Uni
.
.
ဘားရောက်တော့ အောင်ကောင်းမြတ် က ပြုံးစိစိလုပ်နေသည်။
" ဘာလဲကွ မင့်ရုပ်ကြီးက...''
ရဲထွဋ်ကို က မနေနိုင်လို့မေးတော့သည်။
" မှန်းကြည့်လေ...''
" မင်းရုပ်ကြီးတော့ မမှန်းချင်ပါဘူးကွာ ဒစ်ရုပ်နဲ့...''
" ..ီး လား.... ပွဲမတက်ချင်တော့ဘူးနေမှာ.. ''
" ဟ...''
မင်းခန့်ညားရော ရဲထွဋ်ကို ပါ မျက်ခုံးပင့်လို့သွား၏။
" ငါ ဒီနှစ်ကုန် မိန်းမယူတော့မလို့ကွ...ဟဲ ဟဲ...''
" ဟ ကောင်းလှချည်လား...''
မိန်းမယူမယ် တကဲကဲပြင်နေတဲ့ ထွဋ်ကြီးထက် အောင်ကောင်းမြတ် က ကြိတ်ပြင်နေတာဖြစ်မည်။
" ဟာ..မင်းကလည်း ငါတောင် မယူရသေးဘူး...''
ထွဋ်ကြီးက အစာမကြေသံဖြင့် ဝင်ညှောင့်သည်။
" မင်းက ဘယ်အချိန်ယူမယ်မှန်းမသိ...''
သူတို့အချင်းချင်း ငြင်းနေကြတာကို
မင်းခန့်ညား ဝင်မပြောဘဲ တိတ်တဆိတ်သာကြည့်နေလိုက်သည်။
ပြောရင်းဆိုရင်း သောက်နေလိုက်ကြတာ အောင်ကောင်းမြတ် က တော်တော်မူးလာသည်။
ရဲထွဋ်ကို နဲ့ မင်းခန့်ညား ကတော့ နောက်နေ့တွေ လူနာကြည့်ရမှာမို့ မူးအောင်ထိ မသောက်ဖြစ်....
" ခန့်ညား...ဒီနေ့ ငြိမ်လှချည်လားကွ.. ''
လျာလေးအာလေး နှင့် အောင်ကောင်းမြတ်....
" အေးကွာ...ဒီလိုပါပဲ... ''
" ငါ့ မင်္ဂလာဆောင်ကျ မင်းတို့အတွဲက အရံလုပ်ရမှာနော် မင်းခန့်ညား... နွားကတော့ ချည်တိုင်က နိုင်ငံခြားမှာမို့ ဧည့်ခံပဲ...''
" မင်းဂျီးဒေါ်...နွား...''
ရဲထွဋ်ကို က မခံမရပ်နိုင် ပြန်ပက်သည်။
" ဟင်းးးး...''
မင်းခန့်ညား ကတော့ အပူလုံးကိုသာ အားရပါးရ မှုတ်ထုတ်လို့နေသည်။
" ခန့်ညားရာ...ကြက်ကြီး လည်လိမ်ရောဂါစွဲသလိုကို ငိုင်နေတာပဲ... ပြောပါကွ..ဘာဖြစ်တာတုန်း..''
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romansaရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း
