رنا كانت بتهز في نفسها ودموعها نزلت لما شافت المنشار خلاص نازل على بطنها وهيشقها لنصفين صرخت: ضيااااااااع
كانت منهارة في البُكا
لكنها سمعت صوت عربيات كانت بتصرخ: ساعدوني
نزلوا من العربيات شافوا دايرة كبيرة مستودع قديم كان مهجور ضياع بدموع نزل من العربية يجري فهد نزل وراه كان الباب مقفول بسلاسل مسكوا الاسلحة وفهد معاهم وضربوا على القفل شدوا السلاسل دخلوا باب فجأة شافوا باب كبير مقفول بالخشب ضياع: استنوا
كلهم سكتوا كان سامع صراخها راح تجاه الصوت شاف شباك من حديد عليه سلاسل وقع على الارض لما شافها بالمنظر ده
فهد بخوف: رنا
شاف ضياع مقادرش يعمل حاحه بينتفض ضرب على القفل نار لكن مش راضي يفتح
فهد رمى السلاح وركب على الشباك مسك السلسلة وبكل قوته شدها وصرخ: اعااااااااا
شد بقوى الحديد اتخلع من الحيطان ايده نزفت وشد بقوة وبانت عضلاته شد وشد فجأة اتخلع الحديد من الحيطه طلعوا دخل يجري وصرخ: ضياع
ضياع مسح دموعه وجري قصاده
فهد بصدمه طلع يجري ومسك الجهاز تحكم المنشار وصرخ: بسرعة
كان ضياع ورجالتهم بيفكوا الحبل وفهد بقوته ماسك وصرخ: بسرعة
ضياع كانت دموعه بتنزل على وش رنا وشالوا الحبال وشد البلاستر وقامت بسرعة فهد ساب ووقع في الارض اتنهد بقوة رنا اترمت في حضن ضياع هو حضنها بكل قوته وكانت دموعه سبقاه وجسمه بيرتعش وقال: أنتِ بخير
رنا بدموع: لولاكم كنت هموت انا والجنين
ضياع حضنها من تاني وشالها وهي اتعلقت في رقبته وكانت بتبكي فهد كان باصص ليهم وافتكر فيروزة مسح دمعته وطلعوا عربياتهم ومشيوا
دخلوا ڤيلا جميلة جدًا في لندن فيروزة كانت بملابس المستشفى الواسعة وبطنها المنتفخة قدامها عاشق قفل الباب وفتح الانوار
فيروزة هي وبتبص للڤيلا: الله ده بيتنا
عاشق هز راسه بنعم
عاشق شاف صورته هو وفهد اتسحب ببطء وقلبها على وشها
عاشق: أنتِ بخير
فيروزة: بخير
كانت حاطه إيدها على بطنها وقالت: ممكن توديني اوضتي
عاشق هز راسه بنعم طلع معاها على السلم وفتح اوضتها فيروزة بإبتسامة كانت بتتفرج في الاوضة كان فيها سرير كبير ودولاب فخم باللون الأسود لمست على فرش السرير وابتسم كان عاشق باصص ليها وباصص للشاش اللِ على راسها وعيونها الزرقاوتين وابتسامتها فتحت الدولاب كانت شايف ملابس واسعه مُريحة ومحتشمة
عاشق: عن اذنك انا هنام في الاوضة التانية
فيروزة قبل ما يطلع مسكت ايده عاشق بصلها وهي كانت باصه ليه: شكرا
عاشق ابتسم وهز راسه وطلع من الاوضة: غيري هدومك العشا هيكون جاهز
فيروزة هزت راسها وقفل الباب عاشق وقال بتوتر: معقول يا عاشق قلبك هيحبها لا يا عاشق لا كنت هترجعها لأخوك بعد ما تفيق تستنى لغاية ما تفتكر يا عاشق متخليش قلبك اناني
نزل من على السلم بتوتر ودخل المطبخ
فيروزة فوق شافت لبس واسع لونه احمر مشجر طويل للأرض وبحمالة رفيعة ابتسمت واخدته لبسته ورفعت شعرها على شكل كحكة شالت الشاش بتبص للعملية: أنا إيه اللِ حصل معايا
كانت بتفتكر وتشوف صورة مشوشه في عقلها يوم ما طخت نفسها خافت واتنهدت وقالت: عاشق
نزلت من على السلم كانت بتتكلم: هو انا ايه اللِ حصل معايا احكيلي
كانت بتتكلم وعاشق سرح في جمالها وعيونها في وبتتكلم وشفايفها الوردية
فيروزة هي وبتشاورله: عاشق
عاشق فاق من تفكيره وقال: بتقولي ايه
فيروزة: شردت ليه
عاشق بتجاهل من نظراتها: تعالي الأكل جاهز
فيروزة بصت للسفرة شافت اكل صحي وشوربه قعدت: هو انت شرطي
عاشق: اه
كانت بتبص للصور في الحيطه بتاعت الڤيلا وبدأت تاكل
فيروزة: انت هتفضل تبصلي كتير تيلفونك بيرن
عاشق مسك تيلفونه بتوتر
فيروزة بإبتسامه: فهد
عاشق تنح
فيروزة: اللِ بيرن رد اخوك
عاشق اتنهد وفتح: الو
فهد: عاشق مش بترد عليا ليا
عاشق بتوتر هو وبيبصلها: مفيش مسمعتش التيلفون
فهد: جايين انهارده نازيلين لندن
عاشق: صوتك بيقطع الو الو
عاشق مكنش سامعه فهد قفل
فيروزة: هما اهلك ليه مش هنا
عاشق: هحكيلك الصباح الدكتور قال غلط الكلام الكتير تعالي
فيروزة بإبتسامة مسكت ايده وطلعت لفوق في اوضتها دخلت فيروزة
عاشق: تصبحي على خير
فيروزة مسكت ايده وقالت: انت ليه مش هتنام هنا انت ليه بتتهرب مني مش احنا زوج وزوجة
عاشق بتوتر بص للسرير اللي شاورت عليه : بعدين
طلع من الاوضة ودخل اوضته وكان بيمسح على وشه وسند على الباب وقال: دلني على طريقك الصح يارب
فيروزة قفلت باب اوضتها وقعدت على السرير وقالت: خلايا مخي ليه ممسوحه معرفش غير اسمي واني متجوزه من عاشق معرفش غير اني حامل حاسه في حاجه ناقصه
