لا زانت الدنيا فهي زينتها

الجزء الأول

في بيت الجد محمد:
الجد محمد: يا عبدالعزيز يا ولدد
عبدالعزيز: لبيه يا يبه آمر
الجد محمد: الله يوفقك يا ولدي علم اخوانك وعيالك بكره ابيهم كلهم يحضرون عندي
عبدالعزيز: ابشر، بس عسى مابه شيء
الجد محمد: لا والله مابه شيء بس ابي نجتمع كعائله اشتقت لأحفادي مره
عبدالعزيز: خلاص ابشر كلهم بيحضرون عندك بكره
الجده كامله: منهم الي بيحضرون شعندكم.؟
عبدالعزيز: ابد بس عيالك واحفدك طلبهم ابوي يجون بكره
الجده كامله: ابرك الساعات والله محد يعرف كمني احبه جعلني فدوتهم
عبدالعزيز: حبتك العافيه يمه خلاص ابشري

اليوم الثاني:

في بيت عادل:

رغد: ترفففف وين شنطتي شانيل الجديدههه
ترف: ما ادري دوريها يمكن حطيتيها بمكان وما انتبهتي
رغد: لا دورتها بكل مكان ما لقيتها
ترف: خلاص اجل اكيد مروان اخذها
رغد: مرواانننننن
مروان: عله تعل نحر العدوا خير ذا الصياح كله حتى سابع جار سمعك
رغد: مروان انت اكثر واحد يحب يرفع ضغطي شنطتي شانيل الجديده وين.؟
ترف: خرجها تراها بتصفقك
مروان: بالله، ابد بكيفي مابي اخرجها
رغد بأسلوب تهديد: بتخرج ولا رح تشوف شيء ما يعجبك
مروان وهو يحس نفسه منتصر: ماني مخرجها عندك شيء.؟
رغد بقهر: طييبب اوريك

راحت عند ابوها وهي قصدها بس تهدده عشان يرجع الشنطه لها جت بتنزل تاخذ مويه وهي مقهور وهي نازله تحت الصاله ما مسكت نفسها وبكت ومن شافها ابوها وقف بسرعه وهو مصدوم

عادل: بسم الله عليك حبيبة ابوها من مزعلها
رغد وهي تشاهق: ب ب با با شوف مروان اخذ شنطتي وعيا يعطيني اياها
عادل: اوريه، يا مروااننننن
مروان بوهقه: سمّ
عادل: بتخرج شنطة رغد الحين وتعتذر منها
مروان: ابشر
عادل: اذلف جبها

راح مروان ومسك عادل رغد وهو يحضنها ويهديها

جاء مروان قدام رغد الي كانت جنب ابوها
مروان: تفضلي، واسف اني زعلتك

اخذت رغد الشنطه وابتسمت وباسة ابوها وطلعت تتجهز عشان يروحون عند جدها محمد

جاء المغرب واجتمعوا كلهم عند الجد محمد والبيت صار كله سوالف وازعاج وضحك واستهبال والكل مبسوط

دخلت وجد وهي تصيح: بنااااات
انجود: بسم الله الناس تسلم اول
وجد دفتها من كتفها بمزح: يا شينك عشان كذا ماني مسلمه عليك
انجود بشهقه: هيين يا وجدوه هذا ونا عمتك يا قليلة الحياء
ضحكت ريفال: عماتها بالدم محد معبرنا اننا عمات
انجود وهي تطبطب على كتف ريفال: لنا الله
رغد: بنات شتسون هينا
ميار: من تنتضرون
ترف: ترى مروان يبي يدخل معاه اغراض للعشاء
انجود ضحكت: كوييس رح نبدأ
ترف وهي تضحك: الله يعينه رح يتمنى انه ما دخل، عاد توه قبل شوي الوالد هاوشه
ريفال: يا انه مسكين ذا الولد رحمته