لا زانت الدنيا فهي زينتها

الجزء الثامن

في نفس اليوم لكن العصر، اتجهه " مشاري، فارس، سعود، مهند، ريان " مع جدهم للمسجد و كان المسجد شوي قريب يروحون له مشي كانوا سوا

فارس حس بشيء، حس بحركه غير طبيعيه حولهم حس ان فيه احد يراقبهم

اما مهند الي كان على الطرف في الاخير سمع صوت زي صوت المسدس لما ندخل جواته الطلقات ونقفله، طالع بسرعه في فارس ومشاري، بدأ يراقب المكان حولهم لكنه تفاجأ ب٣ قناصين

وفي نفس الوقت شافهم فارس، واطلقوا عليهم لكن نط فارس لجده ومد يده لراس جده اما مهند الي نط يدف سعود برجله ومشاري بيده ، والحمد لله محد جاه شيء إلا فارس الي انصاب بيده وقام يصيح من الألم لكن شاف القناصين يهربون فصاح بصوت اعلى، "مهند الحقهممم"، اتجه هو و مهند يلحقونهم وهم كل واحد بجهه و سعود راح مع فارس و مشاري ركض مع مهند والكل متوتر، اما الجد محمد راح بيت اخوه بسرعه يعلمه، وهينا الكل تأكد انه سعيد بن مسفر لأنه الوحيد الي يعرف قناصين ومعلم عياله كلهم التقنيص

مشاري ومهند ما قدروا يمسكون احد، اما سعود و فارس الي مسكوا واحد بعد تعب، ربطوه لكنه بدون فايده عيا يثبت جاء فارس وضربه في رقبته من الخلف عشان يغمى عليه، شله سعود واتجهوا للبيت اما فارس الي كانت يده محفوره بالرصاصه ومرهه تعوره

اتجهوا العيال للبيت وحطوا القناص بالمجلس وقعدوا معه العيال إلى فارس الي طلع للمطبخ من الباب الخلفي، كان يدور بالأدراج اسعافات أوليه عشان يعالج نفسه، لكن دخلت عليه وجد وانصدمت من كمية الدم الي بيده

وجد: يمهه شذا
سكت فارس وقعد يدور
وجد اتجهت لثلاجه وتحاول تمد يدها للعبه الي فوق بس ما قدرت تاخذ العلبه
وجد: فارسس هات العلبه الي فوق الثلاجه
فارس: ليه شتبين بها
وجد: عشان اعالج يدك
فارس هز راسه بالايجاب واخذ العلبه بسهوله، اخذت وجد العلبه منه وطلعت الأدوات وهي تطالع فيه: من وش الجرح؟
فارس: طلقه
وجد شقت: يمهه خير واحنا بنقعد على ذا الحال كل فتره مصيبه
فارس: مو مهم
وجد مسكت يده وقامت تحاول تطلع الطلقه بس ما كانت جوا مرهه بسبب حركة فارس ذاك الوقت فما تعمقت
تألم فارس من حس بالطلقه تطلع
وجد: اسفهه بس تحمل بطلعها

سكت وهو ماسك نفسه ويطالع فيها وهو مستضرف فرق الطول بينهم وكيف هي كتكوته وصغيره

فارس: كيف تعرفين للأمور ذي؟
وجد: لأني ادرس تمريض
هز راسه بالايجاب، انتهت وجد من إسعافه
وجد: شصار؟
فارس: ولا شيء
وجد: كيف ولا شيء والطلقه الكبيره ذي شدخلها بيدك
فارس: وجد انسي الموضوع بعدين اعلمك الحين لازم اروح عند جدي

اتجه فارس للمجلس وخلاها في حيره، سكتت وجد ما علمت احد وراحت تجلس وهي تفكر

دخل الجد محمد والجد عبدالله للمجلس وهم مبسوطين انهم مسكوا واحد

صاح الجد محمد: من راسلك
القناص: محد
الجد عبدالله: من انت وش اسمك؟
القناص: مالك شغل
صاح مشاري: بتتكلم الحين ولا بكفر فيك
القناص: اكفر ما يهمني
جاء فارس: تكلم؟
سعود: لا وبذب.حه ترى
ريان: خل الموضوع علي، تسمح لي يا جدي؟
الجد محمد: تصرف اهم شيء يتكلم

اتجه ريان للقناص ومسكه من ملابسه وصاح عليه: بتتكلم الحين ولا رح تنجلد
القناص: ماني متكلم
عصب ريان وصفق القناص كف قوي لدرجة يده علمت في وجه القناص: بتتكلم ولا تبي اقوى
القناص: سو الي تبي
ريان شاته بأقوى قوته في بطنه لدرجة ذا رجع دم
ريان: بتتكلم غصب ولا تحمل
القناص وهو يكح: ماني متكلم لو تذبحني
ريان: اوكي انت طلبت
قام ريان وضربه في بطنه بأقوى قوته، لدرجة ذاك طرش كل مافي بطنه وخشمه نزف دم
ريان صاح: تكلممم
القناص: س سعيد بن مسفر

مشاري طلع جواله يسجل الصوت: من قلت؟
القناص: سعيد بن مسفر هو من ارسلني
فارس: و ايش السبب
القناص: ما اعرف بس فيه مره سمعته يكلم عياله يقول عشان ينتقم منكم بسبب مشاكل قديمه

الجد عبداله طالع بأخوه: وهذا اكبر دليل، انا من اول حاس وخاصه لما كنت اشوفه من بعيد كيف تصرفاته حسيت ان فيه شيء

الجد محمد: والله ما يسلم مني، اكثر من مره آذانا مره صوب فارس وبعدها اتجه لبنتك قليل الحياء والحين بغا يذب.حني!!

مهند تذكر: يا جدي تذكرت شيء
الجد محمد: وشو
مهند: ذاك اليوم لما كنت مع فارس في المستشفى جتني رساله من رقم مجهول كان يهدد
الجد محمد: وش مكتوب؟
مهند: كاتب "الحين تطلع من عند ولد الحمار الي معك ولا رح تتعرض للخطر معه "
الجد عبدالله: وهذا كمان دليل
مشاري: وبكذا بس نبي دليل انه هو الي سوا ويعتبر اقوى واخر دليل عشان نسلمها لشرطه
فارس: خلو الموضوع علي
مهند: وانا معه
الجد عبدالله: الله يوفقكم

ملاحظه: {كان الجد عبدالله قديمًا شرطي في قسم الأدله الجنائية}

عسيريه....♡