لا زانت الدنيا فهي زينتها

الجزء السابع

وصل الجد محمد بيته:

الجد محمد: يا عيالل
سعود: لبيهه
الجد محمد مسك سعود يطالع فيه وبعده من قدامه: يا انجودد

مسكة الجده كامله سعود تتفحصه وتسمي عليه

عند انجود:

منار: يمههه عمي جاء
انجود: عادي
منار: وش عادي لو عرف ابوي اني جيتك ولا كلمتكم بيذب.حني
انجود: شدعوه، بعدين معليك انا بكلم ابوي ما يعلم عمي

الجد محمد: يا انجود
انجود: لبيهه

نطت انجود له تسلم على راسه: ارحب
الجد محمد ابتسم: هلا والله ببنتي كيفك
انجود: بخير دامك بخير
الجد محمد: صدق الي صار
انجود انلخمت: ا اييه
الجد محمد وهو حان على بنت اخوه مره: وكيفها منار
انجود: بخير، تراها موجوده بس ...
الجد محمد انبسط: ناديها لي ومعليها ما بعلم ابوها

اتجهت انجود لمنار عشان تناديها وفعلا جت منار وعلى طول جاء الجد محمد حضنها

الجد محمد: ارحبيي
منار: البقى
الجد محمد: يوهه يا منار تغيرتي وكبرتي
منار: الدنيا يا عمي
الجد محمد: الا الله يهدي ابوك حرمني من شوفتك
منار: الله يصلح ما بينكم يا عم، والله اني اشتقت لكم كلكم و ل عمتي كامله
كامله جت: ارحبيي يا منورتيي
منار: البقى يا عمه
كامله: كيفك يا بنتي شخبارك وكيف امك
منار: والله كلنا بخير انتي كيفك وكيف البنات وريفال
كامله: والله كلنا بخير يا حبيبتي
منار: فرصه سعيده اني قابلتكم
الجد محمد: بتروحين؟
منار: اي والله اهلي جايين بعد ما انتشر الخبر دقوا علي والحين راجعه البيت
الجد محمد: الحمد لله على سلامتك انتي وفهد سلمي لي عليه
منار: ابشر، استأذنكم

طلعت منار لبيتهم وقعدت تفكر، وكانت مره مبسوطه باللي صار وانها اخيرا قابلت عمها وانجود وعمتها

وصل الجد عبدالله لبيته واتجه على طول لمنار يتفحصها وهو كان بيموت من الرعب وبعدها مسكتها امها العنود تبكي

العنود: شصار يا بنتي
منار وهي تهدي امها: ماصار شيء يا يمه، كل شيء تمام
الجد عبدالله وهو يفكر: قولي لي القصه كلها

جلست منار تقول لهم كل شيء بكل التفاصيل

في عقل الجد عبدالله "لازم اكلم انجود، شاك ب..."

طلع الجد عبدالله متجه لبيت اخوه، دق الباب

عند الجد محمد وهم خلاص رجعوا احفاده لبيته وسلموا الشاليه، سمع دق الباب: قوم يا ولدي امير شوف من على الباب
امير: ابشر

اتجه امير يشوف لكن انصدم من شاف
"الجد عبدالله!!" ، مابين له انه مستغرب رحب به ودخله، دخل عبدالله مجلس اخوه وهو يسلم بصوت جمهوري، الكل سكت وهم مصدومين، اما محمد الي كان عارف ان فيه شيء مهم ، لأن من سابع المستحيلات يجي اخوه عنده بسهوله الا ان كان فيه شيء قوي مرهه

الجد محمد وقف: ارحبب يا نضر العين
الجد عبدالله وهو ما كان وده يكسر نفسه بس لو ما تصرف هو واخوه بيمو تون عياله وعيال اخوه كلهم وهو ما يرضى عليهم ويحبهم خاصه احفاده: البقى
الجد محمد: تعال يا اخوي تعال اجلس وتقهوا

جلس الجد عبدالله جمب اخوه وهو يشوف كيف العيال كبروا والاحفاد الي كانوا كبر يده ودايما بحضنه كبروا

الجد عبدالله: ماشاءالله تبارك الرحمن، كبرتوا يا عيالي قبل كنتوا كبر يدي
عبدالعزيز ابتسم: شفت يا عمي كيف الدنيا الحين صاروا اطول مني
الجد عبدالله هز راسه بالايجاب وهو يحلل تفاصيلهم واحد واحد وهم كانوا بالنسبه له مثل عياله

الجد عبدالله مسك يد اخوه، وفهم محمد وطرد العيال برا، طلعوا العيال وهم مستغربين كلهم

الجد عبدالله: والله يا اخوي انت تعرف اني ما اكسر نفسي الا ان كان فيه مصيبه
الجد محمد: ايوا الله اني عارف، وش صاير
الجد عبدالله: سعيد بن مسفر
الجد محمد: وش فيه؟
الجد عبدالله: انا شاك وعارف أن كل المصايب الي تصير لنا بسببه
الجد محمد: والدليل؟
الجد عبدالله: ناد لي انجود

استغرب الجد محمد لكن على طول صاح للعيال ينادون انجود، جت انجود وهي مصدومه كيف عمها قاعد وبهذا الهدوء جمب ابوها سلمت عليه ورحبت به وهي من زمان كانت تحبه بس انها زعلت منه بسبب الي صار بينه هو وابوها

انجود: شصاير ليش ناديتوني؟
الجد عبدالله: يا بنتي علميني وش صار امس بالتفصيل لا تخلين ولا شيء حتى لو كان مو مهم

علمتهم انجود كل شيء وسكتت قعدت تتذكر

الجد محمد: مافيه شيء مشبوه يا عبدالله
انجود: تذكرتت
الجد عبدالله: وشوو؟
انجود: لما شافني العملاق ذاك قال "اوه انتي انجود بنت محمد، ترى الدور جايكم"
الجد عبدالله صفق بيده: اييوهه هذي هي
الجد محمد: بس يا عبدالله ترى الموضوع خطير عشان نفهمه
الجد عبدالله: لحضه بدق على فهد

اتصل عبدالله على فهد وقاله يجي ببيت محمد وفعلا كان فهد عند امه وعلى طول راح عندهم، اخذت انجود الطرحه تتلثم بها

دخل فهد وسلم عليهم وجلس وهو مستغرب من وجود انجود : آمروا
الجد عبدالله: يا ولدي فهد ابيك تراقب لي واحد
فهد: واحد؟، ليه فيه شيء
الجد عبدالله: شاك بواحد على المواقف الي تصير لنا انه ورا السالفه
فهد: خلاص ابشر بس ابي معلومات عنه
الجد محمد: "سعيد بن مسفر" عمره ما يقارب ٥٧ إلى ٥٩ ساكن بحي**** خلفته كلها عيال، معروف انه كان يعادي الكل والكل ينفر منه بسبب تصرفاته
فهد: خلاص تم
انجود: يا عم مو ذا الي يقولون عنه ابو علي؟
الجد عبدالله: ويقولون عنه سفيه القبيله
انجود: يا عم ذا قد شفته الله يخلف عليه ماهوا بوعيه كأنه مجنون
الجد محمد: ايه انها تجيه بعض الأحيان نوبات جنون
انجود: الله لا يبلانا
كلهم: آمين

خرجت انجود وهي ما علمت احد بأمر من ابوها وعمها، سوت نفسها غبيه و عمها بس كان شاك بإلي صار ، اما فهد الي قعد معهم شوي وطلع ما كان يحب الجمعات الكبيره ابدا من هو صغير

وفعلا اتجه فهد يبحث عن "سعيد بن مسفر"

مر اكثر من ثلاث شهور

واخيرا قدر فهد يجيب كل المعلومات عن "سعيد بن مسفر" لكنه تأخر شوي بحيث صار الي محد يتوقعه ابدًا......