قبل اسبوع
مريم :- طبيت للجامعة متأخرة بسبب الخط تأخر عليه صعدت فوك لقاعتي المحاضرة بادية والدكتورة موجودة دكيت الباب
:- صباح الخير دكتورة أكدر ادخل
الدكتورة:- صباح النور لا ماما بعد ال ٥ دقايق ما ادخل اي طالب وانتو تعرفون نظامي
مريم :- والله بسبب الخط تأخر عليه
الدكتورة :- لا ماما تفضلي برا
ايست منها الدكتورة هاي ماراح تفوتني كلت خلي اروح اكعد بالنادي علما تخلص المحاضرة دانزل من الدرج بقت 3 درجات واوصل وجان اعثر بالكعب واوكع انكسر الكعب
اكو ثنين شباب واكفين خربو من الضحك :- الله الله شجاج ههههههههههه
الدمعة صارت بعيني نهضمت مو من الوكعة لا من ورا الشباب الضحكو عليه شنو مشايفين احد واكع قبل كعدت على ستول قريب ابجي وانفض التراب الصار بملابسي خربت الكشخة
اجاني ولد بيده كلينس نفسه الي جان واكف ويا ولد وضحكو عليه قدملي الكلينس
وكال
عمار :- بيج شي خوما تأذيتي
مريم :- لا شكرا ما اريد
عمار :- هاج اخذيه مسحي دموعج على شنو هل بجي اكو شي يوجعج
مريم :- لا لا والله ماكو شي يوجعني
عمار :- لعد ليش تبجين
باوعتله وكلت بكلبي ابجي من وراكم غير
رديت عليه
مريم :- الكعب انكسر
عمار :- سهلة هسه اجيبلج صمغ والزكي بس لتبجين هل عيون الحلوة ميلوكلها البجي
خزرته وجاوبت :- لا ميحتاج اني اروح
عمار :- كعدي بابا وين تكدرين تمشين الكعب مكسور هسه اجيبه واجي انتظريني مااتاخر
راح الولد ورا دقايق رجع وبيده صمغ
عمار :- جيبي هسه الزكه الج
انطيته اله سوا وانطانيا
عمار :- هاج هذا سويته لتمشين هواي بيه هذا الصمغ كلاوات ليروح ينشلع وهاج هذا البقه هم خلي يمج خاف ينشلع رجعي لزكي
مريم :- شكرا تعبتك اخي
داطلع فلوس حتى انطي طلعت خمسة هاي فلوس صمغ
استحي اكوله ماعندي صرف
عمار :- دكعدي بابا كعدي هو صمغ بربع قحط قابل شجبتلج
غمزلي وكال يلا ديربالج مو توكعين بعد
ضحك وكام عافني وراح حتى فلوس مااخذ
شكد فشلة اهمداني اي والله غير انتبهه
ضليت انتظر اريد تخلص الساعتين ماكو صارت سنة كل شوية اتذكر الموقف وارجع اضوج صارت ال ١٠ ونص اجتي صديقتي علا كلتلها :-
