان فيه راجل بيشتري ولابس ابيض ولافف راسه بقماشة بيضا شبه الظعبوط
وصل وسام للصيدلي وسند على الفاترينة اللي واقف وراها الصيدلي ولسه هيتكلم ، بيبص للزبون اللي جنبه
لاقاه شبه الكائنات إللي شافهم في الحلم إللي قبل الوقعة
وعلى وشه نفس الاوشام الغريبة!
وسام: (بفزع وخضة) انت مين يا عم؟.
الصيدلي: (باستغراب) انت بتتكلم مع مين؟.
بيبص وسام تاني للزبون ، الزبون اختفى!
وسام: هو راح فين؟ (باندفاع وبيتوجه للخروج من الصيدلية).
الصيدلي: (بيمسك ايده وبيشده) اهدى اهدى.
: انت بتنزف ودماغك مفتوحة.
: وطبيعي تتهيأ بحاجات وتتخيل حاجات.
الصيدلي جاب كرسي واداه لوسام وقاله اقعد واستنى هجيب الادوات الطبية
دخل الصيدلي وجاب كوباية ماية بسكر
وجاب مطهر و شاش و قطن
الصيدلي: امسك اشرب دي ، معلش مش عندي عصير او حتى ليمون انا اسف جداً.
وسام: (بيمسك الكوباية برعشة في ايده) عادي ولا يهمك ، (بيشرب الماية بسكر بسرعة وعلى بؤ واحد).
الصيدلي: مقولتليش بقى ، ايه اللي خرشمك كدة؟
وسام: وقعت مع على الموتوسيكل.
الصيدلي مسك دماغ وسام وحطها على الفاترينة وبيشوف الجرح لقى الجرح ناشف وعامل قشرة وكإنه قديم بقاله يومين!
الصيدلي: غريبة! انت متأكد انك لسه واقع دلوقتي؟
وسام: حالاً.
الصيدلي: (باستغراب و مفاجأة) ما شاء الله ، سبحان الله
: عمتاً انا هطهرهولك وهلفلك دماغك ومتعملش مجهود كبير.
وبالفعل الصيدلي طهر ل وسام الجرح ولفله دماغه.
وسام: حضرتك عايز مني كام؟
الصيدلي: هو انا كنت هطلب ٥٠ جنيه بس انا مش هضحك على نفسي ، لان الجرح ده قديم وانا مستغرب الدم اللي على هدومك ده منين!
: عمتا اللي تجيبه ، أو اقولك تقدر تمشي خليها علينا
بيخرج وسام من الصيدلية وفجأة الدنيا بقت ضلمة من حواليه وكإن باب الخروج من الصيدلية هو باب الدخول للمدينة الضلمة اللي شافها في الحلم!
وسام بيحس بصداع شديد جداً وفجأة بيشوف الشخص الغريب اللي شافه في الصيدلية واقف قدامه!…
_________
يا ريت لو عجبك الجزء ده من القصة متنساش تعملي:-
متابعة ➕👤
وتعملي تصويت ⭐
وتقولي رأيك في تعليق 🗨️
ولو عندك مقترحات ياريت تبعتها في رسالة ✉️
أنت تقرأ
مملكة الظلام
Детектив / Триллерتحكي القصة عن إحدى الممالك المظلمة الخيالية ، التي يكون فيها إنسان من المختارين ملك على كائنات أرضية في باطن الأرض... القصة من وحي الخيال ، رعب ، فانتازيا ، خوارق ، غموض.
