-
ضمّت كنوز نادين: إخيييرًا
إبتسمت حنان: كل هالفرحه ياكنوز ولسا ماملكّوا؟ واضح في علوم مادرينا عنها
نادين هزت راسها بالنفي: لا
ضحكت تيجان لان نادين اختلفت من كلام حنان
رنِد: يعني كنوز الجندي المخفي ؟ توقعت الجوهره بكل قصه هي موجوده
الجوهره ضحكت: ومين قال مو موجوده ؟ الا معهم بس كنوز معي!
كنوز: انا الجندي الجديد
رند: مابقى أحد
الجوهره: الا باقي تيجاني
شتت انظارها تيجان
حنان: ومن قالكم بزوج بنتي ؟ بنتي ماني مزوجتها
إبتسمت نجلاء: تزوجها نور
حنان: مالكم دخل انا اتفاهم من نور مانزوجها ليين عمر ثلاثين ؟
هيَله دخلت ونطقت بخفوت: يفوتها القطار
حنان: بتركب طياره
هيَله: مبروك نادين ومبروك بدور! تجهزي تيجان
عبدالرحمن دخل باستعجال: نادين تعالي
بدور وقفت لان عبدالرحمن من كثر استعجاله بغى يدخل الصاله بالغلط :ارجع عبدالرحمن
طلعت نادين لـ أبوها: وش فيه؟
عبدالرحمن مسك اكتافها: إنتِ موافقه أمك قالت لي بس ابي اسمعها من لسانك
نادين: بابا وش صاير؟
عبدالرحمن: موافقه؟
نادين سكتت وهمسِت بالموافقه
عبدالرحمن: الشيخ هنا، تمّلكين الان؟
نادين: بس
عبدالرحمن قاطعها: الله يخليك لي يابنتي! وش يمنع؟ خير البر عاجله وتفكّين أزمه والله !
نادين تكتفت: ماجهزت شي
عبدالرحمن: كل شي يتيسر بإذن الله، نقول تم؟
هزت راسها نادين وابتسمت من باس خدها عبدالرحمن
دخلت عند البنات
بدور: وش؟
نادين حطت كف يدها اليُمنى على ذراعها اليُسرى: بنمّلك الان
هيَله: إيش ؟ مين اللي يقوله! الشيَخ جاء نخطب تيَم لـ تيجان!
تيجان لفت على حنان: أمي!
حنان عقدت حواجبها: وش اللي قاعد يصير
بدور وكإنها فهمت جزئيًا: بيمّلكون الان ومنو قال تيجان وتيم بيملكون! هم للان ماخطبوا حتى!
تيجان حطت كف يدها على رقبتها بتوتر لانها مو فاهمه شي! وارتجف قلبها بشكل مجنون
تيم: نادين تعالي
إبتسمت نادين بتوتر. و وقفت الجوهره: تعالي انا معك
سحبت نادين يطلعون وضحك غياث من حطت نادين كفوفها على وجهها: يالليل الخجل ذا!
حضنها غياث وجا تيام وعبدالرحمن
غياث: يلا وقعي
طلعت جوالها الجوهره تصور توقيعها وتعالت الصرخات والمباركه
عبدالرحمن: مبروك يابنتي! غاليه وما أخذك الا غالي
تيم: غياث خل عزام يدخل
رفعت راسها نادين بصدمه: إيش!
ضحك تيم لانه يبيها تتكلم ولانه يمزِح: إستهبل بدور تمسح على شعر بنتها: تلبس فستان وتحط ميكب ونزيّنها ويشوفها إن شاء الله
عبدالرحمن إبتسم لان نادين ذابت بـ مكانها
-
عبدالرحمن: العشاء إن شاء الله تشوفينه ويشوفك
طلع عبدالرحمن و وراه تيم وغياث
نادين: مو كذا طيب!
بدور: ليش؟ في كم فستان إنتِ ما عمرك لبستيهم البسيهم! ومرره يجننون اصلًا!
نادين تجمعت الدموع بعيونها: بس مو كذا مو كذا!
الجوهره: مافهمت ليش تبكين الحين؟
نادين: خطبه وملكه بنفس الليوم مو حلو ابدًا
بدور: ننتظر معتق يخرب يعني؟
نادين: لا بس مدري ما حبيت!
دخلوا البنات ومسحت دموعها الجوهره يباركون لها
نجلاء: نبارك مرتين يعني ؟
كنوز: لو بيّدي باركت مليون مره ولا يكفّي من كثر سعادتي اللحين!
بدور: وحده تجي معي بنات
وقفت تيجان تجي مع بدور يروحون لـ غرفة نادين يطلعون فساتين: لا تخلين كلام هيَله يدخل مخك وتعيشين بتوتر وقلق، مابيصير شي بدون علمك ولا انا ولا عمك عبدالرحمن ولا اي واحد من عيالي بيرضى واكبر دليل ان معتق يوم الشيخ جاء قال إنتِ لـ تيم لكن قرروا يسوون ملكة نادين وعزام الان عشان
إنتِ وكلنا هنا نتشري خاطرك قبل إي خاطرك ولاتهتمين بكلام هيَله أمس أبدًا،اصلًا كلنا هنا واعيين ونعرف حركات معتق وهيَله من يوم الدنيا دنيا فـ لا تهتمين بـ إي شي عيشي حياتك على كيفك إنتِ لا تخلين الحياه تمشيك إنتِ مشّي الحياه على كيفك.
ابتسمت تيجان على كلام بدور وأرتاحت من كلامها ودخلها الطمأنينه لانها خافت تُخطَب بدون علمها وتصير اشياء بدون علمها
