لا زانت الدنيا فهي زينتها

الجزء الرابع

عند انجود:

كانت تفكر انها تروح تعتذر لريفال وهي عارفه انها زودتها، واتجهت لغرفتها، ودقت الباب

ريفال: ميين
انجود: انا
ريفال: شتبين
انجود: ابي اكلمك
ريفال: وانا مابي اكلمك
انجود: يالله ريفالل اسمعينيي الا متى بنقعد على هالوضع
ريفال: خلاص ادخلي

دخلت انجود وهي مبتسمه ويدها ورا ضهرها، استغربت ريفال

ريفال: وش معاك؟
انجود وهي تجلس على ركبتها وتمد حلاوة الكندر لريفال: اتمنى تقبلين اعتذاري رورو
ريفال ضحكت وحضنتها: خلاص اقبل بس لعد تزعليني
انجود: يخسي الي يزعلك مدامي اختك

في جهه اخرى:

دخل بدر بيت عمه وهو ناوي يفاجأ فهد لكن انصدم من المنظر الي شافه، شاف عمه جالس بوسط الصاله ويشرب من الخم..ر وفيه حبوب مرميه فالارض وحلاوه على اشكل حيوانات

خاف مره خاف ان تجي الشرط و ياخذون فهد بتهمة التستر عليه ركض لغرفة فهد وكان فهد نايم صحاه بسرعه واخذه لسيارته، وفهد كان تعبان مره، كان توه راجع من تدريبه للمتدربين الجديدين فالدوره العسكريه

فهد: يا ولد انت وراك ما تريحني كل ما جيت ارتاح تزعجني
بدر: انت شفت ابوك وش كان يسوي
فهد بكره: يليلل كلكم نفس الكلام ابوي وابوك وانا وش علي منه هو ابوي مو انا ابوه
بدر: طيب اذا عاد شفته كذا اطلع لعد تقعد بالبيت
فهد: ليه وش معنى
بدر: يا ولد لو جت الشرطه وشافته وانت معه بياخذونك معه بتهمة التستر
فهد وهو ينعس: مو مهم المهم اني ابي انامم
بدر: طيب تعال نام ببيتي
فهد: لا لا ودني بيت امي
بدر: والله مدامهم زينين معك ودي تصير تقعد معهم
فهد: لا اساسا رح اشتري فله اعيش فيها بدل ماني متنقل
بدر: تم وانا بساعدك بفلل حلوه

بعد اسبوع:

في بيت الجد محمد:

رجع فارس للبيت بعد ما اصر على الكل، و انتشر الخبر بالقبيله، اما الجد محمد الي سوا عزيمه كبيره للقبيله بمناسبة سلامة حفيده

عند البنات:

انجود: بناتت بموتت شذا الشغل
ريفال: كثيير
حلا: استعجلي انتي وهي وفكونا
وجد: اخلصوا الضيوف بيوصلون وحنا ما لبسنا
ميار: بنات لازم ننقسم نص منا يلبس ولما يخلصون يروحون النص الثاني
رغد وهي تركض للغرفه: استأذنكممم بروح اول
ملك: لحضهه حتى انا بجي معكك
ترف: بنات كملوا وانا بروح
انجود: بناتت بروح لازم يكون احد من عماتهم معهم

اتجهوا البنات يلبسون وانقسموا، وصلوا الضيوف والبنات بكامل اناقتهم كل وحده جمالها يغلب الثانيه، اما بنات الديره وهم خاقين عليهم هذا غير العجايز الي يحبونهم

اما العيال الي ما قصروا كرموا الضيوف ومن نضره من جدهم يقومون وزعوا القهوه والحلا، وكانت عزيمه مرهه كبيرهه