رنا كانت قاعده مع عمتها وضياع في الشركة
_ مالك يا رنا يا بنتي
رنا: مش عارفه نفسي مخنوق
_ قومي يا بنتي شمي هوا جوه في البرنده
رنا قامت وكانت حاطه إيدها على بطنها بإبتسامة دموعها نزلت جت عمتها حضنتها ورنا ميلت على كتفها
رنا: خايفه اتوفىٰ يا عمتوا من غير ما اشوف ابني او بنتي أنا بشوف دم كتير في منامي بشوف رؤية كل يوم فيها قتل ودم
_ بعد الشر عليكِ يا رنا يا حبيبتي بعد الشر ليه كده
رنا بدموع: انهارده موجودين وبكرا لا
_ اكيد الشيطان بيوسوس في دماغك ادخلي كده صلي ركعتين لله واشكري ربك وادعي ودموعك دي خليها تنزل على سجادة الصلاة
رنا هزت راسها ودخلت
_ اما اشوف الندل ضياع
دهلت ورنت عليه
ضياع: الو يا عمتي
_ تعالى خد مراتك خليها تشم هوا برا يا سي ضياع رنا مش بخير
ضياع بخوف: مالها
_ بتعيط هرمونات الحمل يا ضياع رنا تعبانه
ضياع: مسافه السكه جاي
طلع ضياع من مكتبه وكان ماشي نزل ودخل عربيته
كان سايق واشترى ليها ورد وعبال ما وصل نزل دخل الڤيلا بتاعته: رنا
كانت سامعه صوته هي وقاعده على السرير
طلع ليها اوضتهم وعمته ابتسمت دخل الاوضة شافها قاعده وماسكه صورهم هما وصغيرين
دخل وباس على راسها: الجميل زعلان ليه
رنا: مفيش
ضياع: طيب خدي الورد ده
اداها بوكية الورد كان الوان اخدته استنشقت ريحته وحضنت ضياع: متغيبش عني
ضياع سمعها هي وبتبكي حضنها اكتر: ليه ده كله اهدي مفيش حاجه
رنا مسحت دموعها
ضياع حط إيده على خدها: يبنتي أنا جمبك لو هتحدى العالم كله مستحيل اسيبك افهمي يلا غيري هدومك هنخرج سوا
رنا هزت راسها ودخلت اوضة تغيير الملابس
خرجت بعد دقايق هي ولابسه لبس واسع فضفاض مسك ايدها ضياع ونزلوا سوا وعمته ابتسمت لما شافتهم طالعين العربية ضياع بص لـ عمته وابتسم وهي بادلته الابتسامه
رنا: هنروح فين
ضياع: دي سيبيها عليا
باس راسها هو وسايق ووقف عند دار الأيتام نزلت معاه رنا وكانت شايفه الاطفال بتلعب وبنات كبيره قاعده ضياع مسك ايدها وبصتله جت عربية كبيرة اوي قدامهم اتفتحت وكان فيها اكياس كبيرة وكرتونه كبيره نزلوهم ناس كتير
ضياع: تعالي
اخد رنا من ايدها وهي كانت فرحانه دخلوا الميتم وحطوا الحاجات والملابس والجزم والالعاب قدامهم
رنا بإبتسامة شافت الاطفال فرحت
ضياع بصوت عالي: تعالوا تعالوا تعالوا
الاطفال جريت عليه والبنات الكبيره كان بيفرق ليهم الملابس والجزم والالعاب رنا كانت شايفه الفرحه في عيونهم دموعها نزلت مسحتها بضعف وحضنته وسط البنات حضنته بقوة ضياع بادلها الحُضن
بنات الدار كانوا واقفين باصين ليهم وفرحانين
بعد ضياع عنهم وقعد هو ورنا قدام الدار جت المديرة كانت مبسوطه هي وشايفه البنات فرحانين وبياخدوا اللِ عايزينه
رنا لمحت بنت ضامه رجليها وقاعده بعيد عن الهيصه دي كلها قامت رنا من جمبه: ثواني وراجعه
قربت من البنت ونزلت على ركبتها في الارض: يا جميله
البنت ضمت رجلها اكتر كانت دموعها بتنزل من على ايدها
رنا مسكت لعبتها اللِ كانت جمبها: قوليلي يا عروسه ليه صحبتك مش بتتكلم طيب أنتِ اسمك ايه
