طبيت لكيت نور بالكاع كاعدة و تبجي
شكو شصاير
نور :- ابني ابني ماهو
ياقوت :- شنوووو ماهوووو عززززااا بعيني وين راح
ام ميثاق :- طلع الباب مفتوحه عايفتها انتي وطلع وراج مندري وينه شلون تعوفيها مفتوحه
نور :- اذا صار لابني شي شيخلصج مني
ياقوت لطمت على خدي :- عزا بعيني والله نسيتها شمدريني راح يطلع وراية
نخبص البيت خبص حتى الجيران طبو علينا اجه ميثاق وابوية من الشغل خابرتهم امي
ميثاق :- وينه ابني ما لكيتو
نور :- ماكوو ماكوو راحو وسام وامجد يدورون عليه اخذني ميثاق خلي ندور عليه
ميثاق :- شلون طلع هو وين يطلع وحده يخاف
نور ببكاء :- جان يلعب هو وابن امجد بالطارمة طلعت ياقوت تودي غدا لام عماد عافت الباب تشجع وطلع وراها
ام ياقوت :- صوجي اني كله بسببي اني دزيتها سوده بوجهي ان شاء الله
ابو ميثاق :- كولن يا الله نلكا وين يروح امشي بوية ميثاق ندور عليه
ميثاق باوع لياقوت وكال
:- والله اذا صار لابني شي
ابو ميثاق :- ميثااااق تهددد اختككك كدامميي هاي بعدني عايش ما متت شنو هيه قابل متعمده شمدريها راح يطلع وراها قدر يريد يصير امشيييي اطلع كدامي
طلعو ابوية وميثاق ساعة وهمه ماكو الجيران تطب وتطلع علينا وكلها ضل بالها ورا شوية دخل امجد
نور :- ها ها وينه ابني لكيتوو
امجد :- ما عرف شكولكم بس
ام ميثاق :- بس شنووو احجي
امجد :- حمودي رايح ع الشارع العام وضاربته سيارة وشارد الضاربه وهسه بالمستشفى حالته خطرة
ام امجد :- ضربه التضربه ان شاء الله راح الوليد
نور :- يمممه ابني راح يمممه
ياقوت:- عزه العزاني كله من وراية
هيه دقايق حطن العبي على راسهن
نور وامي وام امجد راح يوديهم امجد
ياقوت :- يمه خلي اروح وياكم
ام ميثاق :- كعدي ونلصمي بلبيت ادعي يصير زين الطفل يطيح حضج ميثاق اذا صارله شي
نور :- كله من وراج ياقوت الله لا ينطيج
طلعو اخذهم امجد وضليت انتظر وبايدي بنت ميثاق الصغيره وابن زهراء كاعد ديلعب الدنيا كلها طلعت من عيني
زهراء :- كولي يا الله أن شاء الله ما بي شي انتي شنو ذنبج لتحملين نفسج المسؤولية
ياقوت :- شلون شنو ذنبي كله من وراية حمودي طلع شلون اذا صارله شي والله اموت روحي
